بخطواتي تعثرت

البارت الرابع والخمسون

آنا آلكاتـبـه. مروه‍ـ مٱجـد

خلصت وهي كعدت تاكل اني نمت حسيت على ميعاد تكعد بيه فتحت عيوني
ميعاد::/صباحو عسل
نجود::صباح العافيه بيش الساعه
ميعاد:ب٦ كومي يله نلحك نروح للبيت نبدل ونروح للجامعه وإذا تحسن روحج تعبانه اني اخلي ميلاد يروح وياي ياخذلج اجازه حتى يمتحنج الاستاذ غير يوم
نجود::, لا انتي روحي واني بهاي الماده زينه اني احجي ويه الاستاذ هو يمتحني
ميعاد::يله كومي لعد خلي نطلع اني هم لازم ابدل
نجود::يله سندتني وكمت يولي مابيه شي اني امشي
ميعاد::امشي وانجبي
نجود: طلعنه من المستشفى لكينه ميلاد بالسيارة ومبين نايم بيها
صعدنا صبحت عليه ومشينا وصلنه ونزل راح لغرفته يكمل نومته
تلكتنه ام ميعاد
ام ميعاد:: هلا يمه بالي يمكم ضل شلون صرتي حبيبتي
نجود:: الحمد الله خاله زينه
ميعاد::ماما اني لازم اروح للدوام عندي امتحان
نجود:اني هم اروح مابيه شي حسيت روحي زينه
ميعاد: خاف متكدرين
نجود:: لا اني قاريه حرامات يروح عليه امتحان
ميعاد::يله تعالي بدلي
نجود: ها ماجبت ملابس ابقى بهل لبس
ميعاد ،: كووومي أخذي مني اني وياج نتلابس
نجود::لا مابيهن شي ملابسي عود من ارجع اشتري
ميعاد::كومي عندي ملابس بعدهم مملبوسات اذا نفسج متتقبل تلبسين مني
نجود: لا والله موهيج امداج بس زحمه اخذ ملابسج
ميعاد ،: راح تزعليني يعني اكو بين الاخوات زحمه وتكلفه
نجود::كمت
حضنتها وهي هم حضنتني اخذتني للغرفه طلعتلي بنطلون وقميص ابيض هي ملابسها كلها مال محجبات بس هذن عدها وملابستهم أخذتهم ودخلت للحمام سبحت وطلعت مشطت وشلت شعري خليت عطر وطلعت الدنيا بارده ثلج انطتني كلاو ولفاف لبسته براسي بس بعدني بردانه واستحي اكلها اريد شي ادفا بيه
طلعت شافتني ارجف غمتني ودخلت جابت سترا وقمصله جلد
كالت شوفي ياهو تريدين
اخذت القمصله لبستها وطلعنه نركض باوعت كالت منو. راح يوصلنه وميلاد نايم
نجود :: روحي كعدي واذا مقبل جيبي المفاتيح وتعالي اني اخذج
ميعاد:: راح اروح يارب ميكعد
راحت وره شويه اجت جايبه المفاتيح
نجود/::, خاف بكتيهم
ميعاد ،: لا هو كال اخذنها
نجود::اخذتها. صارلي هواي مسايقه بس من صعدت بسياره كلشي اذكرت شغلت وطلعت بيها وصلنه صفيتها بالكراج ونزلت دخلنه امتحنه وطلعنا الساعه ب١١
رجعنا للبيت لكينه ميلاد براس الفرع من شافنه اجه يمشي
ميعاد:: ولج انهزمي اخذينا لبغداد راح يسحلنه بكل شوارع الموصل
نجود:: ليش.؟
عزا بعينج ميعاد لتكولين سرقتي المفاتيح
ميلاد:: ياهلا وغلا والله اليوم اموتجن جانت وحده وماكادرلها انوب اثنين
ميعاد:: اني شعلي هي نجوود اخذت المفاتيح كالت اريد اتعلم
نجود::عزا بعينج ميعاد انتي مو اجيتي وكتي ميلاد تعبان وكال انتن روحن
ميلاد:: ولج جذابه اني موكتلج انتظري لما ابدل
ميعاد::اي واني اضل انتظر ساعه متطلع من الحمام وخر ترا اخرتنا وهي سياره مكسره
ميلاد:: وين اخرتج ست وين تريدين ترحين
ميعاد:: ها اني موست دكتوره ميعاد
ميلاد:: انزلي ادخلي للبيت لما نروح نجيب عمو علي ونجي
نجود:: لا مااروح لازم انضف البيت
ميلاد:: نضفته امي وجابت بنات خالتي وياها
نجود:: ليش زحمتهم جان اني نضفته
ميلاد:: لا شسالفه خطيه كيفو بيكم
يله ميعاد انزلي روحي سوينا غدا
نجود ؛: نزلت ميعاد واني هم نزلت افتريت وهو كعد يسوق
ميلاد::وين هو
نجود:: بالمستشفى مال بيت وطن.
ميلاد:: ماشي
نجود:: وصلنه نزلت اني بهل شهر يوميه أزوره بس جانو يعالجونه دخلت لغرفته لكيته كاعد يقرأ كتاب ولابس نظارته ومتغير شكله سمنان ونضيف وريحة المعقم حضنته وهو نزع النظارات وحضني بيده.
علي':: شعجب جايه الصبح
نجود::جيت اخذك بابا
علي:: وين بنتي
نجود::لبيتي بابا اني وطن انفصلنا
علي::ليش يا بابا
نجود::صدكهم بابا كسرني بعد ماحبيته
علي:: هو الخسران يا بابا يله لمي اغراضي اني صرت زين وحتى مااحتاج احد يداريني
نجود::يحجي طبيعي بس بصعوبه بعد لسانه ثكيل وأيده وحده حركتها طبيعيه بس الثانيه موحيل بس هم احسن من قبل ورجلينه وحده مابيهى شي والثانيه لازم عكازه لميت أغراضه وكتبه وهو بدل طلعت لازمه بيده وهو يمشي بالعكازه تقرب ميلاد سلم عليه
علي ؛ ،هلا بابا هلا بيك
نجود:بابا هذا  اخو ميعاد صديقتي الي حجيتلك عنها وراح نسكن قريب عليهم
علي::ليش بابا ترا البيت مالنه رجعته  سلام اشترا وخلاه بسمج واني محجيت الاحد
نجود:: منريده خليه هسه منحتاجه نأجره ونستفاد من الايجار
ميلاد::اي اني ادولكم مستأجر
نجود::متقصر خويه بس الاغراض مال بابا تكدر اجيبهم بالغرفه ضلو
ميلاد::اي تأمرين وهاي ورقة الخروج
نجود:: اخذتها من ايده وهو راح اخذت بابا صعدته بسياره وهو ورانه فتحت الباب وصعدت وره وبابا يمه وصلنه للبيت نزلت وفتحت الباب لبابا سندته ودخلنه من باب الخلفي لكيت الباب مفتوح دخلت اكو غرفتين وحده بيها سرير حديد وكنتور بابين وفراش ونضيفه وريحة البخور والمعقم فايحه خليته بيها وخليت أغراضه بالكنتور وعلاجه يم راسه وكتبه على الميز
طلعت المطبخ بيه طباخ وثلاجه وكاونتر وكم ماعون
والصاله بيها قنفات خشب
والغرفه الثانيه مابيها بس فراش وبطانيه كمت طلعت رحت على ميلاد
حجيت اريد اروح للسوك اشتري كم غرض واكل لازم بابا اكله صحي واريد سياره مستعمله مو جديده بس نضيفه دورلي وسعرها مناسب والبيت دورلي مستأجر
ام ميعاد:: هسه عوفي هذا الحجي كله العصر روحو الغدا كامل تعالي اخذي  خطيه هسه ابوج جوعان.
نجود:: لا خاله اني اروح اشتري اكل كافي هواي كلفتكم
ام ميعاد:: والله اكسر راسج اذا هيج حجيتي ترا انتي حالج حال ميعاد وميلاد لتزعليني منج يا امي
نجود:: خاله مااعرف شحجي والله الله عوضني بيكم
ام ميعاد:: الغدا اني اسوي الكم والنه لا تشيلين همو هو اني مسويه يوميه ماعونكم ماراح يخسرنه شي
نجود:: ربي يحفظج خاله لعد خليني اشارك بالمصروف
ميلاد: والله اذا حجيتي هيج ازاعلج والله
نجود:: والله زحمه
ام ميعاد:: لازحمه ولاشي يله أخذي غدا لابوج
نجود:: اخذت الغدا ورجعت وكلت بابا وهو مكيف بيه فراح شلون اوكله. كملت مسحت حلكه جر ايدي وباس باطنها اني هم اخذت ايده بستها رحت سويتله جاي شرب ونام
واني هم مددت ونمت مرت الايام واني هنا من الجامعه للبيت اهتم باادق تفاصيل بابا اسبحه أبدله امشطله حتى اضافره اقرضهم
مرت الايام واليوم  اخر امتحان النه وبطني كبرت
حجت ميعاد
واخيرا راح نعطل
نجود ': اي والله احس روحي خلصت بهاي السنه عبالك قرن موسنه كل المصايب بيها
ميعاد:: خلي نروح نسوي سونار
نجود ': لا مااسوي واصلا ميبين بعده ٣ اشهر
ميعاد:: اكيد بنيه وتطلع تشبهني ونسميعا ميعاد.
نجود:: اووو رجعنه انزلي اخذي تكسي اني مااوصلج
ميعاد:: شبيج متشاقين امداج البارحه موخليتلج بانزين بخمسة آلاف
نجود:: دولار مو
ميعاد:: شبيج هاي فوكاها والله بعد تحلمين
نجود:: يله اسكتي اخر مره تصعدين وياي عندج اخو هو يوصلج
ميعاد:: غير انتي مجلبه بيه والله فلا اصعد بعد وياج  لا انام يمج
نجود ': شنووو هوو امتحانات وخلصنه جامعه وعطلنه اذا تفكرين تجين تباتين يمي بعد أخذ بابا واهج بنتي تطلع تشبهج راسها مصفح
ميعاد:: يا يا يعني اني راسي مصفح
نجود: كلت بنتي انتي شكو
ميعاد:: هسه يطلع ولد احول يشبه أبوه
نجود:: ابو احول اممم
رجعت للبيت تلكتني ام ميعاد اخذت الصينيه منها ودخلت غسلت وبدلت ورحت وكلت بابا صبيتله جاي ورحت لغرفتي فتحت تليفوني ودخلت لصفحته مايمر يوم اذا مااشوف صورك لكيت منشور جديد متلهفه اقرا شنو المنشور
عدلت كعدتي ودموعي نزلن وكع التليفون من ايدي دخلت للتعليقات كلها تهني يعني نساني وهذا
خاطب وكاطع مهر اني شنو جنت تلعب بيه لكيت فراس من ضمن المعلقين وكاتب
ورطت روحك يخوي وهو رادله
احلا ورطه
دموعي نزلن مسحتهن ودخلت لصفحه مال فراس دزيتله
هلاو فراس
دقايق ورد
فراس:: ياهلا منو
نجود:: اني نجود صدك وطن عاقد اليوم
فراس: اي نجود انتي مو اجوزتي بعد شعليج
نجود:: ها شنو ازوجت
فراس:: اي من طلكج مو رحتي حتى قبل لاتطلعين العده اجوزتي ميلاد
نجود: من. كالكم بله!
فراس:: كافي نجوود ترا صار ثلث اشهر مارتاحينه عوفي الله يخليج لتحاولين تحجين وياه بعد ومهرج خلاه يمي دزيلي حسابج حتى احولو الج
نجود:: مهري!! وابتعدي! هههه كلشي مااريد منكم سمعت والله يهني
فراس:: لو ما ابوي يلح عليه مايجوز  بس ابوي حلفو يريد حفيد منو قبل لايموت وابوي فد مره مريض
نجود:: خلص أنه مره مزوجه وحامل شعلي بيكم بعد
فراس: الله يهنيج خيتي
نجود:: طلعت من الحساب ورحت على ميعاد لكيتهم كاعدين يشربون جاي
سلمت وحجيت.ميلاد ليش أكثر من مره جايين سألين عليه وكايللهم ازوجتها
ميلاد::اسف نجود بس والله علمودج
نجود:: تعرف بهذا حجيك شنو سويت
خليته يزوج اليوم العقد مالهم تعرف شنو حسيت من زوجي وأبو ابني راح يزوج وهو مفكر أنو اني مزوجه حتى قبل لا اطلع العده
دفعتها وحجيت لو بس كايلي اجه سأل عليج والله يوميه قبل لاانام اموت الف موته حسبالي ناسيني
ميلاد:: ترا مراح تعيشين يمهم وهو ماكال ارجعها بس جان يريد ينطيج مصرف واني كتله ممحتاجه مصرف اني زوجها واصرف عليها والله علمودج والنبي
نجود:: كعدت بالكاع وبجيت نار بصدري احس  راح يزوج عليه وهو مايعرف بعدني على ذمته اصلا
ام ميعاد:: كولي ياالله بنيتي ترجعين الو بس اذكري ابوج وابنج والله ميخلنهم يعيشون وخاصتآ ابنج والله يموتنه مثل موت ابن فراس كومي ياامي استغفري وخلي عينج بعين الله هو يبرد كلبج هو لو رجال جان ما صدكهم ياامي مو رجال اليمشي وره حجي الحريم
نجود: كومتني ميعاد واخذتني للغرفه مالتي طفت الضوء وغطتني وطلعت
دموعي نزلن أني حبيته بس مستحيل ارجع بعد اله سمعت صوت بابا يصيح

يتبع.....

لا تنسون التصويت على البارتات ومتابعتي علئ الواتباد ومتابعه لحسابي الانسته @j._._kr