حبال من حرير

مشاهد اضافيه

هلو يحلوات رجعنه الكم بقصة جديده #حقيقية احداث جديدة ومامطروقة وتخبل
#حبال من حرير

نقلل كلام ونترككم وي المشاهد لأبطالنا..
بسم الله
وقراءة ممتعة ♡

تم إضافة مشهدين جديدين في النهاية والمقدمة

****
المقدمه :-

امسك بيدها يتأمل عينيها ولمعة عينيهما تضاهي لمعة النجوم في المساء ..
رفع اناملها الصغيرة نحو ثغره مقبلآ اياها بكل حب الكون ..

البسها خاتم زفافهما ويداه ترتجف بخجل ولهفة
كان الفرح يملئ المكان وضحكات الحضور تتعالى ..
الجميع يرقص ويغني
كما هي رقصات قلبيهما ..

لكــــــن.....!!!

فجئ توقف كل شي تحولت الضحكات الى صراخ هستيري
والاغاني الى بكاء اختفت الابتسامات ووقعت يدها من بين يديه مسبلتآ عينيها ساقطة في قعر الظلام

المشهد 1

_
مرت الدقايق وهوا على حالته مغطي وجهه بجفوف ايديه ومخلي راسه بحضني ويبجي بحرگه.

بتردد وايد ترجف خليت ايدي على شعره ، ازداد بالبجي ويشهگ نفس الطفل الصغير ، ماتوقعت يجي هذا اليوم واشوفه هلگد منكسر وضعيف.

بلعت ريگي وكتله بصوت مخنوگ
::- ح..حبيبي

رفع راسه وباوعلي وعيونه حمر دم ورموشه الحلوه الآحبهن مبللات.. بلع غصته وبالكوه يطلع الكلمة
::- يابعد طوايفه يروحلج فدوه..

عضيت شفتي ودموعي تنزل..

::- حرموني منج ... غص ..حرموني منج يروحي

::- مجبوره ولخلقك جبروني..

::- الله لا ينطيهم العافية لوعو كلبي دفنوني وانا عايش من زفوج لغيري

سديت حلكي مختنكه
:- اش.. اش كافي شسويت بحالك

::- حيل وياي عساني ميت.. عساني بالحد اظلم ولا شايف ذيج الساعة وذاك اليوم

-ولج كل مااشوفج والمحج جايه وياه روحي تصعد لسابع سمه وتنشمر مناك..

-زلمة شكبرني وشكدي اكعد اشهك شهيك الطفل بحضن امي وابجي بواجي للصبح..
- منين يجيني الحيل وانا مفارگ عافيتي..

حظنت وجهه بيدي ومسحت دموعه .. حجيت مبتسمة: راحن ايام الحزن .. ابتسمت النا الدنيا .. جمعنا ربي سوه..

غمض عيونه وابتسم وشفته ترجف : جمعنا ربي .. ريحانتي جمعنا..

نزلت ايدي من وجهه وابتسمت ولاول مره دموع الفرح تنزل من عيوني .. هزيت راسي اي ..