عيوني سحراً الدكتور

عيونها جملات كبغداد

/البارت الثاني/

الكاتبه..منار الشمري

يوزري،،manar2qh

الدكتور .. ههه لاتخافين بس نامي خل اشتغل صدك هاي بس كلتلها نامي بسرعه نامت ع السديه وفتحت حلكها

اسينات،،،يالله هاي ونمت بس اكولك اخ انته بطل تمام

الدكتور،،،،ههه يربي شكد طفوليه بكلبي احم ييي تمام بس خلصيني ونامي

نامت هيه واني بلشت انضف بالرحه مالتها وهي متحس شلعتها وكملت حطيت كطن عليها وخلصت كتلها كملنه تكدرين تكومين

اسينات،،،يي دكتور هياتني دكوم جان ادوخ وكمشت السديه

الدكتور ،،،الله شبيج تعالي كعدي كمشت ايدها وكعدتها علئ الكرسي نطيتها مي وغسلت وجها صحت شويه كتلها بعد عندج جلسه اذا تردين اسوي اسنانج كن التسوس وكذا لان عندج رحاتج البصفها متسوسه

اسينات، ،،،،مممم نشالله دكتور كمت وطلعت لكيت ماما بعدها مجايه ههفف وينهااا ماما شوي ودخلت نطتني عصير ورجعنه للبيت سولفت البابا ع كلام الدكتور وافق وحروحله الااربعاء المقبل 🫂

صعدت لغرفتي ونمت ماكعدت غير ساعه 11 باليل تعشيت شوربه فرح سوتلي
حطيت كتبي وكعدت اقره عربي عندي امتحان صف سادس نوب ودوامي صباحي كملت ورجعت نمت
""""""""

بطلنه ،،،الدكتور علي
علي،،، دكتور اسنان عموي 29 طولي177 جسمي وسط بس صاك اسمر
عندي اخوان ثلاثه واخت وحده
ابويه، ،،،جاسر. فلاح عمره 48
امي، ،،،ربت بيت عمرها44

سجاد اخوي الجبير عمره 35
محمد الوسطاني عمره 33
وجعفر الوسطاني عمره 31
واني واختي شمس عمرها 20 سنه مزوجه ابن عمي عدها والد وبنيه

من جنت بالعياده جنت ضايج من الازدحامات وصلت روحي طالعه ومرضه هواي ودخلت مريضه اسمها اسينات بس شنو ضحكتني وفرفشتلي الجو بالفطره الشايلتها شلون شهكت وتحجي وياي تتوسل وتاشر بيدها وضحكتني من تكلي كلبي يرعد هههه يربي عاد اني قنعتها اسوي اسنانها علمود ترجع مره ثانيه هههففف مدري شصايرلي اني اول تالي اباوع علئ مريضاتي استغفر الله معرف

كملت دوامي ورجعت للبيت دخلت
لكيت البيت هدوء محد اكو

علي،،،،يمهه وينج سجاد محمد جعفررر وينكم

سحر ام علي،،، ها يمه تعال هنا

علي،،، السلام عليكم شو ماكو الجماعه وينهم?

سحر،،،،كلمن بشغله شلون شغلك اليوم?

علي.. الحمدالله ماشيه الامور امي حصعد انام لحد يكعدني

سحر،،،،تعال اكلك لكمه وروح

علي،،،،تغديت يوووم صعدت للغرفه نزعت الملابس بقيت بالشورت ونمت جان تجي بفكري شلون تحجي وتحرك بيديها ههههفففف يربي شلون هسه مجاي تروح من بالي

نمت كعدت ساعه بال5:00 العصر سبحت ونزلت لكيتهم كاعدين

علي،،،،،السلام عليكم شلونك يابه

جاسر،،،هلا بويه شلونك

علي،،،،الحمدالله يالله عيني اني حطلع محتاجين شيئ،

الكل، ،،،،لاا بس بالك ع نفسك !!

طلعت اتصلت ع صديقي مرتضه حت نتونس اني وياه كالي ادلل بس اغسل سيارتي واجيك

علي رحت للكهوه شووي واجاني مرتضه
مرتضه،،،هلا ابو الشباب وين اليوم السهره

علي،، نجب لك نروح للمول لل منتزهات هيج اريد اتونس مو مال سوالفك المكسره

مرتضه، ،، فوك مريد اونسك. بس سوي زين وذب بالشط وين متريد خل نروح يالله

علي،،،ديالله عاد شلون زين

طلعنه بالسياره اتجهنا لمدينه الالعاب تونسنه وبالرجعه ساعه 10 باليل قنعني مرتضي نروح للمول نشتري كم شغله ونرجع صدك عاد رحنه اني وياه دخلنه المول لكينه هم اصدقائنه هناك موجودين سلمنه عليهم وكعدنه شويه وياهم

مرتضئ، ،، ها ابو حسين نروح لاا
( يصيحون لعلي ابو حسين)
علي،، هاا يي هم ماضل وكت خل نروح

كمنه علي، ،،منك من الشيطان تريد ترجع من وكت
مرتضئ،، ،، يمعود جذب بس اريد اطلع منهم خنكوني بسوالفهم

علي،،،هاي عود صدك تحجي طاح حضك عاد دخلنه للمول نشتري

جاي اشتري ستر واحذيه من الوالد وجان يحاجيني مرتضئ باوعت ليوره،،،

اسينات.. حجيت لبابا واقتنع بروحتي للدكتور فصعدت اقره بغرفتي جان الكي اشعارات علئ تلفوني فتحتهم لكيت المدرسه دازه علئ التلكرام اوراق الامتحان كلبي مات بسزمن شفت درجتي ريحتني ماخذه بالعربي 88 كلش فرحت جان هذا اخر امتحان عندي نزلت ركض لهلي اكللهم

اسينات،،،،،بابا ماما تعالو ابشركم استلمت ورقه مال عربي وناجحه 88
الكل باركلي بعدين بابا كال شتردين اجيبلج هديه فكرت اطلع للمول واجيب حاجات
اسينات،،،بابا محتاجه كم شغله اريد اروح للمول اجيبهم هوه بسرعه كال تمام روحي انتي واختج خل ياخذكم فادي

فرح،،،صاحت فادي وصعدنه نبدل لبست بلوزه بيضه وبنطرون اسود وحذاء ابيض كلبت شعري وبقيت عطر وسوار ونزلت فرح نفس ملابسي بس ع لون ازرق القميص
نزلنه
فادي،،،هلا بويه انتضرجن نص ساعه ونرجع
البنات، ،،،تمام 🥴

طلعنه بالسياره وصلنه المول دخناله كلش حلو داشتري نص الغراض باوعت جان اشوف الدكتور الشلع رحاتي يشتري ملابس من المحل شوي وجان يباوع ليوره شافني هههفف يربي فشله نوب اني اباوع علييه لزم اسلم عليه غير عيب هوه ضل صافن عليه عاد هياتي اريد اسلم عليه جان يحجي فادي،،، وياي يالله اسينات نروح؟

اسينات،،،يالله
رجعنه للبيت

وصلنه نهايه البارت نبضاتي
لاتنسون التصويت والتعليقات باي