إزالة غيوم الماضي

الفصل السادس

                                              الفصل السادس
          
                                          #نوفيلا_إزالة_غيوم_الماضي

                              #بقلمي_نورهان_جمال

                                                                #ملكة_اللطف

               #كاتبة_النقاء

اللهم صل وسلم وبارك على سيدنا محمد وعلى اله وصحبه اجمعين تسليما كثيرا طيبا مباركا فيه عدد ما كان وعدد ما سيكون وعدد الحركات والسكون عدد ما ذكره الذكرون وغفل عن ذكره الغافلون 🕊️💚🌹💎

**************

فور أن وجد والده دلف لغرفته استقام بجلسته يبعد عنه الغطاء يجلس علي الفراش بجوار والده الصمت يخيم علي المكان يجلس هو ووالده بجوار بعضهم البعض في صمت مهيب حتي قرر والده قطع ذلك الصمت بصوته الرخيم متحدثاً بهدوء

:"لما اتصلوا عليا وقالوا علي اللي حصل ليك و قبلت القائد بتاعكم وسمعت كلامه حسيت بالفخر والاعتزاز لأنك أبني ، ولما عرفت أن في أبطال غيرك ربنا اختارهم يبقوا شهداء وأهلهم ينالوا الشرف العظيم ده ويعيشوا طول حياتهم مرفوعين الرأس ، لما فقت من المخدر كنت مستني اشوف رد فعلك علي اللي حصل لقيتك ساكت مكذبش عليك حسيت بخوف وقلق من صمتك خفت يحصل ليك حاجه كنت مستني اشوفك ثاير غضبان بس انت فجأت الجميع برده فعلك بس مع ذلك حسيت إني جبت راجل للدنيا يضرب فيها و ميتأثرش من ضربها ليه بالعكس الضربة اللي متقتلش بتقوي ، لما ريم تخلت عنك  وسابتك وقالت مينفعش افضل مع إنسان مش عارفة هيبقي مصيره ايه وهو معاق كنت مستني برضوا غضب منك بس أنت سكت عملت _عملية الطرف الصناعي _ والحمد لله نجحت كنت مستني برضوا حاجه غير سكوتك بس فضلت ساكت تعالجت نفسياً وجسدياً الحمد لله طبعاً ده ميمنعش أنك كنت بتتعصب علي بسيط علي اي حد بيفكر يحسسك أنك ضعيف بس الحمد لله تعايشت مع النقطة دي و بقيت كويس ، الغريب دلوقتي أنك بعد كل ده وبعد ما أمك تعبت علشان تعبك و اتقهرت بسبب اللي عملته ريم و احساسها بالعجز يا خالد صعب علي الكل معقول مصعبش عليك علشان تكرره ليها تاني أنها تحس ان أبنها عاجز ميستهلش بنت زي أميرة أنت حتي موفقتش تقابلها لأ رفضت علي طول وخانقت مع أمك لازم تعرف أن محدش هيخاف عليك ويحبك ويتمني ليك الخير غير أمك يا خالد حتي لو قست عليك يا خالد بس هي بتحبك أنت حتي مفكرتش "

انهي حديثه ينظر لخالد الذي يستمع لما يقول بإهتمام فور انتهائه وضع خالد يديه علي وجهه يدفن وجهه بين كفيه مرت لحظة حتي رفع رأسه مرة أخري ينظر لأبيه بحزن يتحدث بقهر وضيق

:"خايف في يوم أميرة تقول اللي ريم قالته ، خايف اظلمها معايا و امي مش قادرة تستوعب ده خايف ألقي في عيونها يوم اني عاجز يا بابا مش هقدر استحملها من انسانه هتعاشرني خايف اجيب أطفال يتقال ليهم يا أبن العاجز.........."