في صباح اليوم التالي ذهب كل من هلال ووائل إلي شركة عمهم.وبمجرد أن دخلوا ظلوا ينظرون إلي الشركة والتغيرات التي حدثت فيها ثم قال وائل/مين يصدق إن دي كانت شركتنا من خمسة عشر سنة.
هلال/كانت بقي..،وأصلا مش مهم احنا كل واحد فينا دلوقتي عنده شركة أنجح من دي بكتير.
وائل/معاك حق.
اكمل كلاهما السير الي مكتب عمهما وعندما وصلوا قال هلال للسكرتيرة/السيد كمال جوه.
السكرتيرة/أيوه جوه..حضراتكم عندكم موعد.
وائل/احنا مش محتاجين ناخد موعد.
هلال/قوليله هلال ووائل بره وخلاص.
السكرتيرة/حاضر.
اتصلت السكرتيرة بكمال وقالت له/السيد هلال والسيد وائل عايزين يقابلوا حضرتم بس معندهمش موعد.
كمال/هلال ووائل!..دخليهم فورا دول مش محتاجين ياخدوا موعد.
السكرتيرة/مفهوم.
انتهت المكالمة ثم قالت السكرتيرة/بإمكانكم تتفضلوا.
وائل/أخيرا.
هلال/شكرا.
دخل الاثنان إلي عمهم الذي بمجرد أن رأهم قام من علي الكرسي بسرعة واتجه إليهم وعناقهم وهو يقول/وحشتوني أوي ياولاد.
هلال/وأنت كمان وحشتنا ياعمي.
وبعد الانتهاء من العناق ابتعدوا عن بعضهم ثم قال كمال لوائل/ماوحشتكش ياوائل ولا ايه.
وقبل أن يرد وائل أسرع هلال قائلا/وحشته ياعمي،وحشته أوي حتي كان متحمس إنه يقابلك..صح ياوائل.
ابتسم وائل ابتسامة مزيفة وهي يقول/صح...وحشتني أوي.
كمال/طب تعالوا نقعد.
جلس ثلاثتهم ثم بدأ كمال بالتحدث قائلا/مكنتش أعرف إنكم مع بعض.
وائل(بسخرية)/بجد.
كمال/آه..يعني لما عرفت إنكم في مصر فكرت إن كل واحد فيكم في مكان مختلف ماكنتش أعرف إنكم في نفس المكان.
وائل(بسخرية)/صدقتك.
هلال/بص ياعمي احنا جايين علشان نطلب منك طلب.
كمال/اتفضلوا.
هلال/احنا عايزين من حضرتك ماتقولش حاجة لبابا أو لماما.
كمال/ماقولهمش علي ايه بالزبط.
وائل/علي إن احنا مع بعض.
كمال/ليه هما مايعرفوش.
هلال/لا مايعرفوش ومش عايزينهم يعرفوا.
كمال/وليه مش عايزينهم يعرفوا.
![](https://img.wattpad.com/cover/351605566-288-k842333.jpg)
ESTÁS LEYENDO
لما افترقنا
Ficción Generalثلاثة اخوة افترقوا بسبب انفصال والديهم الذي تم نتيجة انتهاء شراكتهم في شركتهم الخاصة،أخذ كل من الام والاب واحد من التوأم،أما الفتاة الصغيرة فكانت عليها المشاكل والجدال ،وفي يوم من الايام اختفت تلك الفتاة ولم يجدها احد حتي ظن الجميع انها ماتت،ولكن اخ...