الانستا h.w09
ترتيل / مكان ما انتمي الة
ساكنة وية رجل غريب علية
بيوم وليلة انگلبت حياتي
رأس على عقب
سبحت واستحي اطلع من الحمام
وين اني
شجابني لهنا
الاقدار شلون تتغير برمشة عين ؟
لبست ولفلفت نفسي وشعري وشجعت نفسي وطلعت
اتسحب وكأنو اني حرامية وسارقة شي
باوعت يمين ويسار وين اروح ؟
بقيت واكفة بمكاني
ودموعي تجريي
احساس حقير مو حلو
بقيت متصنمة وعيوني ما سكتت ابد
ماعرف شنو نوع الشعور الي راودني بوقتها
ماعرف شگد مر وقت اني على وگفتي
طلع من وحدة من الغرف باوعلي
بنضرة عطف النضرة الي اتمنى ماشوفها من احد
والي خايفة اشوفها هواي بالايام الجاية
كال هاي الغرفة الچ البيت هذا استلمتة مأثث لذالك
هاي غرفة اطفال بس عادي بيها سريريكفيچ وخزانة
وكل شي تحتاجي
حطيتلچ جنطچ بيها روحي ارتاحي
وحاولي تنامين بينما اجهزلج العشا
مماكلة شي انتِ يلا
رحت بدون ما اجاوب غرفة لطيفة
بيهة سرير نفر وبيهة كاروك اطفال
وكنتور صغير وباقي اثاث كامل
باوعت الچرچف بي تراب
دگ الباب
صحت تفضل
دخل وبيدة چرچف گال ماعندي ابو النفر
مشي نفسچ بهذا على ما اجيبلچ
