العصر كلت اطلع اشتري حلويات واني اندل الاماكن الي بلموصل لان هواي نجي للموصل
شتريت ودا ارجع واشوف نفس السيارات بيه نسوان يبجن
بديت امشي سريع ما احس الي ايد لزمتني
داعشي:باع هاي شلون جسم يشك شك
داعشي٢:ما هذا الجمال كم انتي مثيره
ضليت اصرخ بصوت...
ڤيان: يا عم هذا اني ما عندي عمام كلهم بلبصره وين اهلي اريد اهلي بديت ابجي حسيت بوجع بجبهتي متت الم
علي: اهدئي لتبجين هسه جايين اهلج بلطريق اجوي اهلها وطلعناها من المستشفى مشت الايام وهيه متذكر ايي شي واني ما اتقرب الها ولا انام وياها بنفس الغرفه من اول ما دخلت للبيت واني مطايق ڤيان ابداً بيوم جنت بلدوام ورجعت للبيت شميت ريحة اكل وخبز كلش طيبه دخلت للمطبخ واشوفها واكفه تفرم سلطه رحت من وراها حضنتها من خصرها وخليت راسي على جتفها وهيه فزت واندارت شايله السجينه والدمعه بطرف عينها
ڤيان: منو سمحلك تتقرب الي انته مثلهم داعشي متحرش مغت****ب بس حجيت هيج عبالك واحد ضربني على راسي منين اجه هذا الحجي احس الاحداث الي صارت وياي كلها رجعت براسي صدعت وكعت بلكاع فزيت على صوت دكتور فتحت عيوني
الدكتور: رجعت ذاكرتها وهاي ادويه خلي تستمر عليها
ڤيان:تقرب الدكتور يشاور علي اكلني الفضول شنو يكله راح الدكتور وعلي مخنزر عليه عافني وطلع كعدت اتذكر كلشي واني ابجي اخر شي نمت تعبت من التفكير كعدت العصر صوت جهال هواي جوه عرفت جاينه خطار كمت بدلت وتمكيجت طلعت من الغرفه وعلي صار كدامي تقرب عليه وكال
علي: خلي ننزل سوه عمي محمود ومرته واهله هنا ما اريدهم يحسون بشي
ڤيان: مدلي ايده وقربني عليه من نطلع خارج الغرف عادي بينه كأي متزوجين لاكن بلغرفه بذات مالتنه منطيق بعض نزلنه من الدرج وصارت كبالنه تقى لزمت الفستان بأيد وحضنت ايد علي هوه استغرب بس كرصته وخزرته وهوه عدل نضرته الضاهر فهمني دخلنه للصاله سلمنه عليهم وهوه اجيت اكعد يم البنات سحبني يمه شويه وطلعت تقى ضايجه
علي:كعدي هنا مدام اني موجود تكعدين يمي لزمت ايدها وبستها
ڤيان:استغربت من فعلته
ام تقى:باوع باوع مو اكلكم الولدمسحور ما تقتنعون
علي:لا مسحور ولا شي مرتي واحبها بس انتي تغارين من مرتي لان مو حلوه مثلها
ڤيان: الكل ضحك على كلام علي وهيه تنرفزت حيل
ڤيان: علي عيب شهل حجي فوك ما هيه تكرهني هسه تكرهني ازيد
