نعتذر عن غيابي عنكم اللي طال 18 يوم يعلم الله ان نفسيه مدمره وماعنديش نيه ف تكملة بسبب الاعصار اللي صار معانا ربي يرحم اللي مات ويصبرنا ويعوضنا خير في رزق اللي راح لكن نحاول عشانكم نكمل منحبش نكتب رواية ونوقفها لأي سبب كان عشان هك نحاول اني ع قد مانقدر نكتب ونزلكم
#الدب
بقلم يحيى إدريس
البارت 15
قصي حطيت يدي ع خدي
فتحيه . كنك ياقصي
قصي . نخمم يمي نا لا شكل ولا منفعه
فتحيه . توا غير عرفت ياقصي
قصي . ياامي في حاجه اسمها جبر الخواطر
فتحيه . حركات المهم انت حاط ف راسك الزيزه
قصي . ابتسمت ابتسامتي البلهاء اها
فتحيه . وفي عروس ف عقلك ولا ندورلك
قصي . اهم حاجه تبقى غرباويه
فتحيه . وكنهن شرقاويات خوذها نفهموها وتفهمنا
قصي . ياامي الغرباويات هك سماحه ف حناطه
فتحيه . غرباويات نار حمرا ماينقربن بعدين يسيبن رجاله الحمر صفر اللي عندهم وياخذنك انت
قصي . وكني نا حانط او وسيم
فتحيه . وسيم قتلي كلي وسيم خليها بيني وبينك
قصي . تعرفي متابعة لي ع تيك توك قالتلي تشبه دكتور جواد فياض
فتحيه . اعطبها على خشمها الكذبات ه الكذيابه
قصي . انتي ام انتي
فتحيه . تعرف دكتور جواد لو سمع كلام هذ ينتحر مسيكين
قصي . كسرتي قلبي يمي
فتحيه . فكك من الحاجات البعيده شن رايك ف اغزيل
قصي . يععع نصوم نصوم ونفطر على اغزيل
فتحيه . وكنها اغزيل
قصي . ياامي نبي غرباويه لمًا نحكي معاها تقولي يااقنين ولا ياحليلي اااااه وعض على فمه لهجتهن
عسل وسكر
فتحيه ب ازدراء . متخلف وماتكسب العقل نقطه
قصي . انا متخلف ومانكسبش العقل نقطه ناض
فتحيه . ان شاء الله تنفلق
قصي . ان شاء الله عشان ننقص
ملاك . تعرفي كل ماتبودري كل ماتبقي سمحه والعرسان يتقاطرو عليك كيف الرز لازم نفتح بشرتي
هند تاكل ف معمول وتشوف لاختها وهيا تمكيج
ملاك . ادير ف كريمات وتليس ع وجهها انا هنبقى سمحه هك وتوا مرحله الكانتر وبعدها نديرو حواجب كل مايبقن غلاض كل م احسن هذ موضه توا
سندس . ياملوكه العريس يجي بروحه بدون مجهود
ملاك . انا عنست خلاص تعرفن شن معناها فرخة 2008 تقولي عقبالك انا تقولي عقبالك لازم ماتنتهي سنة الا ونا متزوزه ومتضبطه العريس ...
سندس . احلام العصر
ملاك . انتلفي من قدام وجهي كذا
سندس . طلعت وسيبتها
ملاك . ناضت تشوف لروحها عسل وسكر نسهف بعدين شافت لجسمها حي علي وزني زايد وحطت يدها ع كرشتها تقول جايبه 3 مرات بعدين قعمزت
ع سرير وخذت سندوتش همبرغر بكرة ندير رجيم
فتحية . تمشي معاي يانجيوا
نجوى . وين وين
فتحية . ندورو عروس لقصي
نجوى . لولولولي هذ يوم اللي نبيه هي ماشيه
فتحية . هاك سوكي ياحنه
وطلعت فتحية وبناتها ونجوى القصقاصه ل اي حوش فيه بنات شبابات يعني بنات وقت زواج
فتح اول حوش عيت العبيدي ...
قعمزن وجت العروس تمد ف القهوة
العروس . انستو
فتحية . الله يانسك وقربت لنجوى باخه موزيل ع العرق
نجوى هييييه وشوشت لبنات فتحية العروس بنتها عرق ..
نجوى . قوليلنا عاد تعرفي تقولي شتاوي وتزغرتي وديري عداله
العروس . نعرف
فتحيه . كذا سمعيني
العروس . نحساب روحي نسيته سالن دموعي وين مالاقيته قديم الغلا
فتحيه . صح لسانك يمي نخشو ع تسواي
نجوى . قوليلنا طريقة مكرونة البشاميل
العروس . 900 غرام مفروم وطني كبايه طماطم حكه نوعيه اية وبصله مبشوره لاهي كبيرة ولاهي صغيرة ¼ كبايه معدنوس مبشوركاشيك زيت.
كاشيك صغير ملح وفص ثوم
ونجو لبشاميل
كبايتين حليب الريحان
كبايه جبن موزاريلا مبشوره
½ كبايه دقيق
4 كواشيك كبار سمن
نجوى خلاص خلاص عطها دعوة شكلها فنانه
فتحيه . ماشاء الله سوايه وشتايه وعيونها زرق
ام العروس . لا مش زرق عدسات
فتحيه . شعرها طويل اتقول حرير
العروس . سكتشن ياعميمه
فتحيه . ايسما
العروس . وصلات مش شعري
فتحيه . غش يعني لا خلي بنتك عندكم مالا
ام العروس اتهزو ع بنتي شن شكله ولدكم مالا
نجوى وخوات قصي شهقن هييييه
فتحيه . ولدي يخدم طول وعرض وجمال عليك سخصيه نجك ليا
نجوى. وعنده سيارة ومشهور ع تيك توك
اخته الوسطيه وعنده فراش ف المربوعه وتليفون وشحن اها يكون ف علمكم
فتحيه . قصي ماتتحملو فيه بصيره اخر العنقود سكر معقود
اخته لصغيره ونشاد
وطلعت فتحيه هي وجارتها وبناتها
خشت فتحيه لقت قصي مقعمز ياكل ف بطاطا مقليه
قصي . وين كنتي
فتحيه . ندورولك على عروس
قصي . احوء احوء شنو
فتحيه . اسملاهي ع وليدي ندورولك ف عروس
قصي . وحصلتو
فتحيه . يقهرن مافي وحده مسقمه خلك معاي مالك ومال زيزه
قصي . هذ هو احسن راي
ثاني يوم
قعمزت ملاك ع كرسي ف جامعة تاكل ف شاورما جنها صحباتها خير شخبارك
ملاك . خير شخباركم انتو تفضلن
ليال . No ملوك بنسألك سؤال
ملاك . ضيقت عيونها تفضلي
ليال . عندكم مرايا ف حوشكم
ملاك . اها عندنا عليش
ليال . ماتشوفيش ف روحك سامنه بكل را ومزلتي تاكلي وقفي را تعنسي محد ياخذك وضحكت ب استهزاء هيا وبنات اللي معاها
ملاك . حتى نا عندي سؤال برادتك هذي مجهود شخصي ولا وراثه
رانيا . فكنا من مشاكل يابنات
روميساء . شوفن يابنات من جا
سلوى . خلاص حرام عليك
روميساء . بعدك مايتحملش بكلاوة توا يكملها كله مجاعه
ندى . خلينا نضحكو
صهيب . روميساء وين ماشيه
روميساء . شن بندير بنخلي قصي هذ مضحكه ع تيك توك صورني معاه بس تعرف هيجيب مشاهدات
صهيب تمام وبدا يصور وهو يضحك
قصي . خشيت لجامعة وشفت روميساء جتني ب طبق بكلاوة
روميساء . تفضل
قصي . شفتلها وكنت بنمشي ونسيبها
روميساء . حلو خطوبتي من صوبي معقوله متبيش تاخذ
قصي . خذيت منها طبق
روميساء . دب مش هتغير وبدت تضحك بصوت عالي قتلك خوذ طرف مش طبق كله
قصي ، قلبت طبق بكلاوة على راسها وضحكت عليها
وجامعة كلها تفرج وتضحك وصهيب يصور ويضحك
للحديث بقية ...
