You, Me and Him

chapter 1

Ka ac _honeylemonn tih kha ka hmang thei tawh loa, mahse ka story ziah lai, You,Me and Him tih hi request leh lo la chang tu ka rin aiin in lo tam bawk sia, ti hian ac thar ah ka upload tha leh tawp a, ilo chhiar tawh pawn, min lo like sak ve tal ula please in chhan chu a hma ka ac ang khan readers ka nei pha awm tawh silo a, tlemin ka phur loh ve phah deuh a😆
Chuan min lo follow ve leh vek dawn nia

Author pov,

"Tho rawh tho rawh bawiha 8:30 am a ri dawn, school I tlai dawn nia" tiin mipa pakhat chuan khuma naupang kum 3-4 vel mi awm lek chu a sawi nawk* a, mut puan vel chu a thlep tha pah nawk* bawk.

"I breakfast tur ka lo va siam nga, chumi chhung chu I hmai te lo va phih fai la" room chu a chhuahsan nghal a, chawka lamah a phei a, bawnghnute te chu a chhuang nghal mawlh* a, room lam a melh leh zeuh bawk thin.

"Ala tho lo chiang mai" tih hluk pahin room lamah chuan a tlan phei leh a, naupang te chu tui deuhin khumah chuan alo la mu a, a thaw deuh sek* lehnghal.

A thaw hak a, hmanhmawh deuh in ava pan a, a bul a thlen chuan engmah sawi loin a pawm tho deuh lawp a, bathroom lamah a kalpui nghal a. Naupang chu thutthleng lo  indawh kang sa ah chuan a din tir a, ani a hmanhmawh tawh tehlul nen naupang te erawh chu meng pawh meng hlei loin ala ham bai* reng thung. A kut a tihuh a, a bula naupang te reuh te ding chu a hmai ava tuai sak lawp a, ani pawh a meng chiang tawh khawp mai.

"Awii ka bawnghnute" ati deuh vak a, naupang chu en in, "Sahbawn hian I hmai lo phih la, I eitur ka lo va siam ang, hmanhmawh la aw" a sawi zawh rual* chuan a tlan chhuak a, a bawnghnute chhuan chu a off vat a, second 1 pawn tlai se chuan a liam hman ngei ang.

Chhuar chu a hawng a, chhangthawp, butter leh chini a la chhuak a, chhangthawp ah chuan butter chu a tat a, no ah chuan bawnghnute chu thli in tihdaih pahin a thlum nghal thlap bawk. "Apa ka insiam duh" naupang chuan room atang chuan a rawn ti lang* a, "Ka lo kal" tih pahin room lam ah a tlan a, ava thlen chuan a nui suk a, "Ka naute hi chu Ava han fel tawh tak em, amah in alo inphelh vek thiam nia" tiin a fapa form vel chu a la a, a hak tir nghal mawlh* bawk.

Naupang chuan "Apa pheikhawk leh moza saw" tih pahin pheikhawk leh moza awmna lam chu a kawk a, "Sawtah" tih pahin pheikhawk, moza leh bag chu ala a, chawka lam a panpui nghal a, chawka an thlen chuan chair sang bik tak, naupang tana siam tih hriat hliah* ah chuan a thut tir sawk* a, "Kha lo ei vat* rawh le" bawnghnute leh chhangthawp chu a pe a, alo ei chhungin anin pheikhawk leh moza alo buntir sawk* a, a tui bottle te a dah sak a, a bag chu en in a pai kim leh kim loh a check sak thlap bawk.

"Ka puar" a rawn tih chuan bag chu a ak a, a fapa chu ava pawm a, an chhuah hma chuan banga hmeichhe hmeltha ve tak, en mai pawha ala naupang tih hriat zet thlalak lo intar chu an en dun a, "Anu bye* ti rawh le" a fapa en chuan ati dam diai a, "Anu, school ka kal tawh dawn a bye* aw" tih pahin banga thlalak lo intar hmaah chuan a kut a vai lauh* a, in chu an chhuahsan ta a.

Scooty-a kal an ni bawk a, school chu an thleng har lo, an thlen chuan 8:55 alo pel tawh a, "Kal vat rawh le, I tiffin chu I bag ah ka dah kha, chuan tui in tam la, fel deuhin awm la, ban ah ka rawn hruai leh ang che aw" tiin a fapa chu a thlah a, "Apa bye*" tiin school lam panin a tlan a, ani pawh chuan a fapa chu school a luh thleng alo en liam a.

A scooty lam pana a kal chu hmeichhe pakhat hian a rawn su deuh chawrh a, a hawi chhuah chuan  "John nang elo?" hmeichhia zawk chuan nui var* chungin alo en chho a. "Aw iva tlai ve vawin chu, hmeichhe sam tuai that sak pah chuan ti a, "Ka alarm ka lo hre lova" atih chuan John chuan, "Keini pawh thawh kan hai lom, va kal vat* rawh, minute 1 vel bak inei tawh lo" atih tak ah chuan hmeichhe nu pawh chu hmanhmawh zetin school lamah a tlan a, a inchei dan tang chuan zirtirtu ni awm tak ani. "Esi hi chu aw" nui deuh hak pah chuan John chuan ati a, in lam panin a tlan haw ve nghal a.

John pov,

In lam chu hmanhmawh angreng takin ka pan a, dar 10 ka hna tan hun ani a, ka hma tawh vak lem lo. Kei hi John Lalhlimpuia ka ni a, kum 24 mi ka ni. Kum 20 ka tlin hmain fapa duhawn tak ka nei a, midang chuan thil tihsual pawh an ti maithei mahse ka tan chuan ka nuna thil thleng ropui ber ani. Kum 14 ka nih tangin Louise nen kan inzui tan a, kum 20 ka nih thlengin kan inthen lo hrim*, chu kan inhmangaih na vang chuan fapa duhawm tak Benjamin Lalrinhlua alo piang a, Ben pian ni kha ka tan chuan khawvela ka lungngaih leh hlim ni ber ani.

Louise khan neih pangaia nau a neih theih loh vangin chawp leh chilhin an zai a, a hriselna a pan avangin a risky em* bawk. Darkar fe an zai hnuah min rawn ko a, an zai hlawhtling ngei a, mahse Ben chu a thawk a dik loh vangin icu ah an hruai nghal a, Louise pawh a thawk a rawn buai nghal bawk. Louise room ah chuan ka va kal a, oxygen mask an vuahtir a, a dang bel a, hmangaihtu tan chuan hmuh hrehawm tak ani.

A kut kava vawn chuan thei leh thei loin a mask chhan atang chuan a rawn tawng siam* a, ngawi turin ti engang mah ila a ngawi duh chuang lo, a thusawi chu mittui nen ka lo ngaithla a, a hnu deuha Benjamin Lalrinhlua a rawn tichhuak a, a sawi zawh rual chuan a mit a chhing a, a kut ka vawnna chu a zawi nghal vek a, khawvela ka mi hmangaih ber mai chuan kumkhua atan min kalsan tih ka hria, mahse ka pawn thei lo ani. Doctor leh nurse ho chuan Louise chu an rawn buaipui a, kei erawh chuan engmah ka sawi thei loin ka hmangaih chu ka thlir tlawk* a, ka mittui erawh a tla awl lo thung, ka khawvel a tawp vek ani ber mai.

Darkar fe chhuata ka thu hnu chuan room lehlam atangin min rawn ko a, ka fapa in ngai a awh tawh thu an rawn sawi chuan chhang pawh chhang loin ka tlan phei a, ka thlen chuan nurse pakhat hian ka lam panin Ben chu a rawn pawm a, zawi muangin ka ban ah a rawn dah a. Ben ka hmuh chiah khan ka khawvel chhevek tawh chu dinthar lehin a awm a, ka nuna ka damchhan ani ta ani. Thutiam pahnih ka siam a, ka fapa tan tan hian ka nung anga, hlimna ka pek theih zawng* ka pe ang tiin. Ka meimitchhing vang* a, "Louise hahdam takin awn rawh, tha takin ka lo enkawl ang" tiin Louise chu ka tiam a.

Ka chhungte bulah ka let theih loh avngin Ben chu keimahin ka enkawl chho a, ka vanneih a siamin hna tha tak ka hmu a, in luahtur tha tak nen. Ben nen kan pahnih in kan awm a, kan hlim em* bawk, khawvela naupang hlim ber a nih theih nan ka theihtawp ka chhuah ang

Author pov,

Chhun dar 12:30 ani a, Ben te pawh an bang tawh. Ben chuan an school kawtah apa chu a chang ran a, nidang aia John in a rawn lam har avang chuan Ben chu a hawihai titih a, "Ben ipa alo la thleng lo mi?" an miss Esther-in a rawn tih chuan Ben chuan alu alo bu nghauh* a, "Immm, tian ti ang, tah sawn ka kal leh lawk ang a, chumi chhung chu tah hian min lo nghak la, ka rawn let leh velah kan haw dun dawn nia aw" tiin Ben chu a hrilh a, a ni pawh chuan alu alo bu ve nghauh* a.

Minutes 15 vel hnuah chuan John chu a rawn lang a, mahse Ben in a chan thinna ah chuan Ben chu alo awm lo a. A bul vel chu a zawng thuak* a, a hmuh silo ah chuan a mangang tan a, a thlang deuha tanga Esi rawn kal a hmuh chuan alo zawt vat a, "Tah hian lo awm rawh ka tih kha" tih pahin a kalsan na chu a kawk a. An pahnih chuan school building vel chu an en kual a, an hmuh ngang loh avangin in then hran a zawn chu an tithlu a, John phei chu a mangang luatah a hmai atangin a thlan a rawn bawl tuam* a.

John chuan school pawn dawr awm vel chu a en kual a, Ben thlalak te chu a hmuh a, an lo hmu bawk silo, a rilru hah lutuk chu a buai vek thei, a thlan nasa bawk a, a kawr zawng* chu a thlan in a bual khat vek tawh. A zawng kual vek hnu pawha ala hmuh loh vang chuan a beidawng police station lam pana a kir leh chuan "Apaaa" tia ko ri a hria a, a fapa aw ngei ani, a hawi let vat a, Ben chu a lam panin a rawn tlan phei a, apa bul a thlen chuan a kuah hle* a, chutiang bawkin John pawn.

An hnungah chuan mipa pakhat, sa tha ve lampang, sang zet mai, a lan dan chuan Mizo pawh ang lo khawpa hmeltha, en mai pawha hausa tih hriat hliah* chuan a rawn zui a, "I fapa hian ati bo che a" a rawn ti thum bul a, John pawh thingthia Ben kuah anih avangin a han en chho deuh hu a

~~~~~~~~~~~~~~~~~~~~~~~~~~~~~~~~

A words hi a hma a ka upload ai khan a tam deuh zel a, mahse a hma nen khan a danglam chuang lo nia aw