You, Me and Him

Chapter 16

Ava reh theih vang* ve le😪

____________

Author pov,

"Ka duat, tho tawh la" a bianga kiss zuk* pah chuan Timothy chuan John chu a kaitho a, pakhat lah a lo rum tiah* a, tho tang e a la ti chuang lo. "Ben pawh a inkhawm turin a kal tawh nia" tiin a hmuiah chuan ava kiss leh zuk a, "Ka inkhawm lo mai ang, tihfel tur tam emai" meng hlei lo chuan a rawn ti bai* a, zanah an thiante an leng rei si, dar 2 velah a mu hman ve chiah a, a hma niin alo mu tha lo bawk nen a chau ve em ani.

"Naute lian" bridal style chuan ava pawm a, John pawn a Timothy nghawng ah chuan alo vuan ve vat a, "Ka ril a tam" ati sap a, Timothy chuan chawka thutna ah chuan ava thut a, "Va inti fai la, ei theih ni mai" tiin zana John in eitur a siam sa vek chu dawhkan ah chuan a chhawp nghal mawlh* a, John pawh la ham bai* chung chuan a kal ve chet* a.

A rawn let chuan thuin an pahnih te chuan an ei mial* a, Timothy phei chu a thawhna rei tawh a, a ril a tam ve tawh John kaihthawh hma a duhloh vangin dar 11 hma chu alo nghak ve tang* a.

"Marcus-a khan ngaihzawng a nei em?" Timothy chuan a John chu a rawn zawt a, John chuan ngaihtuah lem lo hian, "Nei ngai lo, mahse thla hmasa vel tang khan biak thut chu a nei ve" ati puat a, "Tinge a?" tiin a zawt leh a. "A hma in David-a nen eng emo ni awm niang, nizan khan min hrilh a" atih chuan John chuan mak alo ti lutuk, meng phawk deuh hian, "A rei tawh em, ka hre ve lo reng*" ati hluk a, "Rei tawh ang, phai a kal hma mi deih nia, a lo berah kum 4 tanga kum 5 vel a liam tawh ang" kum vel ngaihtuah vung* pah chuan a ati a. "Chutiang kum ah te chuan kum 16 nge 17 chiah ala ni dawn" ati nuah* a, a in ngaihtuah buai vel hmel chu Timothy tan chuan hmuhnawm tak ani.

An ei kham ah chuan Timothy chu inbual turin bathroom lam ah a lut a, John chu thutthleng ah chuan a let a let a, Sunday alo ni kher bawk nen a reh hian a reh ati tlawk* mai.

T.V a en lai chuan Timothy phone a rawn ri a, a va auh chuan "Lo chhang rawh" atih vang chuan a chhang nghal a, a hna thil anih vangin nakin ah alo call let leh ang tia chhangin a dah a.

Call a dah hnu chuan Timothy phone chu dah ta mai lo chuan a gallery vel te chu a en kual a, thlalak vel a en chuan lawm chawp ngai lo hian a nui suk* a, thlalak ah chuan Timothy thlalak chu thlem tak hi ani ringawt, a awm chhun pawh an hnaa midang nen an lanna vek ani, ama pic ai chuan a hotel document pawimawh leh chhinchhiah ngai vel a awm leh a, mahse a phone a thlalak tam ber chu John leh Ben thlalak ani tlat, an pahnih thlalak awm belhkhawm chanve chuan Timothy pic lo neih sa pawh a hlen lo.

Videos ah pawh chuan John leh Ben bak hmuh tur an awm lo, an thil ei lai te, Ben infiam lai te leh an thilsawi ho te* a awm a, chu mai bakah an in video call na zawng* te chu alo screen record vek thin hi alo ni. Mahse chung zawng* aia a mah hnehtu leh thawng tu chu an inthen lai zawng* khan Timothy hian a kalsan ngai lo tih a hriat in ani, taxi emo bus ah John emo Ben an chuan reng* in an motor chuanna number plate zawng* thla laiin alo chhinchhiah vek a. An pahnih hnung lam chauh lanna thlalak ringawt pawh tam tak a awm.

"Ka thawmhnaw fai a awm em" bathroom aṭang chuan a rawn ti lang* a, a in ngaihtuah muk lai ni bawk nen, John chu a phu deuh zawk. "Ka thawmhnaw bawm ah a awm ang" tia au let lang* pah in a chhang a. Chawka lam a pan chu Timothy lo  chhuak tur chiah nen chiang takin an in tawk a, "Awiii, I mawl ami?" John chuan au deuh ṭhat chuan ati a, a hmaa saruak ngal ngata ding Timothy lah chuan awlsam fe hian, "I hmu vek tawh a, zah na tur awm lo" alo ti et a, "Va inthlak vat rawh" John chuan amah en ṭha duh miah lo hian ati a, na chin lawk kha chuan alo emotional ve tawh teh lul nen, minute khat pawh tling lo ah a mood a inthlak nghal vek.

Timothy lah chuan ala pan hnai ta ang deuh* a, John lo meimitchhing chu a nghawng ah ava nul thuak* a, "Miin an rawn hmu che nge!!" turhverlh lam va melh pah chuan ati a, alo la in hawng zui, hmanhmawh tak chuan ava khar leh sawk* a. "I ta vek anih hi" Timothy lah chuan a abs te inchhuang tih hriat taka ben thek* pah chuan ati a, John ava hawi chuan chiang em* mai hian an inhmachhawn a, John chu hawisan Leh rang tak hi ni ringawt, "I hmu vek tawh a bak ah keimah zawk pawh ka zak loa, I va zak reuh ve" ti bul* in Timothy chuan room lam chu pan a, John chuan a lu thing nang* hian "Va mol tak" tiin a phun sap a, khatianga inhmuh leh sex hman laia ruak ngal ngata inhmuh chu a in ang lo ve em ani.