الكاتبه بنين احمد
روايه مذاق الحرمان
خشن رمل المكبرة على ترف خدها ..
......................
راحت على التفات تحجي وياها تبجي وتشهك..
-التفات احجي التفات فدوة كولي جذب امي ما بيها شي التفاااات
ولللج يمممه ...
التفات ..صارت حلا بس اصيح وتبجي حاضنتها نهاد تهدي بيها ما تسكت اخذناها رجعنه للسيارة
بقينه طول الطريق تبجي طبينه الشارعنه وياريتنه ما طابين وما راجعين نزلو حيدر وكرار سانديهم ما يكدرون يمشون
اول ما نزلنه جانت الناس كلها واكفه بلباب
كمنه ما نفتهم اي شي غير صوت الصريخ رج الشارع رج زلم ونسوان حتى ما شايفتها
كعدنه بلغرفه الاخيرة وحلا يم نهاد حاضنتها لحضات وطاحت حلا بلكاع ذبينه عليها ماي
ما تكعد اباوع على نهاد حتى ما الها خلك
ذب عليها ماي احسها بلكوة فاتحه عيونها
طب ابن عمي لان الولد كلها ما تكدر حتى تكوم
شالها اخذها للمستشفى راح بس هوه وياها
ربع ساعه رجعت حلا بلكوة تمشي ..
-سالم شبيها حلا
-هبوط بلضغط ديرن بالجن عليها
كل احنه ندري صعبه عليكم فراك امكم بس ما يصير تهملن اختجن وهيه بعدها زغيرة ديرة بالكم عليها
:-بقينه كاعدين اجو فرشن السفرة باوعت على الباب لكيت بنين تباوع علينه وتبجي ..
صاحت عليها نهاد فتحت الها اديها وهيه تبجي ..
-تعالي بنون
راحت عليها حاضنتها وتبجي ..
تمسح بدموعها وتحجي ..
-راحت بيبيتج بنين ضليتي بدون بيبيه
منو راح يدافعلج منو راح يحبج بكثر ما
حبتج راحت وعافتني كل احنه
تحجي نهاد وتبجي ..
صبو الاكل تلاثتنه كاعدين على الحايط ما النه نفس ناكل اجن خالتي اكلنه ونهاد توكل بنين ودموعها اصب وهيه ما ترضه تاكل ..
ام سلام ..اكلي بيبي الراح بعد ما يرجع كطعتي الاكل وبجيتي شنو راح يتغير كل احنه على هذا الطريق
مرت اول ليله على فقدان صديقه ومكانها خالي بيتها ..
:-نامو ايتام صديقه اول ليله الهم بعد خسارتهم الحبيرة والي ما راح تتعوض ولاشي راح يسد هذا الفراغ البداخلهم
من همه ازغار وهمه يعانون الفقر والضيم واليتم والفقر صارو شباب وكبرو والدنيا
ما اطتهم مجال يتنفسون بي ولا يوم
مصيبه ورة مصيبه حرمان ورة حرمان ..
بنين ..كعدت الساعه ب ٦ الصبح اول مرة بحياتي اكعد وما الكه بيبيتي كبالي او بلاحرة اول مرة اكعد واسمع صوتها يهلي بيه حسيت من راحت راح كلشي وياها
جنت بطبيعتي شجاعه وما اخاف من اي شي لو يحطوني بخرابه ودنيا ليل ما اخاف بس اليوم غير اول ما صعدت فتحت باب البيتونه ردت اطي ماي للحمام
YOU ARE READING
مذاق الحرمان
General Fictionامراءة خلدها التاريخ واجهت صعوبات الحياة بمفردها واجهت العراق بمفردها هل تستطيع ان تربي 8 ايتام بمفردها؟ هل تستطيع التصدي لحروب العراق؟ هل تستطيع حمايه ايتامها من السوء؟ هل تستطيع مواجهة الفقر بمفردها؟ هل تستطيع مواجهه المصائب في العراق؟ من...
