فصـليـة الـشيـخ زيـدان "
الـكاتبـه لـيـندا 🎀
تـصـويـتاتـكم كتاكـيتي 🐤
ايـلاف : نزلت واسحل بنفسي سحل وجسمي مشتعل نار من الظرب وارجف من لوجع ولبرد باوعتلي ادياان وتظحك متشمته بيه جانت متعمده ادزني هناك حتى زيدان يكتلني
حمـديه : بعد ايدي ايده امشي ولـج تعاااي جيبي طشت مي دافي وحطي بي ملح واكعدي فركي رجليـه
ايـلاف : ماعندي طاقه اجادلهم حجيت حاظر
رحت للحمام جبت الطشت وجبت كتلي ماي دافي حطيته جوه رجليها وهيه كاعده بلصاله
ودنيا الصبح حطت رجليها وكعدت افركهم الها وهيه تغلط وتسب بيه وحتى فشار تفشر ظليت الوم نفسي ليش وافقت ليش تركت بيت اهلي ورضيت بهاي الذله كله بسبب القصص الجنت اقراهه خسرت مستقبلي وحياتي علمود الكه الشيخ لي يحبني ويعشقني مثل لقصص لواتباد بس بس مااصار شي ومستحيل زيدان يحبني كاعدين وطبو اطفال يركضون يصيحون بيبي بيبي من شافو وجهي خافو وجهي كله اثار ضرب
نايا :بيبي منو هاي سعلوه؟
حمديـه : هااي خدامتنه الجديده معليكم بيها
ايـلاف : دنكت راسي ولدموع تارسه عيني
ابـرار : شـلونج عمه
حمديـه : هلا بنيتي هلا بالغاليه
ايـلاف : بوستها وحظنتها حتى ماباوعت بوجهي كامت لحجيه واخذت الطشت ورحت غسلته وضميته رحت للمطبخ لكيت اديان تسوي ريوك ويمها بنيات ثنين كلهن يباوعلي بحقد حطيت لكتلي ورحت لغرفتي الجوع ولوجع موتني ثوبي مبلل فتحت جنطتي ولكيت دشداشه سوده طلعتها ولبستها مر اسبوع واني يمهم لبنيه لي اجت طلعت زوجه زيدان طلع متزوج وعنده ثنين جهال نهاريت من عرفت حقدهم وعذابهم الي كام يزيد وزوجه زيدان تعاملني معامله الحيوان
اكل ينطوني لي يزيد بمواعينهم نظفت المخزن ورتبته وكعدت بي وبيوم جاي انظف واجه ابن زيدان طب بحذائه لوث لارضيه واني نكسر ظهري يله كملتها حاجيته بحركه كلب وكوتله انتااا متخاااف الله مو تشوف هستوني منظفه لكاع ليش هيج دا تسوي بيه؟ جان هذا يركض لامه ويكللها هاي لخدامه ظربتني نجنيت واكللها والله ماظربته بس دا افهمه اجتني متخبله نزعت لشحاطه وسحلتني من شعري وصارت فوكاي والله كطعتها عليه واني ابجي واصرخ بكل صوتي جاان اسمع صوته واني اشهك من لبجي وحلكي وخشمي يصبن دم
زيدان : ابرررار اتررركيهاااا
ايـلاف : كمت اسحل بنفسي سحل ورحت ميته بجي وختلت ورااه وناشغ من لبجي
ابـرار : اتررركهاااا؟؟ صدك تحجي كااامت تتطاول و ضررربت ابنننك وباااجر تظررربنييي
وتضرب امك لادافعلهاااا زيداان
ايـلاف : صرت كبااله وابااوع بعيونه وحجيت والله مااضربته والله بس حاجيته وكوتله لادمر الكاع هسه نظفتها وهوه ركض يكول لامه ضربتني فدوه صدكني والله ماا دا اجذب صفن بعيني لثانيه وكال روحي لغرفتج بسرعه توجهت لغرفتي واني ميته واسمع صيااحهم بره وهيه دكله لو اني لو هاي لفصليه بهذا لبيت
يتـبع . . . 🔥
أنت تقرأ
" فـصـليـة الـشيـخ زيـدان "
Romanceركضـت بتـجاهه والـدم يجري من كل مكان بجسمـي كعدت بلكاع وتمسكت برجلـيه وحجيت زيزو فـدوى لاتعـوفني اضـربني شكد مااتريد ماالومك ابد صدكني اني احبك لاترجعني لاهلي مااريدهم بعد ماكدر اعيـش بدونك بليز لاترجعني بليززز بيبي :-ولج انتي مااعند...
