مَهْوُوسُهَا

(الجزء الثاني: الفصل العاشر)

اصبحنا واصبح الملك لله
ماما : صباح نوور
انا : صباح لخير اماما شوي دبا ؟؟
ماما: اه الحمد لله
بستها ..انا : ماما عندي مانقضي لعشية نعاود ندوز عندك
خرجت ..انا : حياة مرات جدي ماتدخلش الله يحفظك
حياة : صافي واخا
تسالمت معا بابا تاهوا وهبطت فحالي وصونيت ل إبراهيم ولكن مكيجاوبش يعني المهمة تاعي بوحدي هه
مشيت لدار عند مرات جدي
انا : مرات جدي زوينة توحشتك
كلثومة : لاش جايا ؟
انا : دار بابا هههههه
كلثومة : اه اه مرحبا
انا : دبا توريني اش كديري للواليدة فلماكلة ولا البوليس براسهوم لي ايقلبو
كلثومة : يهديك الله مكاندير والو
قصدت تلاجة فيها بزااف تاع دوايات بطبيعة لحال انقرا واحد بواحد بقيت كنقلب ولكن دوا واحد لي جاني فشكل ! هزيت حبة بتخبية
انا : كلثومة ضلمتك سموحات
كلثومة : شتي قلتها ليك
انا : مهم بسلامة
خرجت وعاودت صونيت لإبراهيم واخيييرا جاوب
هو : اش بيتي
انا : كيفاش اش بيت
هو : دوي دغيا
انا : صافي والو وقطعت
مشيت لسبيطار عند ماما قلت نسول شي ممرضة واش ممكن نحلل هاد دوا ونعرف اعراضو
الممرضة : صراحة مكنحللوش الادوية هنا ولكن يقدر تمشي عند سي مصطفى
انا : فين نلقاه؟؟
الممرضة : انعطيك العنوان
كتبات ليا العنوان فورقة
انا. : شكرا بزاف
مشيت قصدت العنوان
انا : عفاك كنسول على سي مصطفى واش كاين ؟
...: هو انا نيت ههههه
انا : اه هههه
مصطفى : تفضلي شنو محتاجة
انا : بغيت نحلل واحد الدوا
مصطفى : علاش
انا : هاد لحبة لقيتها مع دوا اخر فلقرعة ماشي بحال بحال وانا شاكا فواحد سيدة كتعطي هاد دوا لماما
مصطفى : ساعة رجعي ليها
انا : واخا