مادري كيف اوصف مشاعري وانا اكتبها اتمنى تنال اعجابكم
- نبدا بطلتنا الجميله ارجوان بنت عائله معروفه جداً ومسيورين الحال حياتها من الخارج تبين انها حلوه ولكن عكس ذلك عاشت طفوله قاسيه وانحرمت من والدتها بعمر صغير اخذ الموضوع وقت حتى تشفى من اللي واجهته بطفولتها واصبحت متعلقه بابوها وكانت دايم تروح معه حتى لشغله وابوها يموت فيها لانه بنته البكر وفيها من جمال امها وذكائها وشخصيتها ونوصل لوقتنا الحالي ارجوان صارت تملك شركه اعلان وتسويق وابوها دعمها ولكن نجحت بفضل ذكائها وطموحها وعائلتهم يشتغلون بكذا مجال ووالدها اختار مجال السيارات ونجح فيها واخوها يوسف يشتغل مع ابوه وعكس اختهم اورام فكرت بغير اخوانها ماتحب الاضواء ولا تهتم للفلوس وحلمها تصبح طبيبة وابوها عبدالله اصبح شريك لنادي الهلال ولانه يحب هالنادي مره الفرحه مو سايعته -يوسف اخوها يشجع الهلال وكان وده احد يروح المباراه معه وسال اورام ورفضت ودور ارجوان وطق باب غرفتها ودخل وانبسطت على جيته وحضنته وقعدوا يسولفون وقالها جوجو ياقلبو ممكن طلب -ارجوان : عيوني لك -يوسف : تسلمين بس ابيك تروحين معي مباراه الهلال مهمه مره نهائي الهلال والوحده في كأس الملك -ارجوان: صح مااشجع بس ابشر اتجهز وارسلك -يوسف :باس خد اخته بسعاده وشكرها وقال انا بلبس وبركب السياره -ارجوان : تمام وبدت تتجهز جميلتنا ولان ماعندها تيشرت الهلال دخلت غرفه الملابس واخذت من تيشرتات يوسف وكان حق ميشايل وبذت تضبط شعرها وحطت ميكب بسيط يحليها واخذت عبايتها ونزلت ليوسف
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وطبعاً لان عندها اكاونت بالانستا وهي بلوقر معروفه مره دايم تصور يومياتها ولوكاتها وتحب تتكلم عن المجوهرات وهالاشياء وركبت ارجوان مع اخوها في سيارته المرسيدس وتوجهوا للمعلب وطبعاً جلسو في VIP Box وشاهدو المباراه بحماس وسجلو الوحده اول هدف 35 ونفس اخوها يوسف وقعدت تضحك عليه وزعل منها لانه منترفز وهي تضحك -يوسف: اوريك ياحيوانه بعدين -ارجوان : هههههه يصير خير وانتهى الشوط الاول والهلال خسران ١-. وبدء الشوط الثاني والهلال لازال متراجع وارجوان صارت تدعي يفوزون عشان مايضيق صدر اخوها حبيبها وفي الدقيقه 90+9 الهلال سجل الهدف الاول من علي البليهي وانبسطت مره وقعدت تنطط وطلعت بشاشه وقعدت تضحك ويوسف مااستوعب الهدف وحضن اخته وانتقلت المباراه للركلات الترجيح والهلال سجلو ٦ وبقى وحده وصد المعيوف حقة الوحده وبعدها اختار انه يركل الاخيره وجابها واللعيبه والكل جاؤؤ عنده مبسوطين ويوسف وارجوان ماصدقوا وفرحوا مره -ارجوان : وقسم حارس الهلال بطللل ماشاءالله مبروك حبيبي يوسف الفوز -يوسف: بالله ماعرفتيه -ارجوان: لا شسمه -يوسف : عبدالله المعيوف صديقي -ارجوان: كيف صديقك ومااعرفه هههههههه -يوسف: هههههههه تصير ياقلبو ترا بروح اصور معه بعد شوي -ارجوان: زحمه يابوي خله اذا جاء يطلع -يوسف سمع كلام اخته وطلعوا وعند المواقف شاف جمال وسلم عليه وبارك له وقال اكيد تبي تشوف راعي المعروف -يوسف: كانك داري اي بسلم عليه وابارك له ارجوان تشوف اخوها وهو ينتظر عبدالله وجاء وركض له يوسف يحضنه وسلم عليه الف مبروك ياراعي المعروف يافديتك وضحك المعيوف الله يبارك فيك ياعمري وارجوان تراقبهم من قريب وانتبه لها المعيوف ومستغرب مين ذي وتجي بنت بمنتصف العشرينات جنب ارجوان وتسلم وودها تتصور معاها وارجوان وافقت وقالت ارجوان انا عرفتك من عبايتك وهيتئك من صوره الانستا وكل هذا ويسمعهم عبدالله ولازال مستغرب وجودها قريب عندهم وبعدها طالع يوسف وانتبه لاخته وقال لعبدالله اقول رجع عيونك محلها الا اختي وضحك وعبدالله قال لا بس استغربت وجودها قريب عند سيارتك وحولنا -يوسف: اي ذي ارجوان -عبدالله وهو سرحان فيها وشل عيونه على طول : اها الله يحفظها وودع يوسف وقال تعال بعد شوي عندي نسمر وبيجي جمال وباقي اخويانا -يوسف: ابشر بس ماراح اطول وراي داوم ترا😜 ورجع عند اخته ورجعو للبيت ودخل يوسف غرفته ياخذ شاور بارد ويغير ملابسه ويروح للعيال وارجوان بعد دخلت غرفتها وقامت تفكر بعبدالله ونظراته ودخلت عليها اورام وجلست تسولف لها -اورام: ارجوان شفيك ياروحي اكلمك ترا -ارجوان : ولا شي بس افكر بداومي بكره عندي مشروع بعرضه على شركة بابا وخايفه -اورام : الله يوفقك اثق فيك واكيد ابوي بيوافق ماعليك ههههههههه -ارجوان: ان شاء الله بس بروح مع يوسف واعرفه الدلخ يتاخر وراح يسهر مع اخوياه واحس ودي السواق يوديني بس بيفصل علي الله يعيني اتحمله بكره -اورام قعدت تحضن اختها وتهديها وان التوتر مو مفيد لها -اورام :خذي لك شاور ياقلبي وانتظرك بالصاله نتابع موفي وماعليك العشاء خفايف -ارجوان :تمام ياقلبي ودخلت صالتهم الدافيه واختها كانت تجهز الفلم وقعدت جمبها وقعدو ياكلون ويتابعون الفلم ونمت ارجوان على كتف اختها واورام صورتها وضحكت وغطتها بالبطانيه ولمن خلص الفلم حاولت تصحيها ولا نفع ونادت ميري مساعدتهم على اساس يقومونها ورفضت تتحرك وطفو اللمبات وطلعو فجأة قامت هي من نص نومها وشافت جوالها الساعه 3:45 وشلت نفسها لغرفتها واستلقت على سريرها الناعم وبعدها صحت الساعه ٧:٠٠ وباستعجال خذت اقرب لبس موجود ورحت تتروش وطلعت وقعدت تسوي ميكب بسيط ولمن خلصت نزلت نتقهوى قهوتها مثل العاده وشافت ميري جايبه سيكو لها وانبسطت تركض تبي تحضنه سيكو قطها المفضل وتوه راجع من العياده لانه كان مريض وقعدت تلعبه وشافت الوقت ٨:١٠ وبسرعه تركت سيكو لميري ورقت تلبس عبايتها واخذت شنطتها ودخلت على يوسف وانخرش -يوسف: بسم الله الواحد يطق الباب ويقول صباح الخير على الاقل -ارجوان: مو وقته اخلص علينا متى بيمدينا نوصل تراك بالرياض يا عمري -يوسف: خذي مفتاح سيارتي شغليها وبلحقك - ارجوان : وليه وين راجو ولا بابو يشغلونها لك -يوسف: عشان نقعد سنه ماطلعنا انتي اسرع يلا يا قلبو ارجوان بتنهيد طيب وصاروا بنص الطريق ودق عليه عبدالله وقال تراك ناسي جوالك الثاني عندي وكل شوي تجي رسايل اهلكني ترا -يوسف: اسف حبيبي بجي اخذه الحين بيتك حول مشواري -عبدالله: تمام لا تطول لاني بنام وبعدها وصل يوسف لبيت عبدالله ودق عليها وضرب البوري وقعد ينتظر وارجوان لاحظت اخوها يعرق ووجه انقلب اسود وتسمع دقات قلبه ونزلت من مقعدها وخذت مويه من الثلاجه وراحت ترشها عليه وتقول بخوف يوسف انت بخير ورد بتقطع -يوسف: اي بس يمكن عشان مااكلت دوائي . وماكان عندها وقت تهاوشه وشربته مويه وطلع المعيوف ولمن شاف حال خويه كذا جاء يركض يقول شفيك يا يوسف انت بخير؟ وردت بداله اخته -ارجوان: الحيوان مااكل دوائه وطلعنا من البيت مستعجلين مااكل شي اذا عندك عصير جيب له انا معه هنا ننتظرك -عبدالله: ماينفع خليه يدخل ويرتاح شوي وعزنت لاخوها عشان يروح معها داخل وكان قدامهم عبدالله دخلهم المحلق وجاب له عصير وشربه وقالها لازم يستلقي شوي لا تشيلين هم وقعدت تطالع الوقت واستوعبت انها تاخرت واتصلت دينا سكرتيرتها وقالت لها انها تاخرت مره واعتذرت ارجوان اسفه بس ماقدر اجي بلغيهم وقولي لابوي لا يشيل هم ويوسف معي واحنا بخير وقالت تمام وقفلت منها وقال عبدالله -عبدالله: اذا عندك شغل روحي له انا معه لا تقلقين -ارجوان: بس ماقدر بشيل هم انت ماتعرف قد ايش احبه . وكان بادي عليها التأثر تكه وتبكي وانتبه لها وقال -عبدالله: على راحتك بس اعرفي ان اخوك قوي وحتى هو يحبك ودايم يسولف عنك -ارجوان: منجد ورد عليها بتاكيد وعطاها مويه عشان تهدا وعم الصمت في المكان وارجوان تطالعه باعجاب ولاول مره تحصل معها ماقد هزها او جذبها رجال قبله وودها تسولف معه وتحس وهي جالسه معه كانها تعرفه مشاعرها متضربه وكمان خايفه على اخوها وعبدالله استحى يناظرها لانه عارف انه بيوقع بغرام عيونها وتفاصيلها اللي بتجننه وبعدها ارجوان تسال يوسف اذا صار احسن عشان يرجعون لبيتهم -يوسف: انا بخير ياقلبو يلا نمشي -ارجوان: متاكد؟ -يوسف: اكيد -عبدالله: كيف بتروحون وانت تعبان وماتقدر تسوق واختك كلها توتر تبون تذبحون انفسكم بوديكم انا -ارجوان بشموخ :انا اقدر ارجعنا -عبدالله تجاهلها وقال :يلا امشو قدامي مافي نقاش وركبو وكل الطريق عيون عبدالله على المرايه يشوف ارجوان وهي تطالع باستغراب وشمقت وعبدالله ضحك بهدوء ويوسف بعالم موازي من التعب ووصلو وارجوان ويوسف شكروا عبدالله وقالت ارجوان -ارجوان: عبدالله لو سمحت خلك هنا بودي يوسف وبكلمك بشغله -عبدالله بتوتر: تمام ودخلت اخوها يرتاح في غرفته وشغلت المكيف على البارد وحطت جنبه جواله ومويه ودوائه وحبت جبينه بكل رقه وقالت استودعك الله وطلعت ونزلت لعبدالله اللي قعد ينتظرها -ارجوان: احس يوسف له فتره مو على بعضه ولكن يمثل غير كذا مادراى اني بشك من قبل مايصير له اليوم شي وانا كلي خوف وشك ان صاير معه شي انا فقدت كل شخص احبه وخايفه ارجع نفس الشي والشعور فا بسالك بكل صراحه عبما انكم اخوياء ودايم مع بعض هو بخير ما صار شي معه ؟ -عبدالله : بكل امانه وصراحه ماشفت شي يمكن نفسيته خايسه وانتي تحسبين فيه شي -ارجوان: بس احساسي دايم صحيح -عبدالله :تأفلي باذن مافيه الا العافيه لا تفكرين واجد يا جوان -ارجوان: اسمي ارجوان ترا -عبدالله :تمام انا استأذن وارجوان ودها تمنعه يروح خايفه ما عاد تشوفه ولكن هي مين؟ وماردت عليه ودخلت بسرعه وبعدها حاولت تنام ماقدرت واستوعبت انها ماغيرت ملابسها وضحكت كله منه وبدلت ملابسه بلبس مريح ومرت الساعات وغفت وصحت الساعه 2:00 الظهر وراحت لدوره المياه ولمن طلعت راحت تشوف اخوها وتتطمن عليه لقته يتابع التلفزيون ويتغدا وانبسطت مره وركضت له وحضنته بكل قوتها وقعدت معه شوي وبعدها استأذنته بتروح لابوها مشتاقه له وسلمت عليه وكان زعلان لانهم سحبو على المشروع واعتذرت منه قالت يوسف بخير ترا بس جاه تعب بسيط وعشان كذا ماجينا يا قلب بنتك -عبدالله وكله خوف: يا عيون ابوك ليه ماعلمتوني عساه احسن وينه ابي اشوفه؟ -ارجوان: بغرفته يا عمري انت لا تشيل همه اقولك بخير وسولفت مع ابوها شوفي وطلع ابوها راح يشوف ولده يتطمن عليه - بعد اسبوعين مشت الايام بسرعه سلمت ارجوان مشروعها واخوها تحسن واختها سافرت عشان دراستها تصحى ارجوان من حلمها وهي تبتسم ومستغربه انه تحلمت فيه اي عبدالله حلمت فيه وقعدت تقول حتى بحلمي جاي ذا النشبه تحاول تكابر لكن بدت تشعر باعجاب بسيط تجاهه وغيرت ملابسها وطلعت تفطر برا مع صديقتها المقربه دونا وقعدت تسولف لها وقالت دونا -دونا: جوجو قلبي الاحظ لك فتره ماغير سرحانه وتفكرين قولي لي -ارجوان حكت لها عن المعيوف والشعور الغريب اللي تحسه كلما قابلته وهي تسولف سكتت وحاولت ماتناظر لان اللي تتكلم عنه قدامها ولا انتبه لها وبعدها تحاول تقوم ارجوان وتقول لدونا يطلعون باقصى ماعندهم ودونا مستغربه ولكن لحقت صاحبتها وفي هذا الاثناء انتبه لها المعيوف وناطرها وقعدت تبادله النظرات وركضت بسرعه لبرا تركب سيارتها وتلحقها دونا وركبوا -دونا:كان تجاهلتيه ليه رحتي -ارجوان: بس بقعد اناظره واخاف اتأمل وياخذني فكري مكان بعيد عن واقعنا انا كيف قدرت احس له كذا دوبي اعرفو من كم اسبوع ليه -دونا: انتي باديه توقعين بغرامه تقبلي الواقع -ارجوان بعصبيه:اكره اكره كيف اثر فيني كذا -دونا : لا تضغطين على نفسك وانتي ماقد عطيتي نفسك فرصه بالحب حتى الاعجاب ماراح تعطينها فرصه ؟خفي على نفسك ياروحي مو زين كذا بتوقعين اكثر -ارجوان: اجل تبيني اصدق الاوهام وبعدها اندم مستحيل وش الحب اصلاً مافيه حب كذا ماهو ذوقي ولا التايب حقي عشان اكن له مشاعر -دونا: اي عشان كذا جذبك -ارجوان: خلاص قفلي السالفه لاني تكه وبنفجر ووصلت ارجوان دونا ورجعت بيتهم واخذت شاور ونامت وصحت على الليل ولبست فستان ناعم مسك على الجسم وبين معالمها وتركت شعرها على اكتافها ولبست حلق الماس ناعم وساعه وخاتم وكعب قصير واكتفت بميكب بسيط ونزلت لابوها واخوها عشان يتعشون وابوها بكل حماسه -عبدالله: تهبلين يا اميرتي وش هالجمال تشهبين امك بهالفستان -ارجوان تاثرت بكلامه وراحت حضنته -يوسف :وانا مالي نصيب ورحت حضنت اخوها وقعد يمدحها وتبتسم برقه وانهو عشائهم بسعاده واستاذنتهم ورقت لغرفتها وقعدت على جوالها وطفشت وقررت تطلع وتذكرت كعبها وغيرته ولبست عبايتها المفضله واخذت الجي كلاس حقها وطلعت تتمشى ومرت ستاربكس وخذت بلاك كوفي ورحت تتمشى في الماليه ومشغله الاغاني ومبسوطه وقعدت تغني دام اخذت القلب تاركني لمن اختصرها وخذني لك صوره وصوت وقعدت تضحك وغمضت عيونها وهي تسمع الاغنيه وتذكرت عبدالله ونفست قالت ذا شيبي وبعدها فرفرت في الانستا وفتحت حسابه ..
اتمنى نال اعجابكم اول بارت واعتذر اذا فيه خطا ايً كان واذا عندكم اي اقتراح اكتبوه او حدث او شخصيه اضيفها عيوني لكم💙
