عبدالله وارجوان

فقد 14

مرت سنه
-

عبدالله كان مختفي فيها ولا كان يرد علي ولا يطلع مع يوسف تذكرت الرساله اللي ارسلها لي "اسف" انا بهاذي الفتره كرهت عبدالله وشلت حبه من قلبي ماعاد يعني لي شي بس ليه خطبني وبعدها تركني؟
تعبت نفسيتي كل شوي اخسر شخص بس تقبلت كل اللي صار ..

جهزت لسفرتي بروح باريس مع دونا واورام ما كنت احب باريس بس لمن اروح لها مع شخص احبه استانس لبست وكنت مجهزه شنطتي قلت نفطر وبعدها نتقابل بالمطار

تدق علي دونا
-دونا: الوو جهزتي ؟
-ارجوان: ايوه بس باقي افطر وبعدها بروح المطار
-دونا: لا حبيبي تعالي ونفطر سوا بالمطار ترا بنتاخر اعرفك بطيئه
-ارجوان: خير بفطر وبجي
-دونا: يا بنت الحلال تعالي يلا حتى كلمت اورام وقالت بالطريق
-ارجوان: اف طيب نص ساعه وبجي
-دونا: لا الحين
-ارجوان: خلاصصصص

لبست عبايتي البيج ونزلت للمطبخ اخذت قهوتي وكلمت راجو يجهز السياره وتوجهت للمطار

-
بعد ساعه ونص

رحت لنقطه الالتقاء واجتمعنا انا ودونا واورام ورحنا ناخذ لنا فطور ونتمشى بالمطار الين موعد طيارتنا

-دونا: هيي وين رحتي ؟
-ارجوان: هاه لا بس افكر
-دونا: ايوه وش مشغل بالك ؟
-ارجوان: اشياء كثيرة خليها على ربك
-دونا: ماعليه حبيبي لا تشغلين بالك ، الحين انبسطي بنستانس بنسوي فعاليات وكل شي يعجبك وبيتغير مودك
-ارجوان: شكرا عيوني
-دونا: العفو ويلا ابتسمي الحين

صعدنا الطياره وكل واحد مسك مقعده وجلست جنب الشباك ولبست سماعاتي اسمع اغاني وقعدت اهوجس جلست افكر بكل شي بحياتي وكل شي تغير تمنيت بابا يرجع احساسي انه ما تركنا سمعت خبر وفاته ولكن ماشفت جثته او قبره اللي صار شي موجع بعدها بديت اتخطى واتقبل اللي صار وخطبني عبدالله وكانت اسعد ايام حياتي بعدها عبدالله اختفى وتركني بدون سابق انذار عبدالله جرحني وكسرني تغيرت نظرتي بالحياه صارت حياتي كلها شغل وبين ثلاث اشخاص اقضي ايامي معهم دونا واورام ويوسف جاني احساس ان باريس بتجمعنا بس كيف ومتى ما اعرف حسيت حياتي عباره عن فلم مو راضي يخلص
نعست وصحاني صوت اورام اننا وصلنا
-اورام: جوجو يلا صحصحي
-ارجوان: ها
-اورام ضحكت: يلا امشي
وصلنا واخيراً باريس ولقينا الشركه اللي بتستقبلنا وتوجهنا للسواق اللي من وقت كنت صغير لمن نجي باريس هو كان اللي يودينا وكان هو اللي ماسك شقتنا بباريس
-عبدو: الحمدلله على سلامتكم
-ارجوان: الله يسلمك اخبارك عم عبدو ؟
-عبدو: بخير وانتي اسف ماقدرتش اعزيكو في وفاه عمي عبدالله
-ارجوان: لا عادي
-عبدو: الله يرحمو
-ارجوان: امين شكرا
-عبدو: العفو بس تبون مكان تروحون له قبل البيت ؟
-ارجوان: بنات تبون مكان ؟
-اورام ودونا: لا
-ارجوان: لا ودينا البيت نبي نريح تعبنا من الرحله اذا بنطلع بنقولك
-عبدو: تمام