حل عينيه معذب من رجليها اللي محطوطين فوق من عنقه و راسها مرخي فالجهة لوخرى، نعستها كانت غريبة عجيبة ماشي ديال بنت فحالها بديك الخلعة اللي كاتكون مركبة فيها و الهدوء .. نترلها رجلها بغضب حتى حلات عينيها مخلوعة، شاف فيها مخنزر و هي كاتمسح بيديها على وجهها عينيها مزال كايتغمضو، مداتهاش فيه و رجعات تكمل نعاسها بطريقة طفولية، خلاتو يهز فيها حاجبه و ناض جيهت الدوش كايبرگم و يزدح .. معاجبو حال و عنقو صبح ليه عوج، عمرو مانعس مع بنت فنفس الفراش و دارتليه ديك الحالة .. غسل وجهه و سنانه، قضى حاجته و خرج ، مع الخرجة بانليه عبد الحي واقف مربع يديه عينيه على الفراش .. عقد فيه حواجبه و قرب لعندو دافعه
عابدين: هييي شهادشي داير؟
عبد الحي: (شاف فيه بسرعة) شنو؟ مالني ماموالفش ندخل عليك فهاد الساعة و نخرجو؟
عابدين: (كرز على سنانو) ماكنتش مزوج ديك الساعة
عبد الحي: (باستهزاء) هه و مكانتش ديك مرتك هي البنت اللي كنت حاط عليها العين!
عابدين: (بغضب) خرج دابا نبدل عليا و نتبعكعبد الحي: (بغا يشوف جيهت الفراش و هو يدفعليه عابدين وجهو بالزربة و دفعو معاه جيهت الباب) كاتجري عليا من بيتك، عقل عليها مزيااان
عابدين: قاود حتى نسالي
تأفأف مخنزر و دار للبلاكار ديالو، بدل عليه بسرعة و هز تليفونو .. رش ريحتو و خرج لبرا، لقى عبد الحي مربع يديه كايساينو
عبد الحي: (خنزر فيه) خاصك تفسر ليا هاد الزبل!
عابدين: (تأفأف) البنت لقيتها البارح فالطريق كانت وسط الشانطي غتدير كسيدة، جريتها .. كانت بتكشيطة د عرسها، شافت فيا كترغب و تزاوگ باش نهربها انا رديتها لباها باش نتفاهم معاه، مللي مشيت قالك نووون و كحل العيون غايزوجها لراجل قدو النيت فالعمر و كايحيح، عصبني تا جبدت عليه السلاح و لكن من بعد درت عقلي و بغيت نتفاهمو بالعقل، قالك تزوجها انت لا مابغيتيهاش تاخذو شارف عليها، وانا البنت بقات فيا صغيرة و ماشي د ديك تمارة وافقت و تزوجتها و لكن زواجنا غيكون لفترة قصيرة، دابا غانسجلها فالمدرسة تقرا تا تكمل قرايتها و تختار اللي بغات ديك الساعة، يعني انا مكانش قدامي حلعبد الحي: كنتي تعيط ليا انا نتزوجها!
عابدين: (بحدة) عبد الحي، دابا راها ولات مرتي و انت عارف شنو هي مرات واحد فينا؟عبد الحي: (تغدد) عارف (تأفأف) و لكن راها كانت عاجباني بزاف ماشي غير داك الاعجاب ديال ننعس معاها
عابدين: (بحدة) ماتعااودش تجبدليا هاد الموضوع اعبد الحي .. انا وياك خوت غانبقاو خوت لماشفتيش فيها شي شوفة ماشي هي هاديك، راها مراااتي دابا
عبد الحي: صافي عرفناها مرتك انت قربتي ديرها فشوف تيفي
عابدين: شفتك كاتزهق فالهضرة خاصني ننبهك
أنت تقرأ
l'amour (غير مباح)
Romanceإستعداد، Ready، إنطلاق 🎬 فنظركم شنو هو مدى تأثير الفلوس على حياة الإنسان؟ كانت عايشة حياة هادئة، قابلة عليها بتقلباتها و صعوباتها و كاتخبط مع مواجها باش تنجى من عقايبها، كانت عايشة بلا ماتعرف أش كايساينها فالمستقبل حتى صادفاته فطريقها "زعيم الذياب...