يا رقيقه الحُسن و يا دقيقة الاوصاف يا كُل مُصطلحات الجمال والإذهال ياغيمتي

٢

فرح :فيصل اذا تبي فطور معي قم ساعدني
فيصل قام وأتجه للمطبخ يسوي اكل لهم مع بعض وناظرت فيهم مزن قبل تطلع:اسمعوني تخلصون اكل تلمون الي عقبكم وتغسلونها سامعين
فرح تأفف:ليتنا جبنا ساندي معنا كانت ريحتنا من غسل الصحون
فيصل ضحك:اشتقت اناقرها بس قهر انها ماخذه اجازة
طلعت المزن تجلس ب الجلسة الخارجية والجو مغيم وجلست تطقطق بجوالها وتسولف مع صديقاتها ب الواتساب
قروب البنات:<
ترف:ههههههههه فداء سواها صدق
فداء:😕مستعجل تخيلي انهم بيجون بكرا يخطبون والخميس الجاي الملكة
ترف:خايف تروحين عليه واضح يحبك مرره
المزن:خلي الملكه بدري زي ما يبي بس الزواج خليه بعد سبع شهور
فداء:ههههههههههههههه بينجلط
بينشب بحلقي لين اقدمه
المزن:احسن علشان ما يصير مستعجل وخليه يتلهف عليك وصيري ثقيلة شوي
ترف:تبينه يهج ترا فداء ما تصلح تكون ثقيلة
فداء:👍🏻👍🏻صح ائيد كلام توتو أياد مايحب الي يثقل عليه وانا ثقلي شين
المزن :الله يعينكم على بعض الصراحة
ترف:مزون لاتحبطين البنت
ماعليك منها فدو أنتي وإياد بتطلعون كيوتت مع بعض
المزن : اسمعيني اذا احتجتي شي علمينا علشان نساعدك اوكي
فداء:تمام
اصلن غصب عليكم تساعدوني مالي خوات غيركم
ترف:حبيبتي لاتخليني اصيح الحين
-
ضحكت من ترف وسكرت جوالها من شافت سيارة راكان وقفت وقامت من نزلو راكان وامها جايين عندها ابتسمت تمسك يد امها يدخلون داخل :شلونك أمي
لطيفة ابتسمت تطمن بنتها:بخير الحمدلله
راكان دخل وراهم :فيصل جيب لأمي مويا
قام فيصل يروح يجيب مويا وجلست فرح بجانب امها تاخذ عبيتها تحطها على جنب وقال راكان وهو مبتسم:تطمنوا الدكتور يقول ما تحتاج عملية وانشالله فترة وتطيب
المزن هزت راسها:الحمدلله
لطيفة:ما كلمكم ابوكم؟
هزت المزن رأسها وراكان هز راسها:لا وطمنته عنك بس ما شافها
فرح نزلت رأسها تبوس يد امها وبعدها قالت:راسلني الصباح يقول انه طيارته الظهر راجع ،سكتت شوي
راكان:يوصل ب السلامة اناشاءالله
فرح:بس يقول انه مو راجع لحاله معه ضيوف وما اعرف مين هم
استغربت المزن تلتفت على راكان ورفع اكتافه بمعنى ما أعرف وناظرت ب أمها الي تكلمت:يمكن جدك وجدتك جايين معه
فيصل ناظر فيهم :ما اتوقع جدتي ماتحب الخبر
سكتو يناظرون بعض وبعدها قامت المزن :بنام لي ساعة عشان يخف الصداع
فيصل:امي تبغين تتمشين على البحر
هزت راسها لطيفه وقامت تمسك يد فيصل وطلعو يتمشون وراكان طلع لفوق ياخذ شور وفرح لحقت فيصل وأمها
-
<مكتب نهار>
جالس على كنبه محتبه ويناظر ف القضايا ألي امامه ومسك راسه من حس ب صداع واخذ كوب القهوة الثالث يرتشف منه دخل فارس عليه..
دخل فارس عليه المكتب وهو منزل انظاره على الاوراق الي بايده:نهار ،وقع على هاذي الأوراق
نهار رفع راسه كأن لابس نظاراته الطبيه للقرائه:حقات أيش الأوراق؟
فارس عطاه الأوراق وجلس على الكنبة الثانية:حقات الكفي حقك
هز راسه نهار وفتح الاوراق يقراهم وقال وهو لازالت انظاره على الورق:فارس عطني القلم الي عندك،مد له فارس القلم واخذه منه يوقع استند فارس على ظهر الكنبة وتنهد :تعبت ما فيني حيل أروح للمحكمة الحين
لف نهار يناظره شوي ورجع انظاره لـ اللابتوب حقه:عندك جلسه قبل الظهر؟، هز راسه فارس ب الإيجاب وسكتو شوي ،رفع يده يناظر الساعة وقام :انا ماشي ،تبي شي؟
هز رأسه: لا ،بس رايح الحين توه الموعد
فارس:بروح اجهز اغراضي واطلع اقابل موكلي افهمه وش بيصير ومن ذي الأمور
ابتسم له :بالتوفيق ،مع السلامة
طلع فارس من مكتب نهار وأتجه لمكتبه يأخذ أغراضه ويدخل الاصانصير ينزله لـ مواقف السيارات طلع مفتاحه يفتح سيارته ويركب يشغلها يتجه لـ المحكمة 
-
<قصر عبدالرحمن >الساعة ٣عصراً
دخل عبدالرحمن وأتجه لـ الصاله يجلس وثواني شاف ثريا نازله من فوق ومعاها أديب أبتسم يشوفها تلعبه وجت تجلس بجانبه :أديب شوف جدو ،تبيه تبي جدو
ضحك عبدالرحمن لاديب الي ضحك ويسولف:حبيب جدك زين ضحكتك جعلها دايمة، اخذه من ثريا يلعبه ويسولف عليه وأديب متفاعل معاه ،ابتسمت ثريا تشوف مندمج يلعب أديب:عبدالرحمن لاتنسى اليوم بيت أخوك عازميننا اليوم
ابتسم:ايه ماعليك ملزم علي تميم اجي والعيال معي
ثريا:زين منه هالولد ياهو ذرب ماشاءالله عليه
أبتسم عبدالرحمن وقام من مكانه:انا بطلع عندي مشوار اكدي على العيال يجون كلهم
هزت راسها :ابشر
طلع عبدالرحمن بعد ما بأس اديب وخرج من البيت يركب مع السواق ف الخلف :عبد الرحيم ،روح للمحل
هز راسه وشغل السيارة يحرك لمحل عبدالرحمن للبشوت ،اخذ جواله يتصل على ثابت و رد:أرحب ابوي
عبدالرحمن:هلا هلا ثابت ،وشلونكم كيف الشغل معاكم
ثابت هز راسه:الحمدلله زينين ،وابشرك خلصنا من الشغل والي وصيتنا عليه جاهز
عبدالرحمن هز راسه:كفو كفو عيالي عساكم على القوه ،عندك اخوانك
ثابت:لا والله بعد ما خلصنا كل واحد راح شغله ،تحتاج شي ابوي؟
عبدالرحمن ابتسم يلف يناظر الطريق:لا وانا ابوك ما قصرتو انا رايح للمحل أشوفه ،ولا تنسى اليوم تميم عازمنا لا تغيبون نبي كلنا نروح سوا
هز راسه ثابت:ابشر ،توصي شي ؟برجع أجيب هديل وحور من السوق
عبدالرحمن:لا،مع السلامة انتبه لنفسك وزوجتك واختك
ثابت:ابشر ابوي لا توصي حريص ،مع السلامة
سكر بعد ما رد السلام وناظر الطريق ووصلو للمحل فتح الباب ينزل وخلفه عبد الرحيم مشى ب السوق وكلن يعرفه يطلعون يسلمون عليه وهو يرد السلام ويبتسم لهم لين وصل محله دخل وجلس على الكرسي يشوف عماله يشتغلون وبدا يسالهم عن الاقمشة والبضائع الي جت ومن الي طلب ومن هاذي الأمور
<بيت اول مره نزوره ،بيت اهل تميم >
دخل مع السواق حقهم ينزلون الاغراض ف المطبخ ،حطو اخر شي وطلع السواق تنهد واخذ كاس ما بارد يشربه بعطش ويتكي على طاولة ..
المطبخ وهو يناظر الاغراض ويتنفس بسرعة ،سحب الكرسي يجلس وبذا الوقت دخلت منيرة :يالله تقوية ،ماشاءالله جبتو كل شي؟
هز راسه :ايه كل الي ارسلتي لـ محمود ،اذا ناقص شي علموه
منيرة ابتسمت:زين زين ،بتطلع الحين
هز راسه وهو يناظر ساعة يده :ما يمدين بأصعب اخذ لي شور وبشوف شغلي شوي ما بطلع
هزت راسه ب الإيجاب وبدت ترتب الاغراض ونادت على الخادمة تساعدها وبدت تسوي السلطات والاطباق الجانبيه
ف الغرفة
متعمقة في نومتها وما تبي تقوم صرخت وقامت مفجوعة من دخل تميم بقوة فتح الباب وضرب ف الجدار وهو يقول:بنت قومي وش ذا السبات
صرخت عليه وهي لازالت بسريرها وببجامتها وعلى عيونها ماسك العيون حق النوم :تميمممم ،تراك منت بعسكريه تداهم كذا
ضحك من شكلها المبعثر وكملت وهي تبعد عن عيونها الماسك:راع شعوري اني بنت طيب ،تاففت وهي ترجع تنسدح وتحضن مخدتها ، أبتسم يقرب منها:أسف ،بس وش تحسين فيه نايمه لذا الوقت ومخليه امي تشتغل لحاله وانتي تدرين بيجون لنا عمي عبدالرحمن وعياله
تكلمت وهي لا زالت صاده وجهها ومغطيته بمخدتها:عندنا عاملتين وش يسوون ،بعدين كل الليل امس وانا اكرف في تنظيف الصاله معهم ،خلني ارتاح شوي
هز راسه:ارتاحي بس ما تتركين امي تشتغل لحالها وانتي نايمة وتدرين انها ما بتصعد علشان تصحيك
اعتدلت وجلست تسند ظهرها على ظهر السرير وتهز راسها:خلاص قوم ،الحين انزل اساعدها
قام من عندها ووقف عند الباب ولف :قومي خليني اشوفك مصحصحة ،قامت وهي مكشره تتجه للحمام "تكرمون"كتم ضحكته وقال بصوت عالي علش تسمعه:تراني بنتظرك تحت ياويلك ما تنزلين،طنشته ونزل تحت شاف امه بـ المطبخ تشرف على العاملات مسك يدها يسحبها معه :امي خلاص خليهم يعرفون شغلهم روحي تجهزي انتي وارتاحي شوي
منيرة:مقدر احس لازم اشوفهم وهم يشتغلون ما اقدر اخليهم لحالهم اخاف يحوسون شي
ابتسم يبوس راسها:ما عليك اناشاالله مو حايسين شي بس روحي انتي ارتاحي وتزيني ،و رند بتنزل لهم بعد شوي لا تخافين
هز راسها ب الزين تبتسم له وقامت تصعد لغرفتها تنهد واخذ اللابتوب حقه وجلس ب الصاله الجانبية يشتغل بين لابتبه وجواله ما حس بنفسه الا يسمع آذان المغرب ،ابعد اللابتوب عنه
وقام ياخذ أغراض يصعد لغرفته يحطهم وعلطول طلع من غرفته يسكرها وينزل يطلع من البيت للمسجد
-
<في الشاليه >
جالسين داخل ف الصاله المغرب ويتقهون مع أبوهم الي واصل اليوم ابتسمت تشوفهم مبسوطين اخذت جوالها من جاها إتصل تطلع من عندهم لبرا وترد ناظرها وهي طالعه واستغرب من تعابير وجهها الغاضبة لف من سمع ابوه يساله،سيف:راكان ماودك نزوجك ونفرح فيك
نزل راسه ثواني ورفعه يبتسم خفيف:والله يا ابوي ماني لم الزواج حاليًا ،بس ابشر اذ ضبطت وضعي واموري زانت يصير خير
لطيفة:شكلنا بنزوج فيصل قبلك كل مره تقول نفس الكلام
فرح تمسكت بيد اخوها تحضنها:احسن لا يتزوج ،اذا تزوج من بيدلعني وياخذ حقي؟
سيف ضحك يسحبها لحضنه:وانا وين رحت يا أبوك ؟علميني ادلعك احسن منه
ضحكت تحضنه وابتسم راكان يشوفهم ومسح على شعر فرح ورجع يناظر برا يناظر المزن الي لازالت تكلم،قام من عندهم يروح لها فتح الباب يطلع،وقف خلفها يسمعها كلامها:كيف ينسرق التصميم ،بلا غباء غلا،كيف وصل لهم واخذوه مننا كيف..
حس بجدية الموضوع وقرب وهو ينطق:مزون ،وش فيك
ألتفت له بسرعة من سمعت صوته تنهدت وزفرت بغضب :خلاص باي نتفاهم بكرا،سكرت جوالها ترميه على الكنبة الخارجية وتجلس ولحقها يجلس وكرر سواله:مزون، علميني فيه شي صاير ف الشركه
هزت راسها وانحنت تحط كفوفها على راسها :لا،مشكله بسيطة انشاءالله انها محلولة
ناظر فيها يتأكد:متأكدة ؟
هزت راسها ب الإيجاب تقوم حاولت تهدي نفسها وفتحت الباب تدخل بكل هدوء وهي مبتسمه وتجلس بجانب أبوها وتندمج معهم ب السوالف ،ناظر فيها وهو مستغرب وشوي قام لحقها وجلس معهم يسولف
-
وقفو سياراتهم عند بيت عمهم ونزلو مع بعض دخل عبدالرحمن ووراه عياله والبنات ،دخلو يشوفون تميم واقف عند الباب يرحب فيهم عند بوابه البيت سلمو سلام الرجال ،تميم:شلونك عمي عساك بخير
عبدالرحمن ابتسم يمسك كفوف تميم ويمسح على كتفه:بخير وانا عمك ،شلونك انت وشلون الأهل امك واختك رند
أبتسم:بخير الحمدلله دامك بخير
أوس قرب يحضن تميم بـ دراما:تميميييي ،أشتقت لك ،ضحك يبادله الحضن ويقول نفس نبرته:أوسيي الدلوع
تقدم ثابت يسحب نهار ويسلم على تميم:خلاص يكفي احضان خلنا نسلم يا أخوي
ضحك تميم وهو يسلم عليه:هلا ب العود ،شعلومك
ابتسم له وهو يصافح يده:الحمدلله شلون الدوام معاك
تميم:الحمدلله الامور طيبه ،وين حبيب خاله ما اشوفه
ثابت:داخل مع أمه
مشى تميم يدخلهم المجلس ويقهويهم واخذتهم السوالف
<الصاله عند الحريم >
رند وقفت عند الباب علشان يدخلون وسلمت عليهم ودخلو يسلمون على ام تميم وجلسو بعد ما نزلو عبايتهم رند:هديل اش هالقطعة ذي قبل كنتي تزوريننا والحين ابدد
هديل ابتسمت :والله تعرفين الي يكون عنده شغل وش يصير
ناظرتها😏:أقول ترا حتى قبل كنتي تشتغلين وتدرسين بعد وش معنى الحين
هديل:والله استحيت على نفسي كل يوم طابه عندكم واخوك فيه فقلت انسحب واهجد أحسن
ناظرته 😒وضحكت بسخرية:تميم مادرى عنك ،بس والله اشتقت لجلساتنا مع بعض
ثريا:انشاءالله العزيمة الجاية عندنا
حور:نبيها فـ الشاليه خالتي من زمان ما طلعنا فيه
هديل:اي مع الجو الحين الي مو حر ولابرد ازين شي صراحه
منيرة ابتسمت:اناشاءالله نقول للعيال ونطلع
رند ناظرت ب أديب الي بحضن أمها:اهم شي أديب تلبسينه شورت
منيرة نزلت تبوسه وتلعبه وقالت ثريا:يازين الشورت عليه بس يلبس شي دافي احسن لان يمكن يكون براد ويتعب
حور:شورت ف النهار والليل لبس دافي
هديل ابتسمت وهي تخيلت شكله:اوفف كيوت
-
كان واقف قدام بيت عمه ويكلم فارس وبوسط مكالمته جت سيارة وحكت سيارته التفت من الصوت وناظر فسيارته بخوف رفع راسه من نزلت وهي تسأل:اوه معليش ،ما انتبهت
نهار يحاول يكبح توتره وغضبه:ماتشوفين ،اذا ماتعرفين تسوقين زي الناس لا تمسكين سيارة
تخصرت وهي تناظر فيه:سلامات اخوي ،اعتذرنا منك وبعدين ما جاها شي كايد بس حكه،تأفف وهو يمشي ويرجع من جديد رفع جواله لاذنه:اكلمك بعدين فارس ،سكر وما خلاه يتكلم ناظر فيها رجعت لسيارتها ورجعت معها جوالها وبطاقة وقفت بعيد تصور سيارته ومكان الضربه ابتسم بسخرية:وش جالسه تسوين؟؟
ناظرت الصور وهي ترفع اكتافها وتنطق:أصور علشان اعطيهم يصلحونها لك
زفر بغضب ومسح وجهه وشنبه وهو يستغفر ربه :لو سمحتي ما ابي منك شي فارقي الله يستر عليك
ما عطته رد وهي تتوجه لسيارتها وتسكرها ولفت وضربت سيارته برجلها بقوه ودخلت بسرعة البيت وهي تهمس بغضب :الشرهه مو عليك علي انا الي جايه ابصلح الي سويته افف،ناظر فيها وهو منصدم هز راسه :مجنونه، مشى يدخل بيت عمه من سمع تميم يناديه:هلا تميم
تميم:وينك ابطيت
نهار:موجود بس كنت اكلم فارس برا وخلصت وجيتك
أبتسم له تميم ومشى معاه يدخلون داخل المجلس
-
<بيت سيف >
دخلت وهي تنزل حجابها وتفسخ عباتها والتفت تشوف فرح جالسه فـ الصاله لحالها وعلى ايبادها ،مشت لها وحطت عباتها على الكنب وجلست رفعت راسها فرح لها:وينك طولتي؟
المزن تاففت بقرف:ما طولت بس في واحد برا عند بيت خالتي منيرة ،تخيلي حكيت سيارته بـالغلط وعصب وجيت اصورها علشان اقول لراكان يزينها له وهاوشني ،نفسيه الحمدلله والشكر
ابتسمت وهي تاكل الايسكريم ،ناظرت فيها وهي لازالت مقهورة من اسلوبه وعدلت جلستها تتربع على الكنب وتقابل فرح:وتخيلي يقولي هالتبن ،قلدت صوته:اذا ما تعرفين تسوقين لا تمسكين سيارة ،قهرني
ضحكت على المزن :انتي مستحيل تعصبين وتنقهرين كذا بس علشان ذا الموضوع ،اكيد في شي ثاني قاهرك صح؟
ناظرت المزن فرح بدون رد وبعد صواني طويله هزت راسها ب أيه وقامت تاخذ عبايتها:بروح اخذ شور واجيك ،لا تنامين
هزت راسها فرح وهي على ايبادها تدرس ،ومشت تدخل غرفتها تنفست تشم ريحة غرفتها وابتسمت وهي مغمضة عيونها:اخخ أشتقت لغرفتي ،رمت عباتها على السرير واخذت روبها تدخل الحمام "تكرمون"واخذت لها شور طويلل وبعد ما خلصت طلعت وهي لافه الروب على جسمها ابتسمت تاخذ المرطبات الي بريحة الورد تحطهم على جسمها غمضت عيونها باسترخاء:يا حلو ريحة الورد،هي تحب الورد وتحب اي شي فيه ريحة ورد تحب الياسمين والتوليب واللافندر تحبهم وتحب تزرعهم ابتسمت وقامت تلبس بجامتها والتفتت لـ بلكونة غرفتها تناظر الزرع الي زارعته في البلكونة اتجهت له تفتح البلكونة ومشت تطلع من غرفتها تنزل تحت وجلست بجانب فرح واخذت الريموت تشغل لها شي تناظره التفتت لها فرح:بنت مزون أبغى من المرطب الي عنك ريحته حلوه
المزن:اطلبي لك ،ليش تاخذين حقي
فرح:تكفين تكفين أبغى اجربه بس
هزت رأسها ب النفي :اطلب لك بس ما تاخذن حقي
فرح:بس انتي عندك اثنين عطيني واحد، التفتت لها:ماشاءالله كيف عرفتي ان عندي ثنين ؟دخلتي حمامي صح واخذتي منهم
،نزلت راسها فرح وابتسمت تمسك كفوف المزن:تكفينن
رجعت تناظر قدامها وتتكتف:لما اقولك تبغين معي ترفضين واذا جبت لي تسرقينهم مني ،شوضعك فرح
فرح:ما احب استعمل شي ما اعرفه علشان جسمي لا يتحسس ،بس شفت هاذا انتي تستعملينه والصراحة جربته وعجبني
ناظرتها المزن وكملت فرح:خلاص مره ثانيه اذا طلبتي اطلبي لي ما بقول لا
هزت راسها ب زين وكملت تتابع الفلم الي بدا وتاكل من الببكورن الي قدامها
-
<بيت ابو تميم >
عند الرجال الساعة ١٢ونص خلصو عشاء وجلسو يشربون شاهي بعد العشاء ،كان على جواله يراسل فارس التفت من سمع تميم يكلمه:كيف القضية الي سافرت علشانها
هز راسه يسكر جواله:الحمدلله عدت على خير
تميم أبتسم له وشرب من بيالته وناظر فيه نهار:الا ما قلت لي كيف الشغل معك ،الاراضي الي تبيعهم وتشتري
تميم:الامور زينه الحمدلله ،والله ياطحت لي على شركة تصميمهم يجنن
أوس:حق براندك حق الملابس
تميم هز راسه:انت شفته أوس اذكرك رايح له
أوس:ايي والله ياهو رهيب ماشاءالله تصميم الديكور وكل شي والترتيب
نهار:عطني اسم الشركة اخليهم يضبطون الكفي حقي
تميم:تعرف راكان جارنا ؟
هزو روسهم ب ايه وكمل تميم:هاذي شركة ابوه بس الحين صارت لأخته تشتغل فيها مهندسه ،شغلهم مضبوط صحح
أوس:نهار خذ اسم الشركة وكلمهم بيضبطونه على نفس ما تبي احس
مسح شنبه وطلع جواله من جيبه:عطني عطني ،نشوفهم انشاءالله يخلصونه بأسرع وقت
طلع جواله تميم يعطي نهار الاسم والرقم وكملو يسولفون بمختلف المواضيع
-
<الصباح >
صحت من نومها وابتسمت تشوف الشمس داخله غرفتها ،قامت من على السرير واتجهت للحمام "تكرمون "وطلعت بعدها بدقايق بعد ما توضأت وغسلت وجهها ورطبته ،اتجهت لدولابها تطلع لها ملابس وعبايه بعد مانقت لها لبس وقفت تطالع نفسها ف المرايه واخذت تحط واقي شمس على وجهها ورقبتها وبعدها بدت تحط ميكب خفيف يناسب الصباح والدوام وتعطرت ولبست عبايتها وطرحتها على كتوفها اخذت شنطتها وجواله ونزلت تشوف اهلها يفطرون مع بعض واصوات ضرب الملاعق على الصحون ابتسمت:صباح الخير
ابتسمو لها وردو عليها :صباح النور
جلست على الكرسي بعد ما باست راس أمها وأبوها وبدت تفطر ،تنحنح سيف ورفع راسه يناظرهم ينتظرونه يتكلم ،سيف:اليوم بيجون لنا عمتكم دلال وعيالها ،
فرح:كنت تقصد كذا امس يوم تقول معي ضيوف؟
هز راسه :اي
لطيفة:الله يحييهم ،من زمان عنهم
قامت المزن :انا طالعه ،توصين شي امي ،هزت راسها لطيفة ب لا :ما ابي الا سلامتك
ناظرت ابوها:ابوي توصي شي
هز راسه وهو مبتسم وقام:لا انتبيهي لنفسك ،وتراني بمر الشركة اليوم
هزت راسها بزين ومشت تطلع بعد ما لبست حجابها وركبت سيارتها شغلتها وطلعت من الحارة تتجه لشركتها وهي تسمع أنغام مع الصباح ،ابتسمت من شافت ترف تتصل
ترف تتصل عليها قصرت الصوت ترد :هلا بالترف
ترف:بنت وينك الحين؟
المزن وقفت سيارتها بمواقف السيارات:تحت فـ المواقف
ترف:مزون لاتستهبلين تكفين قولي وينك
المزن:توتي حياتي ما استهبل انا تحت والحين صاعدة لفوق
ترف:اجل استعجلي لان الي قبل كم يوم سوينا له بيته جاي ومشتكينا
المزن زفرت بغضب وهي تدخل المصعد:على كيف امه ذا ،بعدين يشتكينا ليه؟سوينا نفس ما يبي
الترف تاففت:حياتي قال انه انهدم سقف البيت وخرب وتدمر كل شي ،بس ننتظرك تجين تتفاهمين معه لانه مو راضي الا يتكلم معك
المزن:طلعت من المصعد وهي تتأفف بغضب:وينكم الحين ؟
ترف لفت تشوف مكانهم:بغرفه الاجتماعات
سكرت ومشت وصوت كعبها يصدح ف المكان دخلت مكتبها تنزل اغراضها وطلعت بسرعه وراحت لغرفة الاجتماعات ودخلت وهي تسلم:السلام عليكم
ردو السلام وابتسمت ترف ابتسامة صفراء وهي توقف بجانب المزن:هاذي المديرة التنفيذية لشركتنا
الشخص:جيتي وجابك الله يا تعوضوني عن الي خسرته وبيتي الي اخترب والا وقسم بالله ما أتنازل عن الشكوى
جلست على كرسيها تسمعه يتكلم رفعت راسها تناظره لين انتها من كلامه:لو سمحت ممكن تهداء
ضرب الطاولة بغضب:هييي انا اقولك بيتي انهدم وخرب والسبب انتم وتقولين أهدى ؟
نزلت راسها ورفعته وهي ترص على اسنانها وتنطق:اولاً السبب مو حنا ، ثانياً انت موقع على الورق انك تبي هاذا الشي رغم تحذيرنا ان هاذا الشي راح يسبب ضرر بعدين و..
الشخص:مالي دخل تعوضوني ولا بشتكيكم
ترف بعصبية:وش نعوضك ما تفهم نقولك انك موقع وموافق على هالشي وتقول تعوضوني !معين تفهم انت؟
المزن:بنضبطه لك ،بس بشرط
ترف:مزززننن، ناظرت فيها وبعدها وجهت انظارها لهالشخص ونطق وهو يضحك بسخرية :وش هالشرط؟
المزن مسكت القلم وناظرت فيه:بنروح بيتك نتأكد واذا صار متدمر مرره بكلمهم يعيدون ترميمه ،وبتسحب شكواك علينا
ناظرها بتردد:تـ تم
ترف ناظرت فيه من قام  والتفتت لـ المزن الي تكلمت وهي تسند ظهرها على ظهر الكرسي:بس لو يطلع كلامك كله تلفيق من عندك عشان نرجع فلوسك ، حنا الي بنشتكي عليك بتخريب سمعه واشياء كثير سويتها قبل وسكتنا عنك
ناظرهم وهو معصب دفع الكرسي بقوة وطلع يصفق الباب يطلع من الشركه بكبرها ،جلست ترف تناظر المزن الي تقلب ب الاوراق وتنهدت:تتوقعين فيه احد راسله لنا ؟
المزن رفعت اكتافها بمعنى "ما اعرف"استندت الترف على ظهر الكرسي:لو يكون هشام الـ***والله لا اوريه نجوم الليل بعز الظهر
ضحكت من تهديد الترف وعصبيتها وقامت وهي تلم اغراضها:اعصابك يا حلوهه
ترف:مزون كيف انتي باردة كذا وهو من زمان ياذيك بالناس الي يجون زباين عندك
المزن طلعت من المكتب ولحقتها الترف يدخلون مكتبها تنهدت :حياتي مو كله برود وودي اني ادفنه بس ما اقدر اسوي شي لان ابوي وراكان محذريني ما اجيه ولا اكلمه
ترف:يمكن يتمادى اكثر مزون وانتي تعرفين وش كثر هو يبي شركتك ويبيك انتي
المزن ضحكت بسخرية :يحلم فيني وفـ الشركه بعد ،خلاص توتي خلينا نكمل شغلنا
ناظرت فيها وتهدت بتعب وقامت تطلع من عندها تروح لمكتبها تكمل شغلها
<المحكمة >
طلع من المبنى وهو مبتسم شاف فارس متكي على سيارته ويدخن ،مشى متجهه له ووقف قدامه:دامك تدخن اكيد متضايق ،دق كتفه:قول وش فيك
تنهد وهو يناظر قدامه وينفث دخانه:مشاكل عائلية توجع الرأس
ابتسم يأخذ ولاعته ويطلع زقارة يولعها ويحطها بين شفايفه :قول فضفض اسمعك
فارس عدل وقفته:اركب سيارتك والحقني المكان ما يناسب افضفض هنا
أبتسم ورمى زقارته يدعس عليها برجله ويمشي لسيارته ركبها يشغلها ابتسم من تهادا على مسامعه صوت عبد المجيد ،بدا يدندن وهو مركز فـ الطريق ويشوف سيارة فارس قدامه وقف قدام الكافي حقه ،ضحك ينزل راسه ويرجع يرفعه واخذ اغرضه وجواله ينزل من السيارة ضحك وتقدم لفارس:ليش جينا هنا؟
فارس ناظر ضحكته وابتسم ينزل راسه ولف يناظر المكان:ما جيت لحقك جاي لهاذا ،اشر بايده على المكان  ولف يناظره نهار وضحك بسخرية:ما تقدر تتكلم بدون ما تعبي بطنك يعني
هز راسه ب الايجاب فارس ومشو يدخلون داخل المطعم ويجلسون على طاولة ويطلبون لهم اكل ،نهار:قول دام الآكل على وصول
فارس:ياخي انا مستغرب من شي واحد ،حليت كل القضايا الي تجيني ،بس عمي وطغيانه وجبروته وبخله علينا ما قدرت عليه
نهار نزل راسه من عرف ان الموضوع عم فارس الي مو مخليهم يرتاحون :عمك هاذا يبي احد يوقفه عند حده ولا تمسك عليه شي علشان يبتعد عنكم
فارس زفر بغضب:المشكلة مو هنا امي اذا جاها ما تطرده ما تقوى عليه وتقولي هاذا عمك الي مالكم غيره بعد وفات ابوكم
تنهد وهو يطقطق اصابعه ومسح وجهه وشنبه :ولا نهار تدري وش يقول ،ضحك بسخرية:يقولي ما تقدر تدخلني السجن
نهار تنرفز شوي:وش هالثقه الي فيه ،رفع أكتافه فارس بمعنى ما اعرف وطالع فيه نهار:عمك هاذا مستحيل يقول شي الا وهو ضامن نفسه بعدين ان فيه احد بيطلعه منها بعدين
فارس هز راسه وهو يشرب من عصيره :انا عارف انه تاجر ممنوعات بس ما قدرت امسك شي عليه للان
نهار انصدم وشهق ينزل كوبه بعد ما شرق ب الماء الي شربه:كـ كيف كيففف ،يتاجر ببمنوعات وللحين ما بلغت عليه؟
فارس ناظر بـ نهار الي منصدم :ما كنت تعرف نهار؟،هز راسه ب النفي ،فارس:توقعتك تعرف لانك اخذت قضية شخص له علاقة فيه ومذكور اسمه
فارس ناظر بـ نهار الي منصدم :ما كنت تعرف نهار؟،هز راسه ب النفي ،فارس:توقعتك تعرف لانك اخذت قضية شخص له علاقة فيه ومذكور اسمه بعد ،ماشفته
هز راسه وهو يمسح فمه ب المنديل وقام يوقف :ناسي والله ،امش نطلع الحين وارسل لي معلومات عنه اشوفه عندي واحد اعرفه بطلبه يفتح القضية من جديد
هز راسه :كفو ،والله اني متفشل منه وانه عمي
طبطب عليه :يارجال هاذا ما يستاهل اصلن انه تكون ولد اخوه وانت اشرف منه
مشو بيدفعون الحساب مد بطاقته نهار وسحب يده فارس:والله ما تدفع
نهار:فروس أعقل وخلني ادفع
فارس لازال ماسك يدين نهار وطلع بطاقته:ياخوي انا الي جايبك وانا الي بدفع
نهار:لا معليش أدفع المره الجاية اما الحين الحساب علي
سحب يده نهار وبدو يمسكون يدين بعض وكل واحد يقول انا بدفع ونطق الي ياخذ الحساب:لو سمحتو ممكن تستعجلون لان وراكم ناس
التفتو يشوفون وراهم واستغل هالفرصة نهار ودفع وناظر فيه فارس:سويتها يا حيوان
ضحك نهار وهو يمشي لسيارته وركبها وحرك من شاف فارس حرك وكل واحد راح لبيته
-
<بيت فارس >الساعة١٢ظهراً
دخل وهو يحس راسه بينفجر من الصداع له يومين ما نام فتح باب الصاله يدخل وهو يسكر الباب وراه ويسلم:السلام عليكم ،جنتي وينك
دلال كانت جالسه بـ الصالة ابتسمت تقوم له:هلا هلأ بوليدي ،وينك يا أمي يومين عن البيت ،أبتسم لها يحاوط راسها ويبوسه :الشغل يمه كرفوو وليدك كرف ما خلوني أرتاح يرضيك
ابتسمت تمسح على راسه:معليه مو هاذا كان حلمك وحققته
هز راسه يبتسم لها ونطق من استغرب شي:امي ليه لابسة حجابك وعبايتك
بمجرد ما كمل جملته طلع عمه وهو ينطق:ماشاءالله جيت وينك عن البيت يومين
ضحك يسخر منه وهو يكتم غضبه:ليه بتحاسبني بعد؟مالك سُلطة علي ولا على اهلي
ضحك سالم بهدوء:وانا عمك احسن لك تبعد عن طريقي ولا تعاندني علشان ما يصير شي ما ودك فيه
ناظر في امه الي تناظر فيه وبجانبه تحاول تهديه لا ينفعل:ما عاندتك بس مصيرك بتروح السجن بسبب اعمالك الوسخة
سالم:انت جرب تبلغ عني تلقى امك واختك مدفونين تحت التراب
ناظر فيه وهو يصر على اسنانه ونطق:تخسي انت والي معك تمسون اهلي والحين اطلع براا قبل اطلع جنوني عليك
دلال:فارس امي انت اهداء ما يستاهل الي تسويه ،لف يناظرهم سالم قبل يطلع وهز راسه وهو يبتسم بخبث ويتوعد عليهم بشي كايد وطلع من البيت وشاف أزهار توها واقفه مشى متجه لها ووقف خطواته من شاف معها شخص ثاني وعرف ذا الشخص وتراجع بسرعه يركب مع السايق حقه يطلع من الحاره ،
نزلت من السيارة تقفلها وتناظر للمزن الي مشت تمسك يدها ويدخلون ،إزهار:ماما لو شافتك بتنبسط
المزن ببتسامة:يوهه مشتاقه لعميمة كثيرر ،من رحتو لجده انقطعنا عن بعض
دخلو داخل وابتسمت إزهار وهي تنطق بصوت شبه عالي:ماما ،عندي لك مفاجأة ،دخلت المزن وهي مبتسمه ونطقت بسرعة تزامنًا مع نطق أزهار:سبببررراااايييززز
ضحكت أزهار من شافت أمها قامت ترحب ب المزن وتلمها وتركت فارس الي كان جالس ويدينه متكيه على فخوذه وماسك راسه ومن شافهم عدل جلسته ويبتسم ،اتجهت له إزهار تجلس بجانبه:فارس شرايك فـ السبرايز ،هز رأسه وناظرت فيه تمسك ذراعه وتسند راسها على كتفه:عجبتك لنها مزون مع انك ما تحب المفاجآت
ناظر فيها يطالع وحط يده على شعرها يبعثره :شيطانه إنتي تفكرين بشي محد يفكر فيه حتى
بعدته بكفوفها وهي تضحك:اعرف انك تحبها ،بس ابغاك تعترف
مس فكها يشد عليه وهي تضحك وواضح انه معصب شوي ونطق:ومن علمك بالله ؟عصفورة جات وهمست بذنك؟؟،بعدين اتركي هالخرابيط ما احب احد انا
نزل يده وعدلت شعرها وتشوفه وقف من جات امها ومعها المزن وهمست :حياتي لو ما تحبها كا ما ابتسمت اول ما شفتها وانت كنت معصب
التفت لها وهي هربت ورمى المخده عليها بس ما جاتها ووقفت تطلع لسانها تنرفزه وضحك وهو تنرفز بس ضحك من حركاتها الطفولية ابتسم لامه الي جات وسلم من بعيد على المزن وقال:يمه انا بروح أريح لي كم ساعة لاحد يصحيني
ناظرت فيه دلال وهزت راسها:روح أمي روح أرتاح
طلع من عندهم وجلست دلال تسولف مع المزن و إزهار الي جات بعد ما بدلت وجلست معاهم
-
<قصر عبدالرحمن >
من مده جاي للبيت ودخل ياخذ له شور وبعد ما خلص وقف قدام مراية الي جوا الحمام يحلق دقنه المتكثف ولاف منشفته على خصره بعد مده خلص وطلع بشورت بس فتح التكييف وتمدد على السرير ويده خلف راسه واليد الثانيه ماسكة جواله يشوف المعلومات الي ارسل له فارس عن عمه ،نهار:هه الخسيس ذا يتاجر بمخدرات وتجارت اعضاء بعد وما انمسك للحين محد قوى عليه ،قلب بجواله يكمل المعلومات الي ارسلهم فارس:ولا بعد ويسرق شركات معروفة ،وين عايشين فيه ،سكر جواله يرميه بعيد وينام من التعب
-
<في بيت سيف>
المغرب نزلت بكشختها جينز ماسك من الخصر واسع من الساق مع تيشير  وسليبر وتاركه شعرها منسدل على ظهرها واكتسورات ،ابتسمت وهي تنزل الدرج وجوالها على اذنها تكلم ترف الي بتجي ولا وصلت للحين :توته ،تقولين بتجين العصر والحين صار المغرب وبإذن العشاء وانتي ما جيتي
ترف وهي تسوق :هاذ انا وصلت بس رحت اجيب معاي شي استحيت ادخل ويدي فاضيه قدام اهلك
المزن ناظرت فرح الي دخلت المطبخ :انتي تستحين من اهلي حنا شوي ونكتبك معنا بدفتر العايلة ترا
ترف ضحكت ووقفت سيارتها:خلاص خلاص اطلعي
-
نجمة وكومنت يا حبايبي💖