خيالي الأسود 11:11

part. 15

خيـالي الأسود 11:11

بقلمـي: فاطمـه عبـد

تابعـوا حسـابي ؏ الواتبـاد MM16fofo

صوتـوا وانطلقـوا زمُرديات قراءة مُمتعة ♡
ــــــــــــــــــــــــــــــــــــــــــــــــــ
المُهيـع يكول: بهداوه ياجويات العمـر
راحت مـلامحنا.
ـــــــــــــــــــــــــــــــــــــــــــــــــ

سـِدرة

شوية وحسيت ؏ روحي اني صرت مجرمه؟؟؟
اباوع ؏ اديه متروسات من دمه وهو مايتنفس!

فزيت ؏ صوته المصدوم وهو يكول:

المُهيـع: سـدرة!

رفعت نظري عليه شفته واكف بالباب مالت الشارع وفاتـح عيونة بصدمة يريد يفهم يللي جاي يشوفة

وانه اباوعله وعيوني مغوشة بالدموع واهز بجسمي واردد بالكلام: كتلتلة اي اي كتلتة..

جيه يركض عليه رفعني من اكدافي موكفني ع حيلي ويحجي ويايه بخوف وعلامات القلق واضحه ع ملامحه.

المُهيـع: سـدرة المُنتهى شصاير ومنو هذا؟

يحجي ويايه وانه مامركزه بكلامة بس ارجف وابجي هزني من أكتافي يحجي وياي وانه مو وياه بعالم ثاني

مصدومه واباوع بوجهه، وكعت بالكاع ؏ أثر راجدي قوي رجعت الوعي بيه، احس خدي اشتعل نار

نزلت دموعي بغزاره ع خدودي وانه اشهك بالبجي كعد كدامـي خله ايده جوه حنجي رافعه اله، رفعت راسي

اباوع بعيونه اول ماباوعت بوجهه بسرعة شمرت روحي بحضنه ودفنت وجهيي بصدره أصرخ بعلوا

صوتـي من رهبـة الموقف يللي جنت بي جسمـي كله يرجف رجفة مو طبيعية، دحست روحي بحضنه

واحس اريد ادخل بين ضلوعه من خوفي، نسيت بذاك الوقت هو منو ونسيت الحلال والحرام من خوفي

ماعرفت شنو جاي اتصرف، البنية دائما تكون قوية بس بموقف الاعتداء تكون كلش ضعيفة وهاي صفة بينه

احنا كـ جنس حواء!، حسيت بيه لمنـي حيل رافعنـي الحضنه يمسح ؏ راسـي يحاول يهدأني بس زددت

أكـثر حسيت روحـي جاي تطلع من جسمـي شوية شوية شهكت بقـوة وهو رفعنـي الحضنه وهمس
يم أذني:

المُهيـع: كـافي سـدرة المُنتهى لاتبجين وعيونج راح اخذ حقج منه بس كافي يُبا.

ماركزت بكـلامة وعيوني غوشت صرت مااشوف شيء غير الضلام داهمنـي واخذنـي بداخلة..

كعدت عبالك جنت بحلم مزعـج ومخيف واحس راسي ثگيل وعيوني يوجعني رفعت راسي شفت نفسي نايمه بالهول والبيت أظـلم