المتدينة 🤎✨🖇️

الحلقة 2

بعد بسم الله الرحمن الرحيم 💙
________ نكملو وين حبسنا
زينو:
بقيت نڨسر مع صحابي الجدد و فنفس الوقت كنت نشوف فالبنات و نميزهم شابين الصراحة مي تع ولاد و كدا منا ملهيك يعني من عينيهم يبانو بعدت روحي ڨاع قتلكم غير هديك لي شفتها مع اللول ڨاع لي كنت راح نريح معاها و لي ىاهي قاعدة معاها هوما لي عجبوني لزوج متحجبات الله يبارك و بعاد على العالم كانو قاعدين يڨسرو غير هوما فهوما دورت عيني مخصنيش نعميها مالنهار اللول كملت ضحك و ڨسرة مع ليجان حتى عييت والله ماشفيتش ڨاع ضحكت هكدا عندي مدة ماقعدتش مع صحابي بابا قالي بعد عليهم زعما زعما باش نتسڨم مسكين حسبالو الديفو منهم مكانش علابالو بلي انا داير هكداك هه معليش معليش صونات 12 خرجنا رحت للدار ماشي بعيدة بزاف حنا ساكنين فباطيمة تع اساتذة راكم عارفين انتقلنا لشحال من ولاية مي لي قراب مانبوش و هدا ڨاع غير علاجال خدمة تع العجوز ، وصلت للدار بعد ماتبوقلت مالسخانة لي راهي يا عجابة العجب حتى اكتوبر و مزالت سخانة هكدا والله بزااف ، المهم كيما قلتلكم دخلت للدار الدعوة كانت كااالم عرفت بلي لعجوز راحت تخدم و بابا خرج باينة رحت للكوزينة لقيت العدس تيماجينو ..!🙂 حسبي الله و نعم الوكيل 😂
معليش معليش سقيت شويا كليت ، نسيت باش نقولكم انا من تيبازة و جيت للعاصمة
المهم عيطلي واحد صاحبي من تيبازة
فؤاد : واش صاحبي غبرت علينا
زينو : الله غالب خوو راك عارف
فؤاد: معليش
زينو : واش كيفاش
فؤاد: لبنى راهي غير تحوس عليك😂
زينو : ماتتمسخرش
فؤاد: والله العظيم
زينو : خصني همها انا تان كسرت لابيس و بدلت الفيس علاجالها و مازلها لاسقة فجرتي يالرب
فؤاد: ااا الله غالب نتا لوكان بقيت مع وحدة ماهوش صاريلك ڤاع هكدا
زينو : بلع عليا نتا تان ماخصنيش ذنوب
فؤاد: صايي صايي هاني سكتت... واش ماصيدت حتى حوتة
زينو : ياودي كرهت صايي راهم دايرين عليا و يتراماو عليا عفتهم
فؤاد: يووو شكون قال
زينو : اا الله غالب
فؤاد: هههه
زينو : مي كاين زوج راني دوك تفكرتهم ياخويا مالڨري سامبل مي توووب متحجبات الله الله بهبلوو
فؤاد: ايي مليح امال صيد وحدة قبل ماتجي ل42
زينو : ان شاء الله ان شاء الله
اميمة:
نقولكم ماعجبنيش .. نكدب ضح صح عجبني بصح ماراحش نروح نهدر معاها ولا نمشي معاه ولا ننننن امبوسي لبنات ماشي الحب لي حرام اكك بسك مانقدروش نمنعو قلبنا العلاقات هوما لي حرام اكك ،المهم رحت للدار لقيت ماما بستها لقيتها دايرتنا سوفلي ، و يااا طلت على قلبي كليت شبعت الحمدلله و عاودت وليت للقراية ، بالمناسبة نسيت ماحكيتلكمش على لي تقعد معايا اسمها هبة الرحمن عمرها 18 سنة ❤️ حلوة و هايلة و صفاتها و طباعها كيما انا الحمد لله يعني جامي لاكانو غندي صحابات و ربي عوضني بهادي ربي يحفظها
الحلقة كانت سامبل يادرااا كيفاش حاتكون الكرو حبهم حايكون شويا صعيب لانو و كيما شفتو فالحلقة هادي هو عجباتو و هي عجبها مي هي ما استعرفتش و ماراحش تستعرف و هو ء؟!!!!
خلولي رايكم للحلقة القادمة و توقعاتكم و مغسي على دعمكم شكراً💙