حوراء المحمداوي ...❤️🔥
بقلمي رواية: « حب في ازقة الموت »
________________________
لِماذا عَلينا أن نَكون بَهذا الثَبات
بَينما أقدامُنا تَرتعش !؟
شيماء: خوفي من تكرار جريمة خالد ابخطف غسق طير النوم من عيني رغم اعتبر نفسي شريكة ابهل جريمة بس مجان عندي حل ثاني مجبرة انصاغ الاوامرهم والا ...
اتمنيت يرجع بيا الزمن اقلها اكول الهيثم قبل ليموت انو بنتك شريفة وما شردت بنتك ماكسرتك مثل ميكولون الناس بنتك خطفها خالد …
بس خوفي من الخسارة جبرني اسكت حاولت اطلع من هل مكان بس ماعندي غيرة وزاد خوفي ابكل يوم تكبر بي غسق حد ما اجه اليوم التقدم بيه خالد الغسق رغم اخذها بالحلال بس هم خايفة عليها ما اعرف شنو غايتة من خطف وحدة ويتزوج الثانية او ليش بنات هيثم بالذات .... !؟
غسق:طلعت شيماء رحت وراها سديت الباب رجعت للاستقبال صار ابوجهي خالد …
خالد: صباح الخير
غسق: صباح النور
خالد: منو جان اهنا؟
غسق: ماما شيماء جابت الريوك
خالد: تمام اسبح واجي
غسق: تمام
رحت عزلت الغرفة الحد ما طلع حميت الجاي وكعدنا نتريك
خالد: اشبيج صافنة ابوجهي
غسق: ليش رحت
خالد: مجبور اروح
غسق: وين
خالد: قبل لا اجيج اتصلو بيه بالمركز عدهم قضية مهمة ولازم اكون متواجد وياهم
غسق: مو اخذت اجازة؟
خالد: هيج قضايا ماتتحمل التأجيل واصلا طلبو اجي ضروري بس اجلتهم الحد ما اجيبج البيتي زحمة اعوفج يم اهلج و اروح
غسق: ابشك
والقضية تتضمن اتكون مخمور
خالد: القضية كلش صعبة عكرت مزاجي ومن غير شي مزاجي خربان لان خربو عرسي فالتجئت للشرب
غسق: بس الاعرفة انك اتصلي
خالد: اي وكل مرة اشرب ادفع كفارة
غسق: اتمنى اتركة
خالد: احاول
غسق: اتنفست ابريحية رغم سالفة الشرب غثتني بس اطمنت كل شكوكي كانت اوهام او خالد طلع رايح للشغل ما تاركني لان اخت ريم ...
::: ريم … …
ريم: ورا خروج سلطانة ابقل الساعة طلع فهد للمقر الثاني بقيت وحدي بالمكتب اجهز اجتماع وي عاصم
YOU ARE READING
حب في ازقة الموت
Actionبقلمي: حوراء المحمداوي ✍️ مليءٌ بكلماتٍ لا أستطيع التفوّه بها حتى وإن وجدت من ألقيها أمامه تظل بداخلي ألغاز لا حل لها قلبي الذي قد هلك بما يكفي رغم نفحات السعادة اللحظية التي أمر بها ومازلت أرجو السكينة والهدوء لنفسي وقلبي لعلّني أنال ما أتمنى.. ...
