حربُ العاشقين

part: 48

سديت بيبان الصلح
مابيه اشوفك وأنجرح
يومية أطلع مبتسم
وأرجع لأهلي مدمة
نسيتني وجوه ووكت
من جيتني لحد ما رحت
أتمنى من اعرف بشر
ابقى أتذكر اسمه
أتعلمت من عندك درس
لو ادري مامتعلمه

•~~~~~~~~~~~~~~~~~~•
حسيت بعطش وكمت من الفراش باوعت علشمس نايمه تنهدت براحه وطلعت برا الغرفه ونزلت جوه البيت كله ضلمه وهدوء والجو جان حيل بارد وهوه رحت عالمطبخ شربت ماي وردت ارجع فوك وسمعت صوت الباب يندك

خفت وشغلت الضوه وباوعت علساعه الي بلمطبخ 12ونص بليل وخفت اكثر من اندك الباب حيل رحت فتحته بس ماشفت احد ردت اسد الباب وشفت سياره كدام البيت طفي وشغل بضوه

قويت كلبي وتوجهت للسياره وزاد خوفي من شفت سياره فارغه ركضت عالسريع ودخلت للبيت وسديت الباب ونزيت من سمعت صوت بصاله ورحت فتحت باب صاله وجانت حيل ضلمه بس من شغلت ضوه انصدمت

**
::خفت حيل وكعدت عالقنفه الي بلغرفه وبقيت كل شوي اتصل عليه لحد ماجاوبني شخص غريب وانصدمت من كال دانيال متصاوب وسد الخط

وكع التلفون من ايدي وبقيت افكر ثواني ورجعت اتصلت عليه اكثر من مره بس ماكو محد جاوبني بقيت ابجي بلساعات واخر شي نزلت جوه وكعدت الكل وحجيتلهم الصار

ام يارا: لتخافين بنيتي مايصير بي شي

::عمه مافكر بنفسي ولابي افكر بشمس خايفه يصير اله شي وشمس تربى بدون اب هذه الي مخوفني

ام احمد: لاتخافين حبيبتي

::لازم انطي خبر لاهله حتى يسون شي

ابراهيم: ميحتاج لاتخوفينهم بهلوقت هسه اتصل علسرمد وافتهم منه واشوفه اذا هوه ملتحق هناك

::انه حسني كلبي والله حسني ماردته يروح بس هوه أصر يروح يشوف مرقس

قاسم: لتخافين بنيتي هسه عمج يتصل علسرمد ويفتهم منه

ابراهيم: مايجاوب تلفونه مغلق

::اوف يربي هسه شسوي

يارا: اهدئي حبيبتي لارا صدكيني مايصيرله شي

::حاولت اسيطر عالنفسي ومابجي بس ماكدرت استسلمت لدموعي وكعدت عالارض ابجي واندب ويارا ونسوان عمامي يهدئن بيه

ام يارا: تفائلي بنيتي

ام احمد: اتفائلي حبيبتي صدكي مراح يصير شي انتِ بس اتفائلي بالخير

ابراهيم: انزين هوه الي رد عليج شنو كلج

::كال متصاوب

ابراهيم: لعد هذه بنيتي لو صاير اله شي جان كلج لاتخافين اكيد هسه ديعالجونه

::ان شااء الله عمي ان شاء الله مابيدي شي غير الصبر