ست الحسن فصلية،☀️💧

بارت 2 🔥

نايمه واحس رجل ع بطني وترفس بيه فتحت عيوني شفته ام احمد تضرب بيه وتصيح ...
ام احمد نايمه ست الحسن جايه تنامين مصدكه نفسج عروس يلا نزلي سوي ريوك ونظفي بسرعه الا اموتج هسه
عذراء كمت بدون ماحجي هي طلعت شفته واكف ع مرايه ديمشط كتله بكل هدوء ليش امك دسوي هيج يعني متكدر تمنعه
احمد خزرته وصحت بيه شنو تكلج امي تنفذين وانتي ساكته لا اجي اكمل عليج واطلع مصارينج
عذراء استغفر يربي من الصبح هيج طبعا حجيت بقلبي عفته ورحت للحمام سبحت ولبست دشداشه وطلعت مشطت وردت انزل صاح بيه

احمد وين وين
عذراء نازله جواه
احمد وهيج طالعه حضرتج لبسي حجاب
عذراء ليش عندك آخ ثاني
احمد ولد عمي كلهم هنااا بنتر حجيت
عذراء لبست حجاب ونزلت شفت زينب متخصره واكفه يم درج لا هلا اليوم شلون وي هذا الصبح ... صباح الخير

زينب ياخير هذا الي يشوف وجهج يشوف خير نزلي سوي ريوك بسرعه حتى تنظفين المخزن وراه البيت اريده يلمع لمع فهمتي يالفصليه
عذراء انتي منو حتى تتامرين مشتغل عندج اني
ام احمد انتي خدامه هنا لا عبالج عروس الكل بأمر عليج وانتي تشتغلين سكته بدون كلام وابني ازوجه احسن وحده مابقي ع الفصليه
عذراء احس اختنكت من كلامه رحت للمطبخ بديت اسوي طبعا البيت بي كومه بشر يمكن سويت 100 بيضه وكيلوين طمامه واجبان اطلع ومربى ساعدتني رفيف بس تشتغل وتغلط عليه وترزل
رفيف اشتغلي عدل لو ممعلميج ع شغل اهلج يلا بسرعه خلصي
عذراء اخذوا الاكل وكالوا انتي بالمطبخ تأكلين اني همين انسدت نفسي من كلامهم ع الصبح ناس تستغفر وهم بس رزايل عليه رحت ع المخزن انظفه طبعا المخزن الهوسه وزباله الي بي ياويلي شديت شالي ورفعت دشداشه شويه وضليت اعزل وارتب من ساعه تسعه تقريبا لحد 12 احس النفس قل عندي وظهري صار نصين من الألم خلصت سديت الباب وطلعت شفت طباخ يم المطبخ كلت يي خلصت دخلت واشوف ماعين ريوك بالمطبخ ومطلعين ماعين بعد ضليت اغسل بالماعين وارتب صارت ب 3 الظهر واني كاعده بالمطبخ منتظره ماعين الغدا وهمين غسلت شفت ساعه 4:30 صبيت ماعون صغير تمن أكلته وصعدت اريد اسبح هلكانه وملابسي كله قذاره وتراب احمد بالغرفه موجود
احمد وين رايحه
عذراء اريد اسبح
احمد نزلي جواه ماتستخدمين حمامي بعد فاهمه

عذراء مرديت عليه اخذت ملابسي ونزلت سبحت وصعدت اريد أتمدد اجتي ام احمد اطلعي نظفي الحديقه  نزلت انظف للمغرب رحت صليت وادعي ربي يخلصني من العذاب هذاا ونزلت عشا لحد 8 يلا كملت اتعشوا واني للمطبخ كاعده اكلت لفه خلصوا رحت شلت السفره والماعين وضليت اغسل كملت ب 10 ام احمد كالت ضلين بالمطبخ لحد منام يعني الي يريد مي صاح الفصليه جيبي مي صدك ضليت لل 1 صعدت احمد بالغرفه يحجي وي وحده ويكوله حياتي وحبيبتي ويضحك
عذراء (عود اخوه ميت وخابصبن نفسهم وكل هذا ضحك) شويه وخلص رحت يمه كتله صح اني فصليه بس ميصير تتصل بحبيبتك كدامي همين اني زوجتك
احمد كلامه عصبني ردت اضربه بس عفته كتله روحي عن وجهي بسرعه
عذراء عابتلي شلون هيج اكوله شكد غبيه هسه عباله أغار منه رحت نمت ملابسي بدون ماغيره ..
ثاني يوم كعدت ع وقت حتى مينعاد الموقف نزلت سويت ريوك كمل وكعدت بالمطبخ انتظرهم شويه ودخلت زينب
زينب خلي اساعدج تعبتي اليوم
عذراء سبحان مغير الاحوال اكيد عنده سالفه محجيت ضلت هي تخلي بصينيه وياي بعدين رحت اصب جاي وماشوف الا زينب وكعته ع ايدي وضلت تخربط بشعره وتصيح الحكوني حتموتني
عذراء اني انصدمت منه شكد كلبه رحت غسلت ايدي وهجمت عليه ام احمد وتجر بشعري واضربني وياه ام زينب تغلط وتصيح اخر شي لزمتني ام زينب وتضرب راسي بحافه الحايط واني سبحت بدمي عيوني غوشت احس نفسي اريد اموت ... ً

متوقعت أعيش بعد هذا الضرب ...
احمد بالغرفه كاعد أغير ملابسي اريد اطلع للمحل وسمعت الصياح عرفتهم يضربون ب عذراء عفته بس من سمعت صياحه حيل نزلت اركض وصحت بيهن كااااافي بعدن عنه هن كامن واشوف عذراء مدده وكله دم حالته تبجي 💔😭
كتلهن خير شمسوي من الصبح اجتي تبجي
زينب والله مسويت شي بالغلط وكع عليه جاي وهي ضربتي راشدي وجرتتي من شعري وتكولي اني ام البيت هناا
احمد تقربت من عذراء متحجي عرفت انغمى عليه صحت ب رفيف جيبي عبايه بسرعه وأخذته للمستشفى واني امشي بسرعه مناقصني تموت واتحمل ذنبه دخلت اخذوا ركض مني اخذته دكتوره فحصته شافت رأسه مفتوح بس مو كلش عميق ميحتاج خياط بس عقمته وخشمه ينزف همين عالجته وخلت مغذي اله
الدكتور منو مسوي بيه هيج
احمد وكعت بالحمام
الدكتوره اهاا يلا شكلت اله مغذي وهذا علاج ولازم تأكل زين تعوض الدم الي نزفته
احمد اخذت العلاج رحت للغرفه شفته تتحرك سالته متاذيه
عذراء يي ودرت وجهي ضليت ابجي وينج يمه شوفين حالج بنتكم المدللـه هيج يصير بيه حسيت ع احمد طلع
احمد طلعت ادخن برا حتى هي تهدا شويه ودخلت شفته تريد تكعد ساعدته وشلنه المغذي وأخذته ع سياره اشوفه طول طريق صافنه ضليت افكر اكول شنو ذنبه طفله وهيج تنضرب وتتعذب كلش كسرت خاطري لحد موصلت للبيت نزلته ورحت للمحل

عذراء خلصت طريق صافنه واكول يمته اخلص من العذاب هذا الموت ارحم الي مصار يومين دخلني مستشفى هذن يموتني وصلنه للبيت نزلت هو بقى بسياره دخلت وصعدت فوك مددت شويه وماحس غير الباب اندفع
رفيف كومي يلا مو حجه حتى تنامين يلا اشتغلي لا افتح راسج هسه ياريت ميته ومتخلصين منج
عذراء والله راسي يريد ينفجر بس اليوم عوفيني
رفيف انعل اب..... ومن هذا الغلط تريد احنه نخدمه الفصليه ولج زين متحمله ومموتج لسه
عذراء كمت دخلت للحمام غسلت جسمي من الدم بالكوه أتنفس ودايخه كلش نزلت واني اسحل بروحي وبديت تنظيف وغسل اماعين وراسي موتني من الوجع اخذت العلاج مفاد لحد مصارت بالوحده احمد بيومه مشفته بالبيت دخلت للغرفه بوجهي ع الأرض ونمت الثاني  يوم ....
احمد رحت للمحل عندي شغل بعدين اتغدين بالمحل والعصر خابرني صديقي طلعت وياهم ماردت ارجع واشوفه وهي تتاذه
عذراء ثاني يوم الصبح ام احمد صيح فوك راسي يلا كومي كلج فصليه ونايمه لو عروس شسويتي (انام شهر 😜😹) بسرعه كدامي
عذراء نزلت ملابسي وبديت شغل الي ميخلص بس شوفني كاعده طلع حجه حتى انظف لو يشمرن الاكل بلارض وأروح امسح لو يكسرن شي وألمه وأهم شي الغلط الي مينحجه عليه وع اهلي (استغفر الله عود علويات وهيج يسون )
مر اسبوع واني نفس الحاله راسي شويه اتحسن بس ادوخ وتلعب نفسي من الاكل اجتي هدى بنت عمهم كلش حبابه سلمت عليه وكالت اني هدى كتله اني عذراء وضلت تسولف وماسمع غير ام احمد تصيح هدددى شعندج هنااا وي الفصليه
هدى خاله أجيت اسلم عليه
ام احمد لج شجابج عليه أنتي علويه وجدج محمد (اووي ذكرتي انتي علويه )تحجين وي هااي الفصليه كتالت ابنج عمج عوفي تولي وطلعي بسرعه
عذراء طلعت هدى واني دمعه بعيني الى متى اضل هيج عايشه بذله شنو ذنبي اني قابل اني الي قتلته 😭😭😭😭 دموعي خلصت من البجي واحس الشيب طلع براسي ....

موتنسون التصويت والتعليق 🔥

وصلو التعليقات لل 400 اكمل 🍩