لهَـــــــــيبِ

لهيب

زيگو ضحك بحراج وبحه صوته خلت مصطفى يباوع عليه لعده دقائق حتى فز من شروده متحمحم
وحچه ببرود
:.سيف گافي عوف  الولد لتبقه تلح گلگ ميريد يبقه

سيف بعيوس :.بس يعني اريد ارسمهههه !!!
مصطفى بعصبيه:.كافي تره مصختهه !!
خاف سيف وركض لحضن ابوه يبچي بصمت '
سمعو صوت طرق على الباب راحت فاطمه لبسته حچابهه وفتحت الباب شافت ميمو واگف. ببتسامه هادئه

ميمو بإبتسامه:.مرحبًا خاله اني ميمو اخو زيگو وابن سمر الچبير امي ودت زيگو لگم ونست تگله انو انتو اليوم معزومين يمنه .!

.فاطمه ابتسم :.تفضل وليدي ياهلا بيگ محمد جوه
ميمو:.شكرا خاله.

دخل ميمو وره فاطمه شاف محمد واگف وبحضنه وليد يبچي وممبين منه شي وزيگو واگف يباوع عليهم بينما مصطفى وجهه احمر من العصبيه.

ميمو تحمحم وحچه بهدوء وبحه مميزه بصوته
:.سلام عليكم عمو شلونك
محمد چان يعرف ميمو فابتسم وحچه
:.هلا وليدي ميمو شلونك حبيبي منزمان ماشفناك ليش متچينه ها ؟

ميمو تقدم بايس خده وحچه
:.والله ياعمو انته تعرف مدرسه وضيم واني سادس فلازم اقرء حتى اطلع معدل قوي حتى مانعلس من امي ههه
محمد :. اي والله 'الله يوفقك حبيبي
اذا تحتاج اي شي بس كولي وانه ابوك الثاني تمام .

ميمو:.شكرا عمو متقصر وجودك بابصره وهنا يمنه يكفي ويوفي بزياده.
اي صحيحً دزتني امي حتى اكوللكم انتو اليوم معزومين يمنه على العشه وماكو اي رفض .

محمد ضحك:.اكيد حبيبي حنچي لان اني مشتاق امگ وكاحتهه.
ميمو :.هههه

ابتعد سيف عن حضن ابوه منتبه لميمو ابتسم بقوه بوسط دموعه وركض يحضنه بقوه
تفاجه ميمو بس بادله الحضن مخلي سيف يحاوط خصره برجليه الگصار ويدفن راسه برگبه.

سيف بعبوس حچه
:.ميمي صفصف  صيح عليه !!

ميمو مسح على راسه يحاول يهدي وحچه
:.هشش لاتبچي عمري منو لصيح عليك همم

ابتعد سيف راسه من رگبه ميمو وشر بصبعه على مصطفى وحچه
:.هذاك هوه صفصف اخويه الچبير صيح عليه لان ردت ارسم هذاك الولد الحلو !

باوع ميمو لصبع سيف لي دايشر بيه عله
زيگو ضحك بسخريه وحچه
:.هيهيهي منو الحلو بس لا هاذا چنه وجه چوب مجنفص هههه

سيف ضحكً بلطف وقوه مبيه صف اسنانه لابيض.
لطيف صفن ميمو عليه بشرود طلعه من شروده صوت زيگو الغاضب :.ابن الگواد محد غيرگ وجهه چوب مجنفص دباع حشمگ شگبره يگول خشم چدي محسن هههه