القثـم

🦅القثم الواحد والثلاثون 🦅

اذا سِرّك تُحفظَه تحيّر الناس
واذا ناسَك تُعرفَه بوَحدك تحير
فَرق بَين الـ يسرّك والـ تِسر بي
وحَذاري مِن الـ يُگلك سِرّك بـ بير
واذا مايَك تلاطَم فوگ الجروف
أكيد العِلّة بچفوف النَواعير
طَبيعي الـ يِمشي يعثَر تُغدر الگاع
ولكِن مو طَبيعيالـ يزحَف يطير
زُمانَك مَركب وصير انتَ الشِراع
واذا رأيك تُضبطَه بكيفَك تدير
على متون الصَبر قيس المَسافات
لأن بَس بالصَبر تگضي المِشاوير .

🦅القثم الواحد والثلاثون 🦅

بقلم:- الكاتبة غرام

-------------------------------------------
ڪل أنسان بلحياة عندة سر يا اما السر يأذيك
الك انتة صاحب السر ،
يا أما يظر غيرك خاصتًا اذا الشخص
يحبك ويثق بيك ومنتظرك انتة التبادر
وتحجيله شبيك مابيك وشنو الضامة انتة
حتة لو السر يخصك انتة بس يظر غيرك
لازم تحجي بس بهدوء مو تخلي يسمع
من غيرك ،

ساعتها لا يختلف الأمر وكلشي يختلف
تقل الثقة، يزيد الخوف،
راح تنهدم الثقة انعدام تام جداً
وشنو التحجي ماراح يصدك بيك ،
ولا هوه اليكدر هم من تصير ويا مشكلة
لو شي جبير يجي يكلك انا هذا شي بية
لأن مايثق بيك

دائماً خلوا الانسان التحبو بعيونكم قبل
لاتفكرون بنفسكم حتى لو جانت اسراركم
جبيرة احجوها لليستحق يسمعها ،

خاصتًا اذا الشخص الراح ينظر مالة غيرك
ومعتبرك سند الـة ،
مثلي !!

رمشت مامستوعبة وابلع بريكي
فركت ايدي كعدت ع الكرسي
الهوا يلفح بوجهي بااارد دموعي تنزل بهدوء
ماريد اصددك السمعتـة ولا اريد افكر بي
كلشي جذب ماريد اصدكـة

كعدت كبالي أريام شالت راسي مسحت
عيوني وهمست

::- سَنمار كافي تبچين خلي
المرية تكمل ووعد والله اذا الكلام
صح وثبتتة انا اخذج واروح انشوف بعيونـة
بعد شتردين ،

مسحت عيوني وهمست
::- دتكذب مااصدك قثم مايسوي بيه هيچ
ههههههه من كل عقلچ اريام؟

حجت المرية تجر النفس جر
مسحت وجهه بشيلتها وردت نفسهه مكطوع

::- وحك داحي الباب يايمـة
زوجچ متزوچ من بنية اختي ومن زمان
كلش

::- بس خـالة قثم متزوجني
انا زوجتـة خاف مشتبهه ماكو هيچ شي
چاا كاااالي

::- مادري انا بلحجي البينچ وبين رجلچ حلوا انتو
بينكم اني اجيت متعنية عبن
اشوف بنية اختي زعلانة وموش بخلكها
الأولي وحكهه مرية متزوجة من زمان
زوجهه يجيها مرتين بلاسبوع وهيه عدها
طفل منـة

فتحت عيوني بصدمة؟؟؟؟؟؟
شهكة اريام مخلية ايدها ع حلكها

-أريام:- جذااااابة تشاااقين
عووفچ من زوجتة احنه اهله ليش ماحجة
اذا متزوج خووب يحجيلنه شنو
هاي الخرابيط خالة رحمة المواتج وين عايشين
بمسلسل هندي،