After All

Part 4♡

Unicode:

တိမ်တိုက်များကင်းစင်နေသည့်ကောင်းကင်သည့်အသူရာနေမင်းကြီး၏စွမ်းဆောင်မှုကြောင့် ဝင်းလဲ့တောက်ပနေ၏။စွမ်းစွမ်းတမံကြိုးစားထားသည့်အလင်းရောင်သည် ကောင်းကင်တစ်ခွင် ဖြန့်ကျက်လို့နေ၏။ လှုပ်ရှားသွားလာနေသည့်လူအများသည် သာယာသည့်‌ ရာသီဥတုကြောင့် အပြုံးပန်းများပွင့်လန်းနေကြသည်။

မိုးရာသီတွင်သယ်ဆောင်လာသည့် လေညှင်းလေးသည်
မိုးနံ့မပျောက်သေးသည့်အပြင်သယ်ဆောင်လာသည့် မြေသင်းနံ့သည် စိတ်နှလုံးအားကြည်လင်စေသည်။
အထူးတလည်ပြောပြစရာမလိုအောင်မိုးရာသီ၏နေ့လည်ခင်းအလှသည် လွန်စွာလှပ၏။

'ဒေါက်တာ..'

တိုးကပ်လာသည့်ကိုယ်လုံးလေးနှင့် တိုး၍ရလာသည့်နို့ထောပတ်ရနံ့မွှေးမွှေးအီအီလေးသည် မြေသင်းနံ့အားကျော်လွန်ဖုံးလွှမ်းသွား၏။စိမ်းမြမြအရောင်အသွေးစုံလှသည့်ပတ်ဝန်းကျင်သည် အစိမ်းရောင်အားကြိုက်နှစ်သက်သည့် ကောင်လေးဖြင့်ပို၍စိမ်းစိုနေ၏။

'အင် ဘာဖြစ်လို့လဲ..'

‌မိုးတိတ်သွားသော်လည်းအေးစိမ့်နေသည့်ပတ်ဝန်းကျင်တွင် ချွေးများစို့နေသည့်ကောင်လေးမှာမူတွန့်ဆုတ်တွန့်
ဆုတ်‌ဖြစ်နေသည်။ဘေးပတ်ဝန်းကျင်သည်လှုပ်ရှားသွားလာနေသူတစ်ယောက်စနှစ်ယောက်စဖြင့် လမ်းတွင်လူမပျက်ဖြစ်၏။သို့သော် ထိုကောင်လေး၏မျက်ဝန်းသည်အကြောက်တရားတစ်ချို့ပုန်းအောင်းနေသည်။

'ကလေး ဘာဖြစ်လဲ..'

'ဟို ဟိုထောင့်မှာ..'

လမ်းထောင့်ချိုးအားလက်ညိုးညွှန်ပြသည့်ကောင်လေးသည် ကြောက်အားလန့်အားဖြင့်သာ။လက်ညိုးညွှန်ရာအားသေချာကြည့်မိသည့်အခါ ခွေးလေခွေးလွင့် သုံးကောင်သည် ပတ်ချာလည်လျှောက်နေကာ အစာတစ်ခုခုအားတွေ့သည်နှင့်ခုန်အုပ်သည့်ပုံစံနှယ်ပြင်ဆင်ထား၏။ဈေးသွားသည့်လမ်းမို့ ယခုလိုခွေးလေခွေးလွင့်များတစ်ခါတစ်ရံတွေ့ရတတ်၏။စဉ်းစားမိသည်က ထိုကောင်လေးသည် ခွေးအားကြောက်တတ်သည်ပင်။

'ဘာမှမဖြစ်ဘူး လာ..'

တိုးဝင်ဖြစ်သည့်လက်ဖဝါးပြင်သည် နေရောင်ခြည်လိုနွေးနွေးထွေးထွေးလေး။ထို‌ကောင်လေး၏မျက်ဝန်းတို့သည်မိုးဦးကျခါစမိုးစက်ကလေးလိုအေးအေးချမ်းချမ်းလေး။အနည်းငယ်လျော့ရဲနေသည့်လက်ဖဝါးအားတိုး၍စုပ်ကိုင်မိသည့်အခါ သက်ရောက်မှုသည် နှုတ်ခမ်းပါးအားတွန့်ကွေးရန်ဖြစ်သည်။