هوس اربعيني (اوس و لبنى )

18

هوس اربعيني الجزء الثاني 18

كانت شروق امام الخزانه تخرج ثياب لها لتشعر به يحيط خصرها بتملك ويدفن وجهه بشعرها..

عمر بهمس مالك ياروحي..

شروق بضيق العيال وحشوني اووووي ياعمر..

عمر طب وانا مش بوحشك ..

استدارت اليه ياحبيبي احنا مع بعض اهو..لكن العيال دلوقتي..

ابعد خصلات شعرها العيال مع تمارا وهتاخد بالها منهم منتي عارفه هي بتحبهم زي عيالها…

شروق عارفه لكن ي…

عمر تؤ مالكنش الوقت ده لينا انا وانتي وبس..تصدق زين اول مره يعمل حاجه عدله لما حجزلنا هنا..

شروق بابتسامه ليه بقى..

عشان انتي بتوحشيني..وطول الوقت مشغوله مع العيال وانا مطحون بالشغل مفيش وقت لينا زي كده..

احاطته عنقة حقك عليا عارفه اني مش مهتمه بيك زي الاول بس الع…

عمر اششش انا مش بعاتبك انا عايزك متفكريش بحاجه دلوقتي الا اننا نتبسط ليدفن وجهها بعنقها وجذبها اليه اكثر.

شروق بهمس ععمر..

عمر بتيه هممممم

شروق سيبني  عايزه استحمى عشان اجهز وننزل لصحابك.

عمر حملها وبغمزه  ماشي هنستحمى ياروحي..هنستحمى

شروق بتذمر يا عمر عايزه اجهز برحتي..عشان خاطري

عمر اخذها الى السرير مهي  راحتك. فراحتي .والا ايه ودفن وجهه بعنقها

شروق بارتباك وهي بين يديه هههنتأخر..

عمر اشششش خلينا مع بعض …اوس مش هيطير يعني..

*****************

بعد مدة ..

اوس شكل لبنى خدت على شروق بسرعه..

عمر بحب هي شروق كده اللي يتكلم معاها يحس انه يعرفها من زمان تحس بالدفى والراحه معاها ...

اوس بابتسامه شكلك بتحبها اووي…

عمر هي اصلا تتحب ..

اوس باستغراب غريبه وقعت كده ياعمر وانت اللي كنت خربها..ومكنتش متخيلي انك تبقى..كده..

عمر وانت مالك شكلك مش مبسوط..

اوس بضياع مش عارف ..

عمر ازاي مش عارف…

اوس انت قولي ازاي وصلت مع مراتك للاستقرار ده عشان انا بجد محتاج نصيحه..لبنى مجننناني وانا مش عارف اسيطر على العلاقه مابينا حاسس نفسي بضيع وبضيعها معايا..

عمر انت دايما تدخل علاقات متلخبطه يااوس ..مش عارف انت عاوز ايه..

اوس انا عاوزه ياعمر بحبها ..مفيش وحده عرفتها وكنت عايزه زي لبنى انت عارف اني اتجوزتها باقل من شهر..