احلام محطمه بقيود الزواج

البارت العشرون

مساء الخير...

لا تنسون التصويت /متابعه الحساب/تعليق بين الفقرات

#احلام_محطمه_بقيود_الزواج
#بارت20
ـــــــــــــــــــــــــ
ما دام بروحتك مرتاح خلي فراگك يطول
ــــــــــــــــــــــــ
رحاب:

دزيتله اليوزر مال الانستا وبدينه نحجي كل يوم ومع هاذا واني مو طايقه احجي ويا من يدزلي رساله اتاخر يلا ارد واذا اتصل اخلي يتصل مرتين يلا ارد عليه وكل حجي مختصر ويا بحيث حسيته كره نفسه اذا حجى كلام غزل اكله نعسانه اريد انام واتهرب منه لو اسد نت واعوفه يحجي وحده فعلا كرهته بنفسه
جنت كاعده احجي وي صديقتي واتصل هوه مارديت فصل وتصل مره ثانيه ترخصت منها ورديت عليه اجاني صوته مثل الشخص المتنرفز كال

سيف: الووو

كلت بكل برود مو مهتمه النبرته

رحاب: الو

سيف: وينج مو ادك عليج ليش ماتردين؟!

رحاب: ترى انتَ داك مره وحده والثانيه جاوبت

سيف: ليش ماجاوبين من اول رنه مو جنتي نشطه بلبرامج وفاتحه نت؟؟

رحاب: اهووو سيف شسالفه شنو تريد تسويلك مشكله هسه انتَ وذا مارديت شصار يعني

سيف: الي صار ياست رحاب انتِ مامخليتلي حترام تشوفين رسائلي وماتردين وتتاخرين بلرد ادك عليج ماجاوبين ومن اجاوبين تحجين بعنتكه ونشطه بلبرامج اولا مره بادرتي ودزيتي رساله تسئلين عليه بيها لو اني ابادر لو ماكو لج كرهت نفسي هاذا صديقي مو هم خاطب وتلفونه مايسكت ليش اني وحد عنه

تنفست متنرفزه منه وكلت

رحاب: سيف لا تغشم نفسك انتَ كلش زين تعرف شنو الضروف الي نخطبنه بيها وتعرف اني مجبوره عليك وتعرف شكد اكلت كتل يلا وافقت كافي تسوي هيج وكانو مخطوبين على حب ماتريدني روح ذاك ابوي وكله اريد اطلك طلكني

ضحك بصوت عالي وكال

سيف: باحلامج والله اني اعرفج دسوين هيج بس حتى امل واتركج وننفصل بس بحلامج اني شخص مامل امللج ومامل فشيلي هاي الفكره من راسج احسن الج وعدلي اسلوبج وخشمج اليابس ليني لا اكسره الج اخر انذار هاذا الج

كال هيج وسده بوجهي رفعت التلفون من اذني واني العصبيه صاعده عندي غميت التلفون وصرت ارافس برجليه من القهر هاذا فعلا يمللني ومايمل لازم اشوف طريقه ثانيه ويا

الثاني يوم وهوه مادازلي شي اشوفه نشط بس مايراسلني كلت خفه وراحه رحت افرفر بلبرامج والبيجات عجبني ملابس كلش حلوه باوعت سعرهن غالي بتسمت بخبث وبدية بخطه جديده افلسه

تنازلت عن زعلي وكبريائي ودزيتله الصوره مال الفستان

مرت 3دقائق وماشايفها على الرغم هوه نشط
شويه وشافها ومارد صرت احوص اريده يرد مارد مرت تقريب الساعه وهوه مارد شويه ورد كاتب