جاد:بابا راه والله حتى خلعتينا
سفيان:أه بابا أنا تخلعت
بابا:غادي نجيكم نيشان أحم (بابا بقا ساكت وحنا كاملين كنتسناوه ينطق بإستثناء ماما حتى نطق بزربة) أحم أحم غادي نسافر ل
قاطعو سفيان بفرحة:يس يس غادي نسافر واو غادي نمشيو لتيطوان لا حسن طنجة لا لا الحسيمة 😇
جاد:دابا أ بابا هادشي كامل باش تقول لينا غادي نسافر
بابا:لا غير سفيان قاطعني مخلانيش نكمل(سفيان جمع ضحكة أما نجلاء غير كتشوف أو عاقدة حجبانها أو لالة نورة كتقول ياربي تستر مع ياربي تحفظ)أنا بغيت نقول ليكم غادي نمشيو العند جدكم
جاد:وايلي أ بابا غادي نمشيو العروبية جدي
نجلاء:ناري أبابا واش داك المرة تبعني حنش هاد المرة غادي يتبعني خنزير ولكن ماشي مشكيل بعدا غادي نكون سافرنا واخا غير العرويبة
سفيان :بابا غادي تمشي معانا حتى نتا
بابا:أه أولدي غادي نمشي أنا و ماماك أو نتا وخوتك ولكن للتصحيح مغاديش نمشيو العند جدكم بابات ماماك وإنما الواليد ديالي أنا
نجلاء وقفات بزربة:كيفاش ب بابا راه هاديك ماشي غير قرية أو عروبية هاديك راه جحيم بابا قول غير كضحك هههه كضحك ياك راه باينة
جاد :نجلاء جلسي أختي راه بابا غير كيضحك معانا جلسي
بابا:أنا مكنضحكش اليوم الخميس نهار السبت غادي نمشيو يعني بلى هدرة بزاف (بصرامة ونبرة مرتفعة) كون بغيت تمشيو التطوان أو طنجة وزيد وزيد كون جبت نقطة لتفرحنا أو تفرحكم نتوما لولين ماشي تجيب نقطة مكفسة أو ضحك أو تسافر
جاد :بابا راه نجحنا
بابا:يلا كان نجاح غير ب 10/20أو 6/10 فراه بلاش نتوما غير دفعينكم الأساتذة ديالكم ماشي نجاح هذا
سفيان:بابا مبغيناش نسافرو بغينا نبقاو غير فالدار
بابا:لا غادي تسافر علاش لا
نجلاء :أو أنا مالي ياك هوما لي مجابوش نقاط زوينين
بابا :نتي مالك نتي ألالة غير بريئة واش سحابليك غادي دوزيها عليا أو راني نسيت أنك خرجت من قرايتك بلا حتى شي عقاب
نجلاء :راكم خذيت ليا تيلي ديالي 3شهر أو منعت عليا الخروج
بابا:هذا ماشي عقاب العقاب ديالكم هوا هذا يالله تصبح على خير سير تنعس باش تفيق غدا بكري أو تجمع حوايجكم (ناض سي محمد باش يمشي البيت ديالو حتى حبست هدرة نجلاء)
نجلاء أو هيا كتشهق:م م ميمكنش ليك تحكم ليا فحياتي أنا مغاديش ن نمشي لداك الجحيييم تما مكاين لا ريزو لا ناس واعيين كولشي باقي عايش تما غير بالماء والماكلة مكيضحك ماكيخرج أو زيد وزيد أ أنا مغاديش نمشي واخا معرفت شنو يطرا أيييييي😰
(غوتات نجلاء ملي ضربها سي محمد بتسرفيقة حتى طاحت الأرض)
جاد مشا بزربة عند نجلاء ونوضها أما سفيان لي تخشا فماماه أو بدا يبكي
نورة:بنتي💔
نجلاء بقات شدا حنكها أو هيا كتشهق بالبكا هزات راسها فباباها لقات كيشوف فيها بصرامة وغضب :نتي خاص لي عاود ليك ترابي
جاد:بابا صافي براكة راها كتبكي
نجلاء :هاد تصرفيقة متنساهاش أبابا متنساهاش /ومشات لبيتها كتجري
جاد:ختي نجلاء /بغا يمشي عندها أو حبس باباه:(بصرااااخ) حتى شي واحد مغادي يمشي عندها فهمت أو نهار سبت غادي نسافر سالينا
نورة :كيفاش منمشيوش عندها راه كتبكي أو غادي تمرض إلى بقات بوحدها😰
بابا :أنا دويت يالله سيرو لبيتكم تنعس /أو زاد البيت
جاد تم غادي البيت ديال نجلاء حتى جات ماماه وجراتو تجاه البيت ديال هوا و سفيان:ماما أنا منقدرش نعس أو ختي فالبيت كتبكي
ماما:حتى انا أولدي حتى انا ولكن راك عارف باك راه عصابي غير زيد غير يطلع صباح غادي نمشي عندها سير أولدي تكا
جاد:ماما راه نجلاء كتبكي دابا
نورة :متحرقنيش أولدي كتر ما أنا محروقة على ختك على وجهي أولدي أو شوف خوك
حول نظر ديال جيهت سفيان لقاه ناعس أو كيترعد :راه باقي لحد الأن كيترعد الله يرضي على ولدي لما سير تنعس
جاد :واخا الواليدة واخا
مشات لالة نورة لبيتها ودازت من حدا بيت نجلاء سمعات صوتها أو هيا كتبكي بصوتها الرقيق تحصرات على حالة بنتها ولكن متقدر دير والو حيت راجلها منعها أنها تمشي عندها كملات طريقها لبيتها ودخلات مشات نيشان الفراشها ونعسات مدواتش مع سي محمد لي كان حتى هوا متكي
💙يتبع💙
هنتوما النجيمات على ود واحد النجيمة قالت ليا نطول البارتي و أنا نحط البارتي اليومة على ودها
بقاو تخليو ليا الآراء ديالكم واش زوينة واش خايبة واش البارتي قصير ولا طويل......
راني كنفرح ملي كتخليو الآراء ديالكم🌟🌟
VOUS LISEZ
محنتي😞
Action❌ بالدارجة المغربية ❌ 🦋الكاتبة:SAFAE🦋 ❤️أنا نجلاء حياتي عادية كنسكن مع عائلتي متكونة من أب وأم و خويا جاد و خويا سفيان ماما أستاذة وبابا حتى هوا..... مكنتش عارفة أن حياتي العادية مع عائلتي غادي تقلب كاملة بسباب العقاب ديال بابا لي غادي يدمر ليا...
