وَيَاك..

الفصل السادس

بارت ٦
❥ وَيَاك ❥
✍🏻/جنى حسن
بارت طويل اهو وروني هتخلصوه ازاي بقا
***************************************

ابتسم سامر بخبث :
ما هو ده المطلوب
——————

في يوم جديد..
كان يجلس بإنتظارها لساعات طويلة امام غرفتها مترددًا ويفكر كثيرًا قلقًا و سعيدًا احاسيس كثيرة و مشاعر متشتتة .

مروان من امام الباب :
يلا يا ليلى هتقعدي اليوم كله جوا عايزين نلحق ننزل .

خرجت ليلى من الغرفة وهي ترتدى ملابسها التى جعلتها جميلة
هي بالفعل جميلة ولكنها تزداد جمالًا .

ليلى :
خلصت اهو يلا .

سليم :
انتوا رايحين فين ؟

مروان :
هنجيب كام حاجة نقصانا .

في السيارة يجلس كلًا منهم صامتين شاردين قليلًا وأخيرًا نطق مروان بشئ وقال ..

مروان :
عايزة تجيبي ايه بقا الاول .

ليلى بحزن :
اي حاجة مش فارقة .

مروان بإهتمام :
لا طبعًا فارقة هجيبلك اللي انتِ عيزاه .

ابتسمت ليلى :
نجيب الهدوم الاول .

مروان :
يبقى ابتدينا بالأصعب.
.....

استيقظت واستحمت وارتدت ملابسها ونزلت لتجلس مع عائلتها علي طعام الفطور وهي لا تعرف كيف ستتحدث معهم بعد ما حدث ليلة البارحة وكانت تدعو الله ان يمر الآمر بسلام ولا يحدث اي مشاكل .

اسيل :
صباح الخير .

مصطفى :
صباح الخير يحبيبتى .

كامل :
اسيل انا مش عايزة تضايقى من مسك هي مكنتش قصدها هي عيلة وغلطت وانا هعاقبها .

اسيل ب إحراج :
لا يجدى متعملهاش حاجة هي معاها حق .

كريمة :
طب لما انتِ عارفة انه من حقها ايه اللي مقعدك هنا .

جاسر :
قاعدة في بيت جِدها .

سامر :
متتدخلش في كلام بين جدك و عمتك .

جاسر :
ليه معنديش لسان ؟

كامل بهدوء :
انا عمري ما اتضايقت ان حد منكم يتكلم في موضوع انا معنديش مشكلة جاسر يتدخل هو كبير مش صغير عين العقل يا جاسر .

ابتسم جاسر بإنتصار ونظر ل اسيل مطمئنًا لها .

ذهبت كريمة لترى مسك ف هي لم تخرج من غرفتها .
ضحك جاسر وقال لاسيل بخفوت :
اهيه الحرباية مشت الواحد كدة يطمن .