#السجين
مبتعدين
بَس نتشابه هواي
وأحس شيصير بيك
يصير وياي !
ما نختلف مَنسجمين بالروح
مثل الماي من تديره عَلى الماي ....
...
مرت الايام لكن كلشي جان طبيعي وهدوء وعلاقتي بقمر جانت كلش حلوه وهادءه وعوائلنه تقربت اكثر وصارو يجون علينه ونروحلهم وعرفو بعلاقتنه سوه وكلهه وافقت مالكينه اي صعوبه بموضوع علاقتنه عند اهالينه والحمد الله ......
سمعت اهلي يحجون عله عرس سماح وعلي ومابقه شي عله عرسهم وعلاوي بده يجهز لعرسه ...
والبيت كله فرحان وشفت فرحته هوه وفرحت سماح
فكرت بيني وبين نفسي ليش ما نزوج اني وقمر وياهم بعدين كلت هيه تدرس وخطيه ويمكن ماتقبل ...
بس الفكره جانت كلش بالي وجنت اتمنه تحضيرات الي داتصير اليه اني وقمر وننجمع بيت واحد وبلا حواجز...
اتصلت بقمر وحجينه لوقت كلش طويل بليل ف سويته شقه وفتحت الموضوع وشفت هيه موافقه ومثل تفكيري وحجتلي عن الي بالهه ،،
بوقته كلولي بس روح واخذه هم اخذه بساعته ...
لصبح كعدت بوقت متأخر وجان يوم جمعه ولكيت العائله كله مجتمعه سوه وسولف فكعدت يمهم وبديت شويه شويه افتح الموضوع لان اني من نوع الخجول كلش بهيج مواضيع وبأفتتاحه بس صارت وطلعته الحمدالله😂
كتلهم اريد اخطب قمر ونزوج سوه وي علي وسماح كله ما وافقت وكالو شنو هسرعه ميصير بس كتلهم ماعدنه شي احنه بس هيه جهز جهاز عرسه.
ام عصام : لا يمه ميصير البنيه تريد غرفه وتعديل شنو جايبه فصليه
زين : مايحتاج يمه قابل. غريبه هيه
عصام : واذا مو غريبه
ام عصام : يمه حتلو بنيت عمك ومو غريبه لازم نسوي الازم نسوي تبقه عروسه
زين : يمه مايحتاج والله
ابو عصام : وليدي انته ليش مستعجل؟
زين : اني اريد ازوج وي علاوي اريد سوه يصير عرس واحد
عصام : ايي ليش غير تفهمنه
زين : يابه والله ماكو شي بس خو مانبقه بس علاقة حب
عصام : زين معقوله هذه سبب
زين : يابه بلقران هذه سبب اني احبه واريد ازوجه وكلت ازوج وي علاوي احسن عرس واحد
ام عصام : وقمر شدكول
زين : ماكتله بعدني
ام عصام : يعني منك هاي سالفه
زين : ايي
ابو عصام : كلله وخلي نشوف شدكول ويصير الي تريدو
زين : يابه الله بلخير
ابو عصام : الله بلخير والعافيه
عصام : الله بلخير والعافيه
YOU ARE READING
السجين
Romanceذنبي عشقت تلك العيون ... وسجنت من اجلهاا.. للكاتبه: نور آل محمد a_.2jj انستگرام
