Billionaire's Modern Nerd Business Partner

Chapter Three

RIZ POV

Dilat na dilat ang mga mata ko habang hinahalikan ako ni Mr. William sa aking labi. Dahil sa gulat ay hindi kaagad ako nakahuma. Nang rumihestro sa utak ko ang ginawa niya ay mabilis ko siyang itinulak. Nanlilisik ang mga mata ko itong tiningnan.

“Bastos!” Sigaw ko rito sabay malakas na sinuntok ang mukha ng binata. Dahil hindi nito inaasahan ang ginawa ko ay hindi ito nakailag.

“Damn shit!” Malakas nitong mura. Masama ko itong tiningnan.

“Kung akala mo madadaan mo ako sa halik-halik mo, pwes ibahin mo ako sa mga babaeng nakilala mo kung saan-saan. You should respect me, Mr. William.” Madiin kong pahayag sa binata.

Nakita ko ang dugo sa ilong nito. Agad namang pinunasan ng binata ang kanyang dumugong ilong.

Medyo nakonsensya ako sa ginawa ko sa kanya, pero dahil naiinis ako sa ginawa niyang panghahalik, biglang nawala ang konsensya ko. Pervert!

“Damn! Ang lakas ng suntok mo!” Malutong ulit nitong mura.

“Buti nga sa ’yo. Ang kapal mong halikan ako. Pervert!” Pasigaw kong ani rito.

Pabagsak akong umupo sa swivel chair ko. I crossed my arms and I looked at him.

“What are you doing here? Para lang halikan ako?” mataray kong tanong dito.

Nang matapos nitong punasan ang dumogong ilong ay natatawa niya akong tiningnan. As if naman may nakakatawa!

“You’re unbelievable. Kakaiba kang babae sa lahat ng nakilala ko. Anyway, I won't say sorry for kissing you. I liked it,” bulgaran nitong pahayag. Nanlaki ulit ang mga mata ko at gusto ko na lang itong pagsusuntukin.

“Ang kapal naman ng mukha mo. Nanghahalik ka lang ng walang pasabi!” Nakaingos kong wika. Pero saglit akong natigilan sa sinabi ko.

‘So, kung nagpaalam muna siya kung magpapahalik ka, papayag ka? Ganern, Riz?’ tanong ng utak ko. Natahimik tuloy ako.

“Next time, magpapaalam muna ako bago ka halikan,” sabi nito at pilyo akong nginitian. Shit na pansit na mainit naman eh! Bakit ang gwapo niyang ngumiti? Nakakalaglag panty?

‘Riza Monreal! Wake up! May anak ka na kaya umayos ka!’ Muling kastigo ng kanyang utak.

“There will be no next time, Mr. William.” Idiniin ko talaga ang bawat salita ko.

“Huwag mong pangunahan ang panahon, Riz. Ang daming babaeng baliw na baliw sa akin, they are dying to kiss me. Kaya pasalamat ka na lang na nahalikan mo ang katulad ko,” mayabang nitong wika habang nakangisi sa akin.

Tumaas ang kilay ko sa sinabi nito. Ang hangin din eh.

“At ako pa talaga ang magpasalamat? Excuse me? Ikaw ang humalik sa akin!” Inis kong wika rito.

“At least gwapo, hindi ka na lugi.”

“Mukhang may bagyo yatang paparating eh no? Bagyong Hugo, apakahangin grabe! Maging ang mga sementadong bahay, nililipad na rin!” Sarkastiko kong wika.

Malakas namang tumawa ang binata na mas ikinainis ko.

“Mahangin na kung mahangin, I really don't care. Lahat naman kasi ng sinabi ko ay totoo. They are chasing me, and of course sino ba naman ako para tumanggi sa grasya, hindi ba?” tumaas-baba ang kilay nito. Inirapan ko lang ito.

“O, siya, ano bang ipinunta mo rito? Kay aga-aga sinisira mo na ang araw ko!” Singhal ko rito.

“Hindi ba at nasabi na sa iyo ni Thunder na magpapakita na ang gwapong business partner mo sa ’yo?” wika nito sabay kindat sa akin. Duh! Inikotan ko lang ito ng paningin.