إمــام

Part 5

راح هو لدار خالتو شفاتو آية من بعيد
عمران: سلام خالتي هذا بعتتهولك يما من حوايج عرس نسيتوهم
خالتو: ربي يحفظك بني
خزر هو هك باش يشوف اية من بعد استغفر في قلبو
خالتو: ادخل تتعشى عندنا
عمران: معليش خالتي مرة وحدوخرا
خالتو: والله غير تدخل ولا مرتك نساتك في ماكلة خالتك
ضحك هو كي تفكر ملح تاع صباح
عمران: لانك حلفتي برك
خالتو:اقعد في صالون دروك
نجي
دخل هو وقعد
خالتو: روحي اية حطي لابن خالتك لماء
اية رفدت ماء وراحتلو حطاتو في طابلة....مخزرش شكون
اية: مبروك عليك زواج ربي يرزقك ذرية صالحة.....
رفع راسو ديراكت خزر في عينيها ومبعد هبط راسو
عمران: يبارك فيك
مبغاش يقلها لعقوبة ليك لانه كان باغيها ليه....فهماتو وراحت ....قعد يتعشى معاهم ويقصر مع خالتو
خزر هو ساعة لقاها ثمنية جاء لسع رح ينوض جاء بن خالتو زاد قعد معاه يقصرو

_انا رحت ليماه وسقسيتها واش ماكلة لي يحبها عمران قالتلي عليها بديت نطيب ونشوف في يوتيوب ونقيس بحذر ويماه تنصح فيا مهم بغيت نطيبله وتبقى في ذاكرته نعرف نطيب ونفاجؤه ...مهم طيبتها وبقيت نسنى
دقت 20 عيطتله تليفونه مسكر
انا: وين راح هذا
يماه: متخافيش غادي يجي مالف يطول في جامع وهو يقرا قرأن
انا: ان شاء الله
يماه: كولي
انا: عادي نسناه مكانش مشكل
بقيت نسنى فيه زادت دقت 21 ماكان حتى خبر عليه ..عيطتلو تاني مغلوق
انا: اوووووف وينه هذا قلقت
مع 23 دخل لدار
انا: واخير خفت عليك
عمران: طولت كنت نقصر
انا: باينة جيعان
عمران: لا حمدلله كليت عند خالتي
انا: اهااااه خالتك
عمران: واه ...كليتي نتي؟
انا: واه كليت
ورحت لشمبرا قلقت حسيت دم طلعلي .....راح هو ليماه يطمن عليها لقاها تصلي نوافل
عمران: ربي يقبل
يماه: منا ومنك صالح الاعمال
تاني قعد يقصر معاها حتى 12
يماه: تعشيت بني
عمران: كليت عند خالتي
يماه: اوووه كون قلت لمسكينة مرتك ماطيبش من صباح من وراء ديك ماكلة طيبلك فيها وتتحفلك فيها
عمران: ماقلتليش
يماه: قالت بغيت نبهرو مكلاتش قعدت تسنى فيك
عمران: لا حول ولا قوة الا بالله
يماه: مالك بني
عمران: والو يما انا رايح ارقدي ...وسلم على راسها
وجاني لقاني راقدة...شافني لقى كحل طاحلي عرف كنت نبكي خزر فيا مبعد قعد شوي ونوضني.....
بقى ينوض فيا فتحت عينيا بخلعة ومانيش نشوف فيه مليح من بكاء
انا: شكون نتا
عمران: هذا انا
انا: واش تسحق
عمران: جيعان اسيل
خزرت فيه وبعد خزرت لساعة
انا: اي الوحدة تاع ليل واش من ماكلة دروك
عمران: جيعان ياك نتي مرتي لازم طيبيلي
انا: مرتك غير في طياب انا
نضت مقلقة سخنتلو ماكلة تاع قبيل وجبتهالو ورجعت لبلاصتي تستطحت
عمران: مش حتاكلي معايا
انا: لا شبعانة من لي شفتو ليوم
عمران: منعرفش ناكل وحدي
انا: بيبي ول ياك تعرف ترفد مغرف ودخلها في فمك خليني دروك
عمران: مانستمتعش بماكلة
انا: واش نديرلك.
عمران: كولي معايا
انا: لا
عمران: علاه.
انا: شرايك كان تجيب بنت خالتك وتقعدها لهن وتوكلها بلاك هك تستمتع
عمران: لا حول ولا قوة الا بالله من غيرتك هذي
انا: هههه نغار من مين منك نتا وياها
عمران: تغاري واه
قلت في قلبي علاه نغار نتا سلعة عيانة وهي كلبة جيعانة
انا: حنرقد
عمران: من صباح نسايس فيك
جاء ليا رفدني
انا: هبطني عمرااان مااالك هبطني حطني عند طابلة وقالي اقعد تاكلي
انا: مانيش ماكلة
وجيت راجعة حكمني من يدي وضغط عليا خزرتلو لقيت عينيه حمارو
عمران:يا تاكلي يا تعود عندنا هدرة اخرى
انا خلعت صراحة معرفت ماندير بديت نبكي.....وعلبالي ضعف نتاعو هو قدام دموعي....طلق يدي بشوي
عمران: علاه بكاية هك واش قلت انا
انا: مش حابة ناكل مش حابة
ورحت لفراشي خزر فيا دا نفس كبير وجاء ليا
عمران: اسيل
انا: اوووف واش
عمران: منقدرش نرقد اذا مكليتيش
انا: اها مأنبك ضميرك باسكو نتا كنت تسمتع مع بنت خالك ومرتك كانت طيبلك مسكينة هنا وتسنى فيك
عمران: اسمحيلي
وقفت بركابيا على سرير
انا: علاواش نسمحلك لانك مخليني كصنم هنا ولا لأنك تزوجتني
حكمني من خصري وقربني ليه وحط فمو على فمي...انا معرفتش نتصرف مكنتش متوقعة حتى شفايفي جمدو حسيت روحي دخت بين ذراعيه
مبعد فشلت حكمني باش منطيحش
عمران: عندك طيحي
انا: نورمال كمل كمل
عمران: هههه واش نكمل
انا: لي كنت دير فيه
قرب لوذني وقالي نتمنى هذي تصبرك وتخليك تسامحيني وتخليك تتعشاي
انا: لالا منتعشاش
عمران: أتعشاي
جابلي لعشاء كولي ..كليتها في ظرف دقيقتين......
قعدت نشوف لعمران
عمران: واش
انا: علاه ديرلي هاك
عمران: شي نهار شي نهار نعطيك حقك
انا: أممممم
عمران: رح نرقد
انا: نوض مترقدش
عمران: ارقدي
قلقني تسطحت بحداه وقعد نخزر فيه
انا: مش رح ترحمني
عمران: استغفر الله
انا: يحاسبك ربي رح نموت
عمران: اخااا ههههه
انا: هيا
عمران: تعبتيني
انا: سؤال برك
عمران: واش
انا: متاثرتش مصرالك والو والله رح تشككني في انوثتي قلقتني
عمران: ههههه اذا كنت من بوسة نتاثر فهاذي مشكلة
انا: يعني عندي مشكلة
عمران: عندك مشاكل نتي من خزرة تذوبي
انا: مادامك عارفني علاه بوستني
عمران: كانت كاعتذار فقط لا غير
انا: اعتذاااارر!!!
عمران: رح نرقد
انا: اووووف عاوني
عمران: في واش
انا: اني نولي بالحمل
عمران: ههههههه ارقدي
قربت ليه بعد تسطحت على حضنو
عمران: اسيييييل
انا: خليني هك نريح بليز
سكت وباعد حط يدو على شعري فرحت حسيت علاقتنا تطور بلاك يجي نهار ويولي ليا ويحبني ويبغيني بقيت ليل كل نلعب بشعر لحيتو حتى غفيت في حضنو.....
قعد ليل كل يسمحلي في شعري باش نرقد كي رقدت جبد يدي من لحيتو وجبد روحو بلعقل باش مانوضش ناض توضى و راح للجامع وطريق كاملة يخمم ويهدر مع روحو : تزوجت وحدة وغاضتني لانها تحبني في الله وتخشى عليا وانا..... اووه كيفاه ندير كيفاه نكمل حياتي...  راني غالط و قاعد غير نظلم في اسيل معايا مي انا بغيت اسيل تنسيني في آية بغييت بزاف بغيت تصبر عليا حتى نحبها بصح هذا ظلم ليها لويكت رح تصبر بلاك اصلا منقدرش نحبها
حتى وصل للجامع صلى وقرأ لقرآن وكمل وخرج راجع ويخمم وحاب يطلقني ......اسبوع هذا تزوجتها نطلقها واش هذا جرح ربي يغفرلي يارب
دخل لدار طلع  لشمبرا لقاني قاعدة تتفرج في تليفوني
أنا: رحت لجامع؟
مقدرش يطلع عينيه فيا
عمران : واه
نضت قربت ليه
أنا: شوف في عينيا
عمران: انا...انا....اا...انا صائم
أنا : علاه مهوش رمضان
عمران : هههههه تضحكيني ساعات بكلماتك....أنا نصوم الخميس والاثنين
أنا : ربي مش رح يقبلك صيامك
عمران : علاه
أنا : باسكو مرتك مش راضية عليك
عمران : ههههه اممم
أنا :عمران متقدرش تأجلها تلاثاء يعني
عمران : استغفر الله
بديت نعيط كعادتي
أنا : نراهنك كون جيت متزوج هذيك شرشوحة تاع بنت خالتك متصومش حتى رمضان
خزرلي بقلقة وقلي : انا باغي ننساها ونتي كل مرة تلوحي ملح على جرح مكفاش وكلتيني ملح.......اسمعي يا بنت ناس بما أنك مش قادرة تتحملي تصرفاتي رح نرجعلك الأهلك معززة مكرمة....قبل مايكمل لقيت روحي نبكي تقول موجدة دموعي ....ضعف قدامي  لاني منستاهلش ....كان رح يحكملي يدي باش يواسيني بعدت عليه
أنا : رح طلقني
قرب مني باش يحكمني تاني بعدت عليه
أنا : جاوبني بلا شفقة
عمران : منقدرش ننساها بهدي سهولة رح تتعذبي معايا
أنا : نتعذب معاك ولا نتعذب بلاك نتا هك راك تقتل فيا
عمران : انا نحبها
أنا : وانا نحبك نحبك بزاف
عمران : ارحميني يابنت ناس منقدرش نتحمل هذا شي......