نيران الحرب

part "36"

نيران الحرب

#بقلمي_زهراء الجبوري

عُمري انتو تقدير لـ تعبي مو تنسون
تصويت وتعليقات بين الفقرات +متابعه حسابي   Zaz_Jubouri

_______________________________

ميس:

انقهرت عليها، وهنا تأكدت علي  مو بس زوجته خسرها حتى بنته..

اتصل عليه عمر حتى اطلع بس چلبت بيه رُوح وتتوسل بيه تروح وياي حتى اتشوف امها ماكدرت اكسر خاطرها، اخذتها هيه والجهال عفناهم يم رقيه واخذت بس رُوح

-ادم من شافها راح تروح ويانه ونعوفه هم بچه وياها بتواسيل قنعه عمر يضل، رحنه للمستشفى دخلت عليها چانت صافنه ودموعها بعينها، عافت ايدي رُوح وراحتلها حظنتها وتبچي وهيه هم وياها

انتبهتلها متغيره هواي وجهه اصفر  وضعفانه لان چانت بغيبوبه وماتاكل شي ضاله على  مغذيات،

رُوح رفعت ايدها الصغار ومسحت دموع امها وباست عيونها دموعي نزلت لاارادياً ؏ حركاتها

رُوح: بعد مااحب بابا هوه ضربج

-صفنت عليها مارلين وبلعت ريكها احتارت شجاوبها

مارلين: لا مو ابوج الضربني اني وكعت

رُوح: اني سمعته يصيح عليچ وانتِ چنتي تبچي اهيئ اهيئ

ميس: كامت تقلدها شلون تبچي وتبچي وي حركتها حرنا شلون نسكتها طلعتها لـ عمر واكف يم الباب اخذها مني وهيه فحطانه من البچي

-اخذها اشتريلها،

عمر: ليش بچت

ميس: اذكرت ابوها.

اتنهد وباسها مبتسم وهيه تمسح بدموعها

عمر: هذا ثاني ماعرف شبي حتى بالبيت ماموجود من وقت ماتعاركت وياه..

ميس: وين يروح خاف التحق

عمر: سألت عليه ماكو ورحت بنفسي هم دورت مالكيته خبلني والله

ميس: وين يروح خل يروح بس خل يعوف اختي دمرها شسوه بيها انطينياها مثل الورده بس رجعها ذبلانه..

- ضل ساكت اعرفه مقهور ؏ علي لان صديق طفولته وحاير بموقفه اخذ رُوح وطلع رجعت مارلين هم تبچي

-موو زين ماارليين على عيونج كافي دموع

مارلين: مكسور گلبي، ضيعني وضيع جهالنا وياه

ميس: فهميني ليش هيج تصرف وشنو صار وياكم

مارلين: مااعرررف والله ماعررف راح اتخببببل كللله من وره اممممه