حنجره الزمن
طشيت السوالف طشت الجكليت
وغربلت الحجي... والخلگ صفيته
موكل باب...... .گالوا ينفتح للناس
ومن ذاك الوكت... .كل باب سديته
صارت بلعكس ..وانقرت بلمگلوب
موزين اليماشي... الوادم بنيته
الناس اتغيرت والملح ماصخ صار
من صارت مصالح كلمن وصيته
عرفت المنه لله وجاي من الباب
وفرزنت اليبوگ الناس بلحيته
صاحب صاحبك وافتحله گلبك حيل
وعامل كل شخص بحساب تربيته
تره الدنيا مواقف والگلوب اصناف
والماوفه وياك الخلل من بيتهگ : رواء الـ عبدالرحمٰن
~~~~~~~
نيراس -: احنا بنص ضياعنا جنا نحتاج الي يلمنى والي يعوضنا عن الاذيه عن فقدان الاب جنا نحتاج شخص يجبر خاطرنا
بس هل شي ما شفنى ابد ماما قرت نروح ال بيت خوالي
لكن عمامي رفضو بس ماما اصرت صارت عركه آخر شي طلعنا من بيت عمامي
رحنا البيت خوالي كانت حياتنا شبه الهدوء ماما صارت تشتغل سكرتيره يم احد دكاتره لان عمامي قطعو المصروف
أموال بابا كلها اخذوها
صارت العيشه صعبه جدا خص احنا بنات ثنين ولد خوالي ما ينطونا مصروف عايشين على راتب ماما
مرت الايام والعيشه اصعب صارت
منا أنا تمرضت حارت ماما بيه
بعد اكثر من دكتور عرفو بيه مرض مزمن بالدم
هنا صار ضغط على ماما اكثر لان علاجي نوعا ما غالي خص الابر
صارت تتعب اكثر حتا توفر النا المعيشه و علاجي
كبرنا والهم كبر ويانا و نحرمنا من ابسط حقوقنا
عكب ما جنا مدللات هسه كلشي حسره علينا نباوع على اولاد خوالي
كلشي الهم احنا نتحسر
اكثر شي اتاذه منو من يجي واحد من خالي يحظن أطفاله
اتاذه اتمنى بابا عايش جان مصار كل هاذا
شح مني الدمع كد ما بجيت أعليك و أعاتب بالكمر هلبت يواسيني
شنو الي يصبرني غير ذكرياتي باقيا على امل ترجع
روح اكعد وحدي ابجي
نيراس -: ليش بابا رحت عفتنا ليش خليتنا نبجي عليك رحت خليتنا نتبهدل
جنت دائماً عاتبه
وتاذه لحد ما نام اجتي المدرسه
صرنا ندرس بدون واهس لكن من نشوف وضعنا نشد حيلنا
حتا نوصل مرحله طلعنا من الي احنا بيفه يوم من الايام كاعدين اني ماما و ايناس و عباس اخوي صغير
ندك الباب رحت ماما نسمع سلام
YOU ARE READING
حـنجـرة الـزمـن
Short Storyالحياه نعيشها مرة وحده وبلمحه بصر شكد طويله بس ماكو اقصر منها هناك امرأة غرقت بها المراكب وخذلتها وحين لم يبقى لها من الاشرعه غير جناحنها تعلمت كيف تتحول من امرأة إلى نورس نسرح في حكايتها مع الكاتبه رواء الـ عبدالرحمٰن