روضة مسكت ايده : حبيبي حط ف بالك دايماً ... كل الي يصير مقدر ومكتوب ... كل الي يصير ب ايد الله ... مب ب ايدنا ... والله اكيد يبا الخير لعباده ... والله إذا حب عبداً ابتلاه ... ه الابتلاء عسب الله يختبر صبرك ... تقرب من الله ... البنت راحت وما تقدر تسوي شي ... خلاص ه الموضوع طلع من ايدك ... ربي ان شاء الله بيعوضك خير ... بس انت اهدا وارتاح ولا تتعب عمرك جيه
هادف بدأ يهدأ شوي شوي لان صدق روضة اسلوبها ف الكلام وايد غير يخليك صدق تهدا
روضة : تعشيت قلبي ؟
هادف حرك راسه ب معنى لا
روضة : قوم بسويلك شي تاكله ... ولا نسير نتعشى ع الكورنيش شرايك ؟
هادف : مالي خلق روضة
روضة : ماتوقع مالي خلق بين الخيارات
هادف عرف ان روضة ما بتخليه لين ياكل : خلاص نسير الكورنيش ... منو يايبنج؟
روضة : ذياب
هادف : وينه ؟
روضة : ف السياره
هادف : وابوي مخلينه ف السياره
روضة : هيه ... يله عيل قوم نسير وياه عيب خلينا الريال روحه
هادف : توج عرفتي ان عيب يالطفسه
ساروا صوب السياره وركب هادف جدام وهو عينه محمره بس يحاول يبين انه طبيعي
ذياب مد ايده : حيه
هادف : حيتين
ذياب حرك السياره : وين تبون ؟ طبعاً مشغليني دريول كالعاده
هادف ضحك : هاي بنت عمك ما يخصني
ذياب : ادريبها رواض ... وما بتعتقني لين ما تطلع الليسن
روضة دقته ع راسه بالفون : غاثتنك لا سمح الله
ذياب : لا لا افا عليج بنت العم
رن فون روضة وكان المتصل محمد
(محمد : وينج؟ طالعه مع ذياب ف ه الوقت ... عقلج ف راسج انتي
روضة : عند خالي هادف
محمد : وذياب شو مودنه معاج
روضة : موصلني
محمد : ليش ما عندج اخوان
روضة : مشغولين
محمد : وانا ؟
روضة : وانت ادرى انت شو
محمد سكت
روضة : عن اذنك بسكر
بندت عنه بدون لا تسمع رد)
ساروا يلسوا ف مطعم صوب الكورنيش
تعشوا وخلصوا وعقب هادف وذياب يلسوا يتضاربون ع الفاتوره ومنو بيدفع
روضة : شفيكم :) ؟
YOU ARE READING
يبتسم الحبر على صفحة غلاك !
Romanceرواية اماراتيه تدور احداثها حول روضة وكيف حياتها الشخصية مع عايلتها وربيعاتها، وكيف انها قدرت تتخطى مصاعب الحياه !!
