Sariwa pa sa isipan ang mga bagay na nakalimutan
Isang bula na naglalaho sa kawalan
Saan nga ba ako patungo? Sino nga ba ako?
May puwang ba ang paglalakbay sa buhay na ito?
Lagi na lang may digmaan sa pagitan
Ng sarili at mga hindi nalalamang kalaban
Walang kasiguraduhan maski ang pagkapanalo
Pano pa't katuturan ay maglaho?
May deriksyon pa ba ang kompas na dala-dala
O naglalakbay na lang ang mga paang nawawala?
Malapit na ang paghimlay ng liwayway
Makakaya pa bang punan ang himaymay ng buhay?
Siguro'y sa alon ng hangin na lamang magpapaanod
Hayaang tangayin ang lahat ng pasakit at pagod
Upang sa kahuliha'y walang pagsisisi
At sa mga nakalimutang dalumat ay hindi mawawaksi.
YOU ARE READING
Tinta
RandomThis book is purely all about poems that was written by yours truly. There are also some poems that was written by me and someone I collaborate with. Everything in this content are truly not plagiarize. If there's any lines or idea that is similar o...