Unicode
ခပ်ကျဉ်းကျဉ်းဧည့်ခန်းငယ်လေးအတွင်း ဖန်ကွဲစတွေသည် ဟိုတစ်ဒီတစ်စဖြင့် ရေများသည်လည်း အညိုရောင်ကြမ်းပြင်ခင်းထက်ရွှဲရွှဲစိုနေသည်။
"Tae.. Taehyung မင်းတော့.. မင်းတော့ ငါ့ကိုကူညီမှဖြစ်မယ်.. ငါ့ကိုဒီတစ်ခါလောက်ပဲ ကျေးဇူးပြုပြီး ကူညီပေးပါ Taehyung ရယ် ငါတစ်ခါပဲတောင်းဆိုပါတယ်"
စိတ်လွတ်စွာနှင့်ဖျက်စီးပစ်ခဲ့သည့် ပစ္စည်းအစအနတွေအား Taehyung ကကောက်သိမ်းနေရင်းနဲ့မှ အစ်ကိုဖြစ်သူအားစိတ်ပျက်စွာဖြင့်မော့ကြည့်လာသည်။
ထို့နောက်လက်ဟန်များဖြင့် သူပြောချင်သောစကားများကို တိတ်ဆိတ်စွာပြောလိုက်သည်။
*တော်လောက်ပြီ အစ်ကို.. မင်းဘယ်အချိန်ထိဒီလိုတွေလုပ်ပြီး ပြဿနာရှာနေဦးမှာလဲ ငါတို့၊မေမေတို့ကို မင်းနည်းနည်းလေးတောင်မသနားတော့ဘူးလား*
Taehyung ပြောချင်တဲ့စကားတွေကို Taehyung ရဲ့အစ်ကိုဖြစ်သူက နားလည်သော်လည်း ခေါင်းပင်အတင်းခါယမ်းမိသည်။
"Taehyung အစ်ကိုကဒီလိုမျိုးတောင်းဆိုပါတယ်နော် အစ်ကိုအားလုံးကို သူတို့ကိုပြောထားပြီးပြီ Taehyung ကအစ်ကို့အစားသွားတွေ့ပေးရုံပါပဲ.. တွေ့ပြီးရင် ပြီးပြီ တကယ်ပြီးပြီ အစ်ကို့ကိုယုံပါနော် အစ်ကို့ကိုတစ်ခါလောက်ကူညီပေးပါ တကယ်တောင်းဆိုပါတယ်"
အစ်ကို ဘေးနားကဆိုဂျူပုလင်းကိုလည်း ကယောင်ကတမ်းကောက်မော့ရင်း သူ့ကိုကူညီပေးဖို့ကိုသာ တရစပ်တောင်းဆိုနေတော့သည်။
အစ်ကိုအရင်းတစ်ယောက်ဖြစ်တာမို့ Taehyung မျက်နှာလွှဲမပစ်နိုင်ပေမယ့် အစ်ကိုကအသိတရားရှိလာမှဖြစ်မည်။
အစ်ကိုသိပ်ဆိုးလွန်းနေတာတွေက များလွန်းနေပြီ။
Taehyung ထပ်မံလက်ဟန်ပြုလိုက်ပြီး
*မကြာခင် မေမေဆိုင်သိမ်းပြန်လာတော့မှာ.. ကျွန်တော်လည်း အချိန်ပိုင်းအလုပ်ကိုသွားရဦးမယ် အစ်ကို*
"Taehyungah.. အစ်ကိုက အခုကိစ္စပြီးရင် နောက်တစ်ခါထပ်မရှိစေရတော့ပါဘူးလို့ကတိပေးပါတယ် Taehyungah.. အစ်ကိုတကယ် အင့် အစ်ကိုတကယ်ကိုဆင်ခြင်ပါ့မယ် Taehyung ရယ်"
