Unicode
*ခွပ်*
ဆောင့်တွန်းခံရခြင်းနှင့်အတူ ခွပ်ခနဲအထိုးခံလိုက်ရခြင်းကြောင့် မျက်နှာတစ်ဖက်လည်ထွက်သွားသည့် Kim Taesung..။
သူ့အရှေ့တွင် သူ့ညီ Taehyung က မီးဝင်းဝင်းတောက်နေသည့်မျက်လုံးများဖြင့်ရပ်ကြည့်နေသည်။
အထိုးခံလိုက်ရတဲ့ ညာဘက်ပါးတစ်ဖက်ကိုခပ်ဖွဖွအုပ်ကိုင်၍မတ်တပ်ရပ်လိုက်ပြီး ညီဖြစ်သူပြောလာမည့်စကားတွေကိုသာအာရုံစိုက်လိုက်သည်။
*မင်းကိုကူညီပေးဆိုတာ ငါ့ကိုလူတစ်ယောက်ရဲ့လက်ထဲ ရောင်းစားပစ်တာကိုလား အစ်ကို.. ပြီးတော့ သူ့ဆီမှာမှ.. မင်းတကယ်ငါ့ကို သူစိမ်းယောကျာ်းတစ်ယောက်ရဲ့လက်ထဲထည့်ပေးနိုင်တဲ့အထိ မသနားတော့ဘူးလား အစ်ကိုရယ်*
Taehyung တအင့်အင့်ရှိုက်ငိုနေပြီး သူ့အမူအယာများကလည်း ခပ်ကြမ်းကြမ်းဖြစ်နေသည်။ Taesung လည်းမျက်ရည်ကျနေရပေမယ့် သူတကယ့်ကိုမတတ်နိုင်တဲ့ကိစ္စမို့ မျက်နှာပြောင်တိုက်ပြီး တောင်းပန်စကားပြောဖို့မှအပ တခြားသောလမ်းမရှိပါ။
"အစ်ကို တောင်းပန်ပါတယ် Taehyung.. အစ်ကိုတကယ့်ကိုမတတ်နိုင်ခဲ့ပါဘူး.. သူနဲ့ပက်သက်မိသွားတာက အစ်ကို့ရဲ့အမှားပါ.. တောင်းပန်ပါတယ် Taehyung"
Taehyung ကခေါင်းအတင်းခါယမ်း၍ အစ်ကိုဖြစ်သူ Taesung ကိုစူးစူးရဲရဲစိုက်ကြည့်လိုက်သည်။
*အစ်ကိုကလုပ်ချင်ရာလုပ်ပြီးမှ အမြဲတောင်းပန်တယ် အစ်ကိုသိထားဖို့က တောင်းပန်တိုင်းလည်း ဘယ်အရာမှအရင်အတိုင်းပြန်ဖြစ်မလာနိုင်ဘူး..
ဥပမာ ကျွန်တော့်အသံလိုပေါ့*
"Taehyung!"
အစ်ကို့ရဲ့စူးခနဲရောက်လာတဲ့အကြည့်တစ်ချက်ကို Taehyung နာနာကြဉ်းကြဉ်းပြန်ကြည့်ပစ်လိုက်သည်။
Taesung ကလည်း အသက်ရှုသံများနိမ့်ချည်၊မြင့်ချည်ဖြစ်နေသလို Taehyung ကလည်း လက်သီးခပ်တင်းတင်းဆုပ်၍ အစ်ကိုဖြစ်သူကို အတိတ်တွေထဲပြန်ဆွဲသွင်းနေသည်။
"ဟဲ့ သားငယ်နဲ့သားကြီး ဘာတွေဖြစ်နေကြတာလဲ"
မေမေ့အသံကြားသည်နှင့် Taehyung မျက်ရည်တွေကိုခပ်မြန်မြန်ဆွဲသုတ်လိုက်သည်။
