قبل القراءة رجاءًا أدعي لإخوانِك في فلسطين ولو هذا الدُعاء البسيط أحذر أن تنساهم أو تغفل عن مُساندتهم ولو بالدعاء
اللهم حرر فلسطين مِن دنس الصهاينة المُعتدين، اللهم انصر أهل فلسطين ورد لهم اوطانهم وارزقهم القوة والصبر واربط على قلوبهم وأنزل عليهم من رحماتك، اللهم داوِ جرحاهم، واشفي مرضاهم، وتقبّل موتاهم، اللهم رد إليهم شبابهم الأسرى يارب العالمين، اللهم ارزقهم الثبات والنصر والتمكين، وبارك في إيمانهم وصبِّرهم يارحمٰن يارحيم 🤲🏻🇵🇸
نظرًا للصياح اللي حصل على البارت اللي فات حسيت إن ذنبكم فرقبتي فكتبت البارت بسرعة أهو أظن تقريبًا آخر بارت كان من خمس أو أربع أيام 👀
يارب يعجبكم وطويل أهو كمان زغرطوا بقا، بس ده عشان اصالحكم بعد اللي عملته البارت اللي فات متهونوش عليا برضو حبيباتي 🥺🫂💜
يلا سموا الله وأدخلوا برجليكم اليمين في الغاز كتشير هتتكشف وهتلاقوا إن حلها كان تااافه 🤩
الناس اللي بتكسل تحط ڤوت صغنتوت شيفاكم 🤌🏻
يلا اذكروا الله {وَاذْكُر رَّبَّكَ إِذَا نَسِيت}
صلوا على الحبيب المصطفى ﷺ بنية النصرة لأهل فلسطين 🇵🇸
هسيبكم مع البارت قراءة مُمتعة 💜🫂
__________________________
صفعة قوية أرتطمت بوجهه جعلته يسقط أرضًا على اثرها يليها صراخ هادر :
_فوق يامالك
وضعَ يده على وجنته الحمراء الدافئة أثر الصفعة ثُم رفعَ نظره حيث يقف خاله الذي صاحَ مُجددًا :
_أيه ده ما تجمد!!! مجرد ماقالوا إن فارس قلبه وقف تتلصم شبه التمثال كده؟؟؟ الحمدلله عملوله صدمتين وقلبه أشتغل تاني، بس أفرض كان مات؟؟ كنت هتفضل كده؟؟ بدل ما تستقبل الضغط بقلب جامد عشان خواتك رايح تتصنم شبه التماثيل وتدخل فصدمة سكوت؟؟
هبطت دموع "مالك" وهو يبتسم بجنون وينهض مُمسكًا بيد خاله نابسًا وهو يضربها على وجهه :
_أضربني تاني، أضرب تاني بالله عليك خليني أتأكد يعني أنا كنت بتوهم؟؟ يعني دي كانت مجرد حالة وهم اللي بدخل فيها كل فترة؟!!! يعني هو عايش
نظرَ لهُ "إياد" بأسى وحزن ثُم ضمهُ بقوة وأخذَ يمسح على ظهره نابسًا بحنان :
_عايش ياحبيبي الممرضة قالت إن قلبه وقف وكلنا إنهارنا بس أنتَ فضلت واقف مبتتحركش، بس الممرضة طلعت وقالتلنا إن قلبه رجع ينبض تاني بعد الصدمة التانية الحمدلله وفضلت أنادي عليه وأقولك فوق يامالك وأنتَ متصنم كده، خوفت يحصلك زي ما حصل لمرات عمك زياد زمان وعشان كده ضربتك بالقلم عشان تفوق
بكى "مالك" وأرتفعت شهقاته أكثر وهو يشدد على احتضانه بقوة :
_مش عارف بس...بس أول ما سمعت كلام الممرضين إن قلبه وقف حسيت إني أتغيبت عن الواقع ولقيت نفسي بتوهم إن قلبه وقف وعملوله تلت صدمات ومصحاش وأنا دخلت العمليات وحضنته وقولتله قوم بس هو مردش عليا، قولتله أنتَ وعدتني تفضل جنبي
أنت تقرأ
حانَ مَوعدُ القَتل «قيد الكتابة والتعديل»
Actionلِكُلِ إنسانٍ هدف يسعىٰ جاهدًا لتحقيقه، وهدفنا الذي تربينا عليهِ وتنفسناه هو الانتقام، نعم لِمَ أنتُم خائفون؟! ها نحنُ ذا نمضي بلُعبة الانتقام التي ماتزال مُستمرة حتىٰ نقول نَحنُ بأنها انتهت، والآن سيداتي سادتي.....هاقد حانَ مَوعدُ القَتل . بدأت 16...
