اللهم صلي وسلم علي خاتم الأنبياء والمرسلين
___________
" الوووووو البوليس المصري معانا "
" ايوه يا فندم "
" الحقنننننننني يا حظابط "
" خير يا فندم في حاجه "
" فيه مصايب في مصايب يا باشا انا مخطوفه للمافيا يا باشا "
" يا نهااااار اسود ازاي دا حصل "
" مش مشكله يا فندم ما تولع المافيا انا عايزه أبلغ في عم اينشتاين "
" الله يرحمه وحسبي الله ونعم الوكيل سقطت في الرياضه بسببه مالو المرحوم "
" لا يا باشا مش المرحوم دا هو منه لله سقطت برضوا في الرياضه بسببه انا بتكلم عن صاحب السوبر ماركت يا باشا "
" عمل ايه "
" عمل جريمه في حق المجتمع يا باشا "
" بيبيع مخدرات "
" لا اوكس "
" بيبيع أعضاء "
" انيل يا باشا تصور دا مش بيبيع اندومي بالخضار "
" معلش في السؤال حضرتك سنه كام الاول بس اصل صوتك صوت طفله في اولي إعدادي "
" اولي إعدادي ايه انا صحفيه ومخلصه تعليم "
" نعم !! "
" امبوبه قلم "
" ايه "
" العب باليه "
" يا مرااري حضرتك انا معنديش غير مراره وحده اي البلاغ الي عايزه تقدميه
" عاوزه اقدم بلاغ في صاحب السوبر ماركت ال مرتشي معندوش اندومي بالخضار لا ومش كده بس يا كبير دا بيبيع الاندومي ابو تلاته ونص فل كل حته بي ٤ دولارات الغبي فكرني خواجيه هيستغفلني
" لا حضرتك هو هو الي خواجه وبقولك اي يا بت انتي اقفلي بدل ما اجي اكسر دماغك
" اولاً اسمي رفيف مش بت ثانياً انا مواطن مصري وعندي حقوق مصريه ومن حقي اعمل بلاغ وبعدين اجبله منين اربعه دولار انا محلتيش اربعه جنيه اصلاً اصل انا مخطوفه والي خطفني مش بيديني مصروف خطف اخر زمن
" يا صبرررررر ايووووب "
" بقولك يا باشا معندهمش هنا شيتوووس بالجبنه ينفع تجبلي كيس شيتووووس ديلفري يعني "
" انتي يا بت شاربه اي دي حته بكام "
" والله يا باشا انا بطلت اشرب كل ما اشرب حاجه الاقي نفسي في مصيبه اخر مره شربت مانجا لقتني بلعب صلح مع المافيا
" مافيا اي ومحمد رمضان مين وبعدين دا رقم دولي انتي منين يا بت "
" انا في أمريكا يا باشا "
" يالي تنشلي لما انتي في أمريكا متصله بمصر ليه مصر هتلاحق علي مين "
" انا مصريه يا باشا اتصل بمين يعني الوووو الووو يا حضرة الظابط حظابط قفل "
ثواني وامسكت الهاتف وضغطت علي بعض الأرقام
" الووووووو قسم اول نيويورك معايا عاوزه اقدم محضر يا باشا "
______
اقتباس حلو لطيف من الأحداث الجايه
