نقاء الصدف .

- البارت الأول .

#نقاء_الصدف
للكاتِبه: زهراء علي
لم تُدرك الشّمعة ذَات يوم أنها
أحتضنت خيطاً أهلكهَا ولم يُدرك الخيط يومًا بأنهُ، كان بأحضانِها ليُحرق

متابعه الحسابي الواتباد حتى من انزل يوصلكم اشعار + كومنت شكد متكدرون🌼

إيريم:- صافنه بفراغي استرجع مواقفي لما چنه بالبصره لا ارادياً ابتسمت صار عندي فضول اشوف ملامحهم هسه بعد كُل هاي السنين كبرو اتزوجو شصار وياهم

"بعنه بيتنه وبين مندور رحنه للبصره ببيت عمي بقينه عدهم تقريباً سنتين او اكثر وهذا الي صار لما چنه صغار"

سمعت امي تصيحلي كمت اشوفها..
ام فضة: ماما راح نروح

إيريم: وين

ام فضة: البيت عمچ

إيريم: اي واحد منهم

ام فضة: بيت ابو عباس

نطقت الجمله وكلت بگلبي معقوله هسه جنت افكر بيهم كمزتني امي وهيه تكول ..

ام فضة: الخوثه مو وكت صفنتج

إيريم: زين شوكت نروح

ام فضة: باچر روحي كولي الأختج وخلي ننضف البيت ونلم ملابس نطلع الصبح

إيريم: شكد نبقه عدهم

ام فضة: كم يوم منطول

إيريم: خوش رايحه

درت وجهي احاول ما ابتسم بس ماعرف ليش فرحت رحت ادور على فضـة شفتها بالطارمه كاعده تتمرجح وصافنه كعدت بصفها..

إيريم: فضـة

فضة: ها

غمزتلهه وكلت:- راح نروح البيت عمو ابو عباس

فضة: حلفييي

إيريم: والله

فضة: كولي والعباس

إيريم: والله شبيچ

فضة: لا حلفي بالعباس

إيريم: هاي شبيها.. عمي بالعباس

فضة: شوكت

إيريم: باچر وهسه كومي ننضف ويه امي

فضة خوش

إيريم:- كمنه انا وياها اخذت الكتر من ايدي ولميت شعري ورحنه للمطبخ جبنه الماسحه والشغلات الي ننضف بيها وكل شويه مرزلتني امي مليت كلت خلي ارگب الصونده وانضف قبلها وفعلاً رحت وفتحت المي وبللت الطارمه وجاي امشي زلگت سمعت ضحكه فضـة وامي وهيه تكول ..

ام فضة: ثول ثول كتلچ انتضري

:- سحلت الصونده وراي ودخلت للمطبخ رشيت عَلى فضة وركضت وهم زلگت استغربت ودرت وجهي عَلى امي