السلام عليكم 🍀
زهراء المحمد💗
"لا تتركوني وحيدًا مع أفكاري فهي تؤذيني"
___________________
رحت للصالة امشي بخطوات بطيئة دخلت ما شفت احد تنفست براحة وگلت احتمال اتوهم
درت وجهي ردت ارجع شهگت من شفتة گدامي خلة منديل على حلگي منعت نفسي اتنفس بس ما گدرت بديت اغفة شوي شوي
اخر كلمة سمعتهة
:- لتخافين
احتل السواد عيوني وما عاد حسيت بشي ...
سواد مغطي عيوني ايدي ما اگدر احركهن احس اريد افتح عيوني بس ما أگدر
رجلية مربطة ما أگدر اتحرك
همست بصوت يرجف
:- اني وين
محد جاوبني خفت وارتعبت شوي شوي وحسيت شي انشال من وجهي تنفست براحة لان چنت مخنوگة
فتحت عيني وبدت توضحلي الرؤية گاعدة على چرباية ايدي ورجلي مربطات باوعت للجهة الثانية
فتحت عيوني بصدمة من شفتة هوا نفسة
"الهجرس"
:- شتريد مني فدوة عوفني
:- ترف گتلچ سابقا وراح ارجع اعيدهة
"انتِ بقبضة الهجرس محد راح يگدر يخلصچ مني"
دمعت عيني وسكتت ما ألي نَفس احچي لو ادافع على نفسي خلاص اني انتهيت بعد امي لو يكتلني هسة عادي ما اريد اعيش
ضليت صافنة بالفراغ فزيت من حسيت ايد انحطت على كَتفي
:- ليش سِكتي
باوعتلة بعيون مدمعة وهمست
:- ليش رابطني
بسرعة بدون ليجاوبني دارني عليه وفتح الرباط اللي بأيدي ورجلي لزم ايدي من انتبه عليهن حمر صايرات من ورة الحبل چان رفيع ونابت بأيدي كلش توجعني
باوعلي عيونة حمر
:- توجعچ ايدچ؟
ابتسمت بتعب
:- لا
:- شنو اليوجعچ
:- گلبي
بقة ساكت شوي وراح طلع من الغرفة
باوعت داير مدايري غرفة حلوة صغيرة بس مرتبة گمت استكشف شوي فتحت الباب وطلعت
البيت كلش چبير اني بالطابق الثاني مبين من الدرج اكو 6 غرف بهذا الطابق
وفوگ طابق ثالث
نزلت الدرج چان البيت كلش حلو الصالة چبيرة والأثاث اكثريتة اسود وابيض
صارت بوجهي مرة يطلع عمرهة ب 40 باوعتلي وابتسمت گالت
:- انتي تَرف مو
هزيتلهة راسي بدون ما اجاوب باوعتلي بتركيز وگالت
:- جميلة جدا
ابتسمتلهة وكملت طريقي مليت وصعدت فوگ رجعت للغرفة گعدت بالگاع لامة رجلي على صدري وصافنة بالفراغ حسيت الباب انفتحت وگعد بصفي
