الشرع الحرام

part 16

الشرع الحرام ❌

بقلمي...
a...q

لتكول الزمن غدار ويخون

زمانك ما غدر وانته أغدرتني

لجلك حاربت كل أهلي والكون

كلت ماريد غيرك يل عفتني

ولا يحتاج أكلك طبعك أتخون

تعرف نفسك أنته أشكد خنتني

حبيتك صدك حب طفل مجنون

وانطيتك حياتي وموتتني🥀

مساء العافيه 🌸
قراءه ممتعه

حلا
ليله متعبه مرت ع الكل... محد نام ليلتها ...كلهم نخبصوو بحيدر
موبايلاتهم مابطلات حتى يلكوون ادنى خبر يطمنهم بس بدون اي جدوى

بنسبه اليه الامر مايعنيلي كلش  كل السويته دعيتلهم من كلبي
تبرد نار كلوبهم وينجمعون بالحلال غير هيج تعشيت ونمت ومافزيت الا ع صوت الهوسه واللغوه الصبح 
 
فركت عيني وركزت اكثر
هذه صووت بنيه تصيح حيدر
يااا عزاااا معقوله هيه؟!!
نزلت ركض واشوف الولد كلهم بالمطبخ متجمعين وحيدر محتار بزمانه مايدري يطلع لحب عمره ومايخيب ضنها وبهيج يخسر ابو الي يقسم بعزه جلاله الله اذا حيدر عتب عتبت الباب يكتل روحه ويترجاه مايطلع وقافل كل البوب لان بمجرد مالبنيه صارت بالبيت خلص بعد تثبت عليهم ناهبين

الكل صارو ويه ابوهم ضد حيدر وهو حاير يبجي ويحلف بأبو يتراجع عن يمنه ويكله البنيه وثقت بيا مااگدر اكسرها ..
وعمي كان مايسمع ساحب اقسام ومخلي الرشاش تحت حنكه...لحضات مرت وفاتو عمام البنيه....

حيدر اتخبل كعد يلطم مثل النسوان ويتحسب على ابوو

ـ ارتااااااح هيان راح يذبحونها جدام عيينني ولله لذبح روحي وراها ولله

ـ ذو لفقار ...هشششش عيب عليك... كووم ماصار شي ابن امه اليكتل دخيل دخل بيتنل
هسه اطلع واخذها دخيل وشحد اليدنالها

- ابو صادق ....ين موولي اگص رجليك غير
جااا ماسوينه شي اذا تطلع..
هسه هم تصير دم يابه الناس كلوبهم فايره اركدوو ماعلينا ...شرفهم وهما احرار

-احمد ...وليش تصير دم نحاجيهم برحابه صدر ونتحملوهم لو غلطوو ويانه حتى نمشي الامور
عود بعدها نتحاگگ وناخذ حگنا من عيونهم..امشي ذوولفقار ...

هم عقيل وياهم بس ماقبل احمد كاله دمك فاير انت ماتتحمل ادري بيك ورجعه  ..
طلعو هما وحنه ركضنه لشباك الاستقبال نشوف شيصير لان الولد كلهم بالمطبخ

من وصلت جانت الوضعيه
امها وابوها محاوطينها وعمها رافع رشاش عليها ...بس ماكدر يسووي شي امها وابوها حاموها وصارولها سند وماقبلو احد يلمسها

ـ ابو درر ..محد اله يمي شي لبنيه بنيتي  وعارها عليه واليگض شعره منها ولله لشرب من دمه....