شمال الأنسان بدون روحة والروح شمالها بدون الأنسان ومثل الصحراء اذا مالاحها الحر ياهو الألها
فتحت عيني نظرت يمنى يسرى جثتي بمستشفى مفزوع اسحب نَفسي گوة هارب من عالمي محد بصفي وحيد أثار كدمات وجروح على أيدي درت عيني يمنى يسرى استوعبت أني بمستشفى حاولت اگوم بگل طاقتي سندت نفسي على مسنادة السرير ضلوعي متكسرة ألم ... دوخة ... حرارة . رجلي على الأرض واني ساند نفسي ماحس اني شداسوي مامتذكر الي صار ماعرف اني منو اني شنو اسمي عمري حياتي مجالي ماتذكر اي شي انسان بدون حياة ، أنفاسي بدت تقل انبساط وانقباض القلب بده يزيد ثگلت على مسند السرير أحاول أرجع لمآواي تمددت على كامل السرير وانغلقت عيني ......
ثمٰانية ونُص صَباحًا
أحلام كئيبة ومُرعبة تشتتات العين متنفتح اصوات غريبة خوف عگد لسان ماكدر افك حلگي ما أحس الا اكو شخص ديلزم أيدي فتحت عيني مفزوع صدمات وره صدمات لفيت على يمناي الكه بصفي بنية تفحص حالتي عگدت حواجبي وباوعتلها بصوت خشن ، أنتِ منو ، أني وين ليش هنا
درت راسي علية باوعتله نظرات لامعة أبتسامة متوسطة
- أني دكتورتك اسمي "جُلنار
- أني منو
- ماتتذكر؟
- أي ، أريد أكوم ماريد ابقى هنا
- وين تكوم اذا أنتَ ماتتذكر
- عادي اروح بأي مكان
- أصابتك عميقة توك طلعت من صالة العمليات
عگدت حواجبي بصدمة ، عمليات؟
- أي عمليات ، متصوب طلقتين وأثار كدمات وجروح على أيدك
ضليت مستغرب اني منو ليش هيج شغلي شجابني هنا مرت ثواني و ذبيت حيلي على أيدي اليمنى انعگدت ملامحي من الألم الي صار على أيدي حسيت أحد ديشيل ثگلي على حمله علمود بس يگعدني بمكاني ومايخليني أحس بالألم .. ديربالك لا تتأذة
قَبل أسبُوع
أحداث متكررة عميقة متقطعة متغوشة
أنت القاتل !!
أنت قاتل ! .....
صُحّار ......
فتحت عيني لفيت يسراي لكيت الدكتورة
-:: أسمي صُحّار
- يا الله شوي شوي بديت تتذكر
الألم ياكل بجسمي الصداع يدك دماغي
روحي لايبه لكن محد شايف
عدت أيام مشت أيام
طلع صُحّار من المُستشفى وهو مامتذكر أي شي غير كلمة أنت قاتل ... أنت القاتل ... صُحّار
صُحّار الأن //
طاب جرحي لكن الي صار منو حيذكرني بيه ماعندي أي فكرة غير أسمي و الكلمات الي ببالي جثة بلا روح خروجي من المستشفى اليوم أني منين حعرف مكاني أتذكر بس شكرل موقع الي تذكرت بيه هل اشياء ..... لفيت راسي باوعت بتركيز لگيت تيشيرت أسود وبنطلون أسود هديت حيلي على السرير وكمت أشوفهن بسكوت دحگت يسرى ماشفت أي احد غيرت ملابسي ولبست الملابس
YOU ARE READING
نار تاكل حطبها
Actionحَريق دٰاخِل قَلبي رُوحي تَحترِق عَينٰاي تذرِفُهٰا الدِمُوع سَكنت رُوحِي الأحزٰان دَفِنَت أحلٰامِي تَحت التُرٰاب لَيس لَدي مَآوىٰ كٰأنسٰان فِي قَبرة مُشتٰاقٌ الىٰ رُوحَة التَي كٰانت مَسكنة أنٰا الحَرِيق والحَطب لَن يَنخمُد ألَمِي الكٰاتِبَة شَهرزٰ...
