#طغيان_هارون
#بقلم_الراوية
#الفصل_الثاني_والثلاثون
قبل لا نبلش بالبارت
ادعوا لأهلنا في فلسطين 💔
صلوا على النبي ❤️
تعليق+تصويت و متابعة الحـساب للاستمرار 🙊💋
.
خاتون
مرات بعض الكـلمات تقتلـك، تصـيب قلبـك و كأنهـا رماح مسمـومه
تنصـدم..تنفعـل، تغضـب و بعدهـا تبـچي
و محد يگدر يواسيك بگد عيونك ، لـو افـرغوا كل كلمـات المواساة على صدرك
دمعتـك الوحيدة الي تكـون المواساة الـشافيه و الي بسببها شوية تنطـفى نيران قلبـك
چانت لحظاتي الأولى من سماع الخبر الي نقله حكـم عبارة عن صدمه
سرعان ما تحولت لـبكاء حاد، ما عرفت شنو احچـي أو اعبـر بيها
لگيت البكـاء رفيق جيد لتفريـغ مشاعـري
حسـيت على أيدين أم عبدلله و هـي تحتضني
تهدأ من روعي و تخفف عنـي، دخلتني للمطبخ و هناك غسلـتلي وجهي و هي تحچي بحنيه و بنتها بجـانبها
- گولي يا الله بنتـي، ان شاء الله ماكو هيچ شي
تمنيت و دعيت بداخلي يكون كـلامها صحيح
انطتني أبـرار گلاص مي
هدأ و سحبت نفـس عميق ، مسحت دمعتـي
و أني ارجع شعري ليـورا، أثناء تواجدي بالمطبخ
دخلوا الزلم بالـصالة
تشكرات العمه أم عبدلله و اتجهت لباب الصالة ، دگيت الباب و فتحه زوجهـا
و بهدوء متسائل حچيت
- اگـدر افوت ؟
- فوتي بنتي فوتـي
افسح الي مجال و دخلت
چانوا گاعدين حكم و الخال منير، ابتـلعت ريقي و حچيت بصعوبـه موجه حديثي لحكم
- شلون أخذوا ؟
هـو چان يريد يجـي عليك ؟
تعدل بگعدته و گـال
- ما اجا عليه
- يعني ما لحگ يوصلك ؟
- اصلاً ما چان بينا اتفاق إنو نتقابل
من حچـه حكم هيچ أني بقيت اباوع اله
رمـشت بعيوني و گلت
- لعد وين چان مقرر يروح ؟
و اصلاً إنتوا شلون عـرفتوا إنو أخذوا ؟
گال الخال منـير و هو يأشرلي اهدأ
- بنتـي گولي يا الله بالأول
- يالله ألف مرة ، بس خالـي هو گال راح اروح لحكم
و چنت احچي وياه و گال وصلت للسيطرة هسا ارجع اخابرچ و ما خابر
اختنگ صـوتي بنهاية حديثي
و هنا حكم هو الي حچه
- هو انلزم بالسيطـرة، چان يريد يروح لمنطقة الـ...
من نطق اسم المنطقة ، گلت و أني غير مصدقة
- هاي المنطـقة الي بيها شقة أبوية
أنت تقرأ
| طُغـيان هارون |
Romanceرواية حقيقية ⭕⭕ لـم يكن حبًا الذي بينـنا كـان شيء يشـبه الموت بـارد، موحـش، غـامض لم يكـن الذي بينـنا شيء استطيع فهمه لا أنـت و لا أنا استطـعنا أن نطلق عليه مسمى كـنت تردعنـي عنك وكنت أبعدك عنـي، لكـن في نهاية الأمر أجـدنا تحـت مظلة واحده تقيـنا من...
