حقد اخوات ادم

البارت ١٣

متابعة للحساب حتى توصلك اشعارات بأولها
ولاتنسون التصويت + التعليق بين الفقرات ✨🩷

-------------------------------------------

احداث سنة 2023 🗓️
--------------------------------

بعد ماصارت الهوسة بنص الليل ساعة 4
اني هنا چنت منهار ومو بوعيي واعصابي تالفة
چنت كلش مقهور ودمي يغلي بداخلي وبقو
يحچون وياي يلا وامشي وعيب ونتفاهم بالبيت
رجعت السلاح مال سامر ضميتة وقفلت الباب
ورجعنا للبيت ماتعبان بس مقهور گلتلهم

آدم : باچر نحچي هسة ما الي خلگ احچي شي
ماتعبان بس باچر نتفاهم ويصير خير

حسام : ماشي باچر اني اجي لهنا ونگعد ونسولف

امي : اي نام ارتاح والصباح رباح عيب مانريد
الناس تتشمت بينا ويگولون يتكاتلون بيناتهم
ويعيرون بينا باچر عگبة

آدم : يعيرون باخلاق بنتچ اني شكو اني اشرف من الشرف لا واعدت بنات لا صرت ديوث على اهلي وعيالي لا صرت حرامي مثل زوجهة مانريد نحچي

امي : اي يلا نام هسة باچر نحچي
---
وهنا راسلت علي وسولفتلة كلشي صار بالبصمات شرحتلة بالتفصيل ودزيتلة التسجيلات بس
چان نايم مافاتح انترنيت
وراسلت الاستاذ مال اللغة الروسية ونمت

ثاني يوم راسلني علي ..

علي : شنو سالفة هاي اختك محد بيكم يسويلها حل هي وزوجهة لو اني الزمهم اكسرهم هناك ماعرف شبيك يا اخي ليش دائمًا تسكت ومرتخي كلش

آدم : سكوتي بكل مرة و اعديهن هذا ميعتبر انُ اني نسيت لو سامحت لو عفيت مثلاً امي او باقي خواتي لو ابوية تتوقع ناسيهم ما انسى احد اتطمن بس كل شي بوقتة حلو وماريد استخدم العنف وياهم لان اني اذا استخدم العنف ما ارحم من اضرب لهذا متچافي شرهم وكل مرة اعديها واصبر

علي : والى متى تبقة هيچ اتعديهن الهم مو كافي ياخي ليش ماتبرز شخصيتك عليهم ما اخذت عبرة من امك وخواتك لو من رحنا لاربيل مو بأربيل غلقت الاتصال بوجهك وهي الي ورطتنا

آدم : اعرف كلهن ماناسيهن اتطمن اني حتى
اذا واحد بالطفولة أذاني ما انسالهيا

علي : ونسيبك هذا اذا انت سكتت معقولة اهلك يسكتون عمي كلامة علي گعدة عشاير والزمة ابسطة بسطة معدلة واطردة لاهلة واخلي يجيب عمامة وخوالة ويجي يعتذر

آدم : اني هسة گعدت من النوم خلي اشوف
اهلي بعد شوي شلون نتفق ونتفاهم شنو يسوون

علي : خوش وشغلك شلونة زين لا

آدم : الحمدلله گاعد يقوى والزبائن تكثر كل يوم وراسلت الاستاذ بس شو للان ماجاوبني مافاتح الرسالة ماعرف خلي انتضرة