بـسـم الـلَّـه الـرحـمٰـن الـرحـيـم
الـلـهـم صـلِ عـلـى مـحـمـد وآل مـحـمـد
........................................
ضُمني بجيوبك قصيدة
ولا تگلهُم انتَ شاعر
خلّ أعيشن بَس الك.
.......................................
غاية:كاعدة بأدارة المدرسة واخذتني صفنة رجعتني بالزمن
ليورة رجعت لطفولتي البائسة وهذا اقرب تشبيه الها
جنت طفلة عمري حسب ما اتذكر 5 سنوات
جنت اللعب وي اطفال عمي وتعاركنة عركة اطفال
عادية ما احس الة انجريت من ايدي وانضربت راشدي
من قوة الضربة وكعت بالكاع رفعت راسي وشفتها امي
امي اللي المفروض تكون مصدر اماني صارت مصدر
خوفي ضربة تليها عدة ضربات وما احس الة نشاليت
وانركعت بالكاع 6 مرات وره بعض بدون ما يرفلها جفن
ام غاية: تستاهلين علمود ما تلعبين وياهم بعد اني شكم
مرة محذرتج متلعبين وياهم؟ ها احجي موداحجي
وياج؟ لا تخلينهم يلعبون بألعابج فاهمة لو هذا عقلج
المحجر ما يدخل بي الحجي! اياني واياج الكاج تلعبين وياهم مفهوم؟
غاية: رديت عليها بصوت يرجف ودموعي وحدة تسبق
الثانية اي ماما والله ما اعيدها
ام غاية: لا تبجين لا والله العظيم اضربج خوش لو لا
غاية: رديت عليها واني حابسة دموعي بعيوني وصوتي
يرجف اي ماابجي بعد ما ابجي
رجعت من صفنتي على صوت الجرس يدك واعلانة عن
بدأ الدروس شفت الجدول ورحت متوجه للصف
اها يمكن اني ما ذكرت الكم اني بعده ما طالع التعيين
مالتي بعد هاي وضعية البلد ومضطرين ندرس
بالمدارس الاهلية الحمدلله على كل حال اني ادرس
بأعدادية للبنين واخوية الصغير يداوم بيها وياي
واختصاصي رياضيات المادة المكروه لبعض الطلاب
دخلت للصف وبديت بالشرح وسويتلهم امتحان يومي
علمود يضبطون الموضوع واذا شفتهم ما فاهمي ارجع
اعيدة مرة ثانية وهيج روتيني كل يوم بالمدرسة
خلص الدوام شغلت السيارة واجة اخوي
غاية: ها جسوري شلونك اليوم بالمتحان مال الفيزياء مجاوب لا
تجيب درجة زينة اذا جبت درجة زينة الك مني طلعة
وتشتري اللي تريدة ها متفقين؟
جَسور: اي مجاوب ولا يهمج حبيبتي وبعدين اني من
يوم يومي درجاتي عالية يعني حسبي حسابج الطلعة
بأقرب وقت وها لا تسحبين كلامج بعدين علمود اقطج زين
غاية: شعندي غيرك حبيبي قابل احبل اجيب يا عيني
تدلل من عيني هاي قبل هاي قط وانت الممنون
غاية: وصلنة للبيت نزل جَسور وبعدين طفيت السيارة
ونزلت ورا دخلت للبيت امي تلكت جَسور وحضنتة
ومحضرتلة الملابس كأنة لسة طفل وتهتم بي
ولا كأن عمرة 16 سنة ما راضية تفهم ان خلص لازم يعتمد على نفسة
ام غاية: ها اجيتي؟
غاية: اي
كلت هيج وكبل صعدت للطابق الفوك لغرفتي
بدلت ملابسي وذبيت نفسي من التعب نمت
ما عكدت الة المغرب على اتصال من...
................................................................
يتبع...
تصويت+تعليق
للحكاية بقية
دمتم في امان الله 🌚💖
YOU ARE READING
فِتنة الحُب
Randomقصة حُب نشأة في ضل الظروف الصعبة ترى كيف سينجح هذا الحب بضل عادات مُجتعمهم؟ التي تحتم منع الحُب بين الرَجُل والمرأة!! ملاحظة: القصة حقيقية ممزوجة بخيال الكاتب للكاتبة: رُفيدة
