Laih vanga han sen tawn tawn emaw dang awk chut chut ni tawhlo in(khang hun kha chu a kalpel tawh), pangngai hmel deuha tlang deuha a sawi phawng phawng thei zawk hi a ni.
"Jungkook-ah, in vai tan hian in tur ka lei dawn a, enge I duh ve ang?"Jimin chuan a ti a, hahthikula workout an ni bawk a, a sam serthlum rawng atang chuan a thlan pawh a far fep fel thei.
" Engpawh kha a ni mai,"Jungkook chuan a ti zawi sap a. "Min thlansak mai rawh hyung."
"Mahse I duhzawng ka hrelo alawm," Jimin chuan a ti leh a. A ngaihtuah chet chet chuan khang thla thum chhung khan nitin deuhthaw an awm dun a, a hrelo chu mak a ti angreng hle.
"Ka duh che," Jimin beng bula zawitea tih sap pahin Jungkook chuan a sam chu a tuaisak hlek a, a hmel hmu theilo mah se Jimin chuan a nui tih a hre thei.
"Jungkook-ah, ka thutak ania, a nuam iti ami?"
"Nangmah hian alawm nuam ti, hyung,"hmui tipawrh deuh tarhin Jungkook chuan a ti chhuak a. "Ka feelings hi infiam nan mai mai I hmang a, nuam I ti tih pawh thup I tumlo," tih pahin Jimin in a tanpui zawh tak hmeichhia chu a melh zuk a. (7.Jungkook hi a thikthu a chhe hle, Jimin ah bik hian)
"Chuvang chuan ami I ngawih renga I tum bur bur reng?"awiloh hmel deuha nui chungin Jimin chuan a ti chhuak a. "I hna ka tihsak ringawt che alawm. Hmeichhia I bul hnaiha an awm a I zirtir tura an tih hi ka thiamloh pawh a nilo. Thil tha tak ka tihsak che emaw ka lo inti zawk a."
"I sawi tum chu?"
"Ka lawm e ti la a tha ngawt ang."
"I duh hniam thei e, hyung." Jungkook chu a thaw hak a. "A aia tam ka tihsak thei ang che, " thutak hmel deuh hian a tichhuak phawng a. "I tih tur zawng chu min zawh a ni mai."
Ni e, tiang thu hi a sawi anga Jimin tihngaihna hrelo a hmuh chuan a nui vur vur bawk ang. A bunny smile pawh nilo, Jimin huat deuh ka-thuhnuaiah-i-awm-tih-ka-hria tih nuiha nuih zawkin.
"I fiamthu bal tak tak hi min hman khum tawhlo la bul tanna tha tak a ni ngei ang."
"A hmasaberah chuan, ka bula hmeichhia an awm hian kei ai I hmai a sen zawk a, Pahnihnaah chuan fiamthu bal pawh a nilo aw."
"Jungkook, a ni tih hre turin kha leh chen kha kan inkawm tawh,"tiin Jimin chuan a lo pha a.
" Saruakin min la hmulo."
"Chutiang chu ni reng zawk rawh se, ka lawm e,"Jimin chu a thaw hak a. "In tur zawt tur che in ka lo kal a, tinge I bulah hian thil engkim hi a har em-"practice room chhunga Jungkook insum thei tawhlo nui hawk hawk ri avang chuan a thusawi lai chu a tawp chat a.
"A ngai leh phiangsen lo, tuihal vangin thi daih rawh."
"Eng tuihal lampang nge kan sawi?"
Nui vur vurin Jungkook chuan Jimin chu a melh a, Jimin thin thawk tur hmel chu hmuhnawm a ti letling te pawh a ang zawk.
"Ka hrelo angah ka ngai ang,"beidawng deuha tih pahin Jimin chu kawngka lamah chuan a phei hnak hnak a.
"Hyung?" Jungkook chuan a rawn ti leh a.
"Enge?" nin hmel deuha tih pahin Jimin chu a hawi let a, mahse a tider tih a chiang hle.
"Strawberry flavour engpawh ka lo duh ang."
