Hopeless Romantic 2: Bitter (PUBLISHED UNDER POP FICTION)

CHAPTER TWELVE

Breeeeeeathe in. Breeeeeeeathe out.

Lasing na silang lahat except sa magpinsan at sa mga couples. Si Josh, lasing na lasing na. Nakadukdok na nga siya sa table ng kubo e. Si Dylan naman, kumakanta pa din si videoke. Ano ba, lasing ba 'to o ganyan lang siya talaga? Sila Lynne at Brylle, hindi ko alam kung nasaan. Nasaan na ba yung dalawang yun?! Akala ko ba magkaaway sila? Hmmm. Sila Ariza at Christian, nawawala din.

"I still don't know how to drive, Rylie. I'm so sorry," Nakayukong sabi ni Aish, "At kahit na marunong ako, wala ding mag-aalaga sa mga mokong na 'to." Tinuro niya yung mga lasing.

"Nasaan ba sila Lynne at Brylle?" Tanong ko.

"Nalasing si Lynne kaya yun, no choice yung isa. Hindi naman pwedeng si Christian yung mag-alaga kay Lynne kasi alam naman nating lahat na selosa si Ariza, diba?"

I sighed, "Hindi ko na alam gagawin ko. Kailangan kong puntahan si Papa, nasa hospital siya. Isa pa, miss ko na din siya."

Yup! Na-kwento ko na sa kanya yung mga namiss niya noong di kami nagpapansinan. Alam na niyang hiwalay parents ko. Syempre naman, sinummarize ko lang kasi 2 years din yun no! Madaming nangyari! Kinwento ko din sila Tim sa kanya. Ang laki nga daw ng pinagbago ko eh pero nakikita pa din daw niya yung dating Rylie sa akin.

"Rylie... Bakit kasi hindi na lang siya?" Tinuro niya si Justin na nakatalikod sa amin at nakaupo sa may buhanginan habang may hawak na stick. Nakatingin lang siya sa dagat, parang ang lalim ng iniisip. I kinda feel bad... KINDA.

"Aisha, alam mo naman na hindi pwede diba?" Isa pa, paano na lang yung pride ko? Napahiya na nga ako kanina e. Baka lalo lang ako mapahiya.

"Tatay mo o pride mo? Mamili ka!"

"Tatay... FINE! Kainis ka talaga." Tumawa lang siya at dahan dahan akong nag-lakad papunta sa pwesto ni Justin. Kinalabit ko siya kaya napantingin siya sa likod niya...

Pagkakita niya sa akin, parang automatic na napataas kilay niya.

"Alam kong galit ka sa akin pero I need you..."

"You need me?" Tumawa siya. Sarcastic na tawa, "How ironic." UGHHH!

"Justin, please naman. My dad's in the hospital right now. I don't know how to drive, pati si Aisha. Yung iba, lasing na. Yung iba naman, nagdedate. Help me." YUNG PRIDE KO!!!

Nag-isip siya ng konti bago sabihin na, "Let's go then." Hindi na ako nagsalita at naglakad na kami pabalik ng bahay para kunin yung mga gamit ko kasi hindi na ako makakabalik bukas. Siya naman, kinuha lang niya yung hoodie at susi niya. Siya nga pala yung driver kaya kailangan pa niyang bumalik dito pagkahatid niya sa akin sa Manila. Ako yung napapagod e.

"Justin, Rylie, mag-ingat kayo. Masyado ng madilim sa daan." Sabi ni Aisha pagkalabas namin.

"Of course. Bye Aisha, hang out soon!" Kiniss ko siya sa cheeks at hinug ko siya ng mahigpit. "I missed you. I really missed you,"