اللهم صلي وسلم على نبينا محمد
<< فضلاً لايك وكومنت >>
استغفرالله العظيم واتوب اليه
_____________________________________
راكان & هيام
صار لهم مع بعض تقريبا اربع سنوات
مرت عليهم بحب وسعاده ولاكن كان اغلب الأوقات بينهم سوء تفاهم ويزعلون ويرجعو
اول سنه كان راكان يتعامل مع هيام بكل حب وود بس بعد مرور سنه تغير عليها شوي شوي لين صار تحس انه ماعاد صار يحبها ومتضايقه من هذا الشي
كانت هيام قاعده بجناحها الي موجود ببيت ابو راكان بالدور الثاني كان الجناح عبارة اول ماتدخلي
صاله كبيره موجود فيها كنب وتلفاز وبالجهه اليمين غرفه النوم وعلى جنبها حمام (اكرمكم الله ) والجهه اليسار غرفه فاضيه للحين مايحتاجونها
كانت هيام بغرفتها قاعده بالكنب الي قريب من باب البلكونه ماكان معها شي قاعده تفكر وتفكر ومنغمسه بافكارها وحاطه يدها على بطنها الي للحين ماحملت وتعبت من زنين راكان بانها تحمل وانها السبب الكل يقول لها اصبري ومحد قاعد يلومها الا راكان
( يالله قد ايش تغيرت حياتي منجد كنت ادعي انك تعوضني وعوضتني ب راكان بس اااه من راكان الي صار له سنتين وهو متغير جذرياً علي مدري ليش
يالله يارب اني احمل يارب اكتب لي مافيه الخير
الله كريم )
خذت جوالها وقعدت تقلب بالصور لين وقفت على صورة تصورتها مع راكان لما وصلت الفندق
ابتسمت وهي تتذكر يوم زفافها والي كان اسعد يوم بالنسبه لها .........
تذكرت هيام كل تفاصيل يومها وهي مبتسمه
نرجع معها بالذكريات .....
بعد ماطلعت هيام مع راكان وفهد تحرك فيهم فهد للفندق كانت قاعده وراء وراكان معها
كان راكان يسولف مع فهد ويضحكون ويحرجونها واوقات كانت تضحك معهم واوقات تستحي وتسكت وصلو الفندق نزل راكان وساعدها وودع فهد
دخلو الفندق واخذ البطاقه وطلعو الاصناصير
دخلو الغرفه وهذا كله وهيام متوترة وترجف
دخلت هيام الجناح وقاعده تشوف ترتيبه بسيط وفخم بنفس الوقت بعدت الغطاء على وجهه لفت
شافت راكان بوجهها مبتسم ابتسمت بهدوء ونزلت راسها بحياء
قرب راكان منها وقال : ماتبين اساعدك تبعدين العبايه
هزت راسها هيام وبعدت العبايه مسك راكان يدها
ومشى فيها للكنب وقعدت كان الجلوس هيام بالكنب صعب بالنسبه لها عشان الفستان بس جلست وبس
قعد راكان بالكنب الي قدامها
قعد يناظر فيها وهيام منزله راسها رفعت راسها وطاحت عينها بعينه ابتسم لها وهي توهقت
راكان وهي يناظرها : سبحان الله بسم عليكي
قرب منها وحط يده على راسها
هيام كانت تشوي وتطير من مشاعرها الغريبه
قعد يقراء عليها ودعاء ربه انه يوفقهم كمل ومسك يدها عشان تقوم
راكان بحنان : روحي غيري الفستان وتحممي بسرعه عشان نصلي وارجع اكلمك
هيام بتوتر : اوكي الحين بروح بس ممكن تفتح لي خيوط الفستان
راكان : قولي بس ماطلبتي شي
وساعدها ودخلت الحمام ( اكرمكم الله ) .......
طلعت هيام وشافت راكان لسا قاعد منتظرها تطلع عشان يتوضى ويغير ملابسه ابتسمت له بحياء
وقعدت عند المرايه بادلها الابتسامه ودخل
اول ماسمعت الباب يتسكر تنهدت
هيام بصوت واطي : اووووه باقي شوي واموت
شافت وجهها بالمرايه : الحين وش اسوي كيف اتصرف يمههه اول كذا
سرحت شعرها ونشفته وحطت روج خفيف ورتبت نفسها وتعطرت
وقامت ولفت والا شافت راكان طالع بالمنشفه بس
هنا انجلطت وشهقت
راكان شاف لها مصدومه ضحك عليها : اووههه هيام اعتذر والله
ولف وراح الغرفه الثانيه
رجع لها وهو لابس : يلا جاهزة نصلي
هيام : اي بس البس حق الصلاة
راكان : يلا
صلوا جماعه مع بعض سلم راكان وسلمت هيام بعده
وقعدو يدعون شوي وقامو
راكان : تعالي الصاله
مشت هيام وراه وهي مستحيه
قعدت بالكنب وقعد راكان جنبها متعمد
راكان : هيام
هيام : هلا
راكان : هلا هلا من اول يوم هلا
هيام : وش اقول
راكان : قولي عيوني
ضحكت هيام وضحك راكان : تبين عشاء
هيام : يعني عادي
اتصل راكان وطلب عشاء وقعد يسولف مع هيام شوي يحاول يبعد عنها الحياء عشان يقدر
يتكلم معها براحته اجاء العشاء وقعدو ياكلو بهدوء
بعد ماكملو عشاء
لف راكان لهيام وبجديه: بكلمك بموضوع
هيام عرفت انها بيفتح الموضوع الي ببالها : طيب
قول
اللهم صلي وسلم على نبينا محمد
البارت 140
<< فضلاً لايك وكومنت >>
استغفرالله العظيم واتوب اليه
_____________________________________
قام راكان واخذ الكنب الفردي وحطه قدام هيام وقعد فيها ومسك يدها وخذا نفس
راكان : هيام انا لسا دريت ان انتي البنت الي كنت احبها واتواصل معها
هيام : راكان انا ماعمري فكرت اخون ثقه اهلي بس شفت نفسي فجه تعلقت فيك وماعاد قدرت اتركك وكنت مفكره اتركك بااقرب فرصه بس
راكان: اسمعيني انا ابوي كلمني وقال بخطب لك ماقدرت اصارحه اني احب وحده مااعرف اسمها او اصلها ومين هي كل الي اعرفه صوتها بس تقدمت لك وكنت ادعي ماتوافقي بس وافقتي بس الحمدلله انك وافقتي ماتوقعت ولا واحد بالميه انه
ممكن تكوني هذي انتي
رفع راسه وابتسم لها : يوم الزفاف شفت جمالك وخذيتي قلبي ولما دخلت اتصور معك وقمت اجيب لك مناديل شفت العقد الفراشه والي ماقد شفته مع حد غير الي عطيته البنت الي حبيتها
كمل لها بحنيه : ومااكذب عليكي اني صار قلبي فراشات على طول عرفت انه انتِ مااوصف لك فرحتي تمنيت لو اني عرفت انه انتي من زمان
حبيت اسوي لك سبرايز بالقاعه وهذا الي صار واحمد ربي مليون مره عليكي
هيام دموعها نزلت وهي تسمعه تكلمت وصوتها كله بكاء : تدري ابوي عرف اني كنت اكلمك
وقال لي اول شخص يتقدم لك بوافق عليه غصب عنك
ماكنت ادري انه انت ولما عرفت خفت
انك تقرب لي وصدمني ابوي لما وافق عليك
ولما حدد الملكه كنت منهاره
لاني للحين كنت احبه
وعدت نفسي ابعد العقد بيوم زفافي
ومن بعد ماملكت عليك ماعاد فكرت بغيرك
مادري وش اقول لك بس
وربي عانيت قبل اعرف انه انت
كنت خايفه منك ومن مستقبلنا
بس تفاجأت لما طلعت لي العقد بيدك وخفت انك عرفت ماتوقعت انه انت ابدا
ونزلت دموع الحساسه هيام وبكت وراكان ضمها .......
كتبت بارتات وانحدفت علي وشوي وطردني
الواتباد وقعدت احاول ارجعه ساعتين وكتبت الاحداث مره ثانيه ونزلتها بالانستا ونزلت
هنا وربي عانيت وانا انزل لكم المهم تفاعلكم ياحلوينيييي 🫂🫂🫂👍
أنت تقرأ
جيتنى مثل الشروق الى محى عتم الليالى ♡. روايات| القمر 💥
Mystery / Thrillerقيد تعديل البارتات + كتابه النهايه اسبوع وكل شي جاهز ٠🫂🫂 ________________________________ تعيش بوهم وامها تتعامل مع الكل بحنيه الا هي وفجهه تعرف حقيقه امها وتنصدم وتتغير حياتها كلها. وتتعرف على اشخاص تغير حياتها للافضل هذا اعتقادها ولكن انها تسو...
